News Agency of India

ટિકટોક વિડીયો બનાવતા લપસ્યો પગ, ગળેફાંસો આવી જતા સગીરનું મોત

1 min read

Share with:


દૌસાઃ રાજસ્થાનના દૌસા શહેરમાં ટિકટોક વિડીયો બનાવવો એક સગીરને ભારે પડી ગયો હતો. ટિકટોક વિડીયો બનાવવાની કિંમત તેણે પોતાનો જીવ ગુમાવીને આપી હતી. દૌસા શહેરમાં વિક્રમ મહાવર નામનો સગીર ટિકટોક વિડીયો બનાવવા માટે અનેક રીતના સ્ટંટ કરતો હતો. પરિવારના જણાવ્યાનુસાર ગુરુવારે રાતે પણ તે પોતાના રુમમાં કપડું બાંધીને ફાંસી લગાવવાનો ટિકટોક વિડીયો બનાવવા જઈ રહ્યો હતો. આ દરમિયાન તેનો પગ લપસ્યો અને ફાંસો ગળામાં આવી ગયો હતો. જેના કારણે તેનું મોત થઈ ગયુ હતું.

ટિકટોક બનાવવાનો શોખીન હતો સગીર
આ ઘટનાની જાણકારી મળતા જ પોલીસ ઘટનાસ્થળે પહોંચી હતી અને મૃતદેહને પોસ્ટમોર્ટમ માટે હોસ્પિટલ મોકલ્યો હતો. ગુરુવારે મૃતદેહનું પોસ્ટમોર્ટમ કરવામાં આવ્યુ હતું. પરિવારજનોના રિપોર્ટના આધારે સગીર બાળકને ટિકટોક બનાવવાનો શોખ હતો અને ટિકટોક બનાવતા સમયે જ આ દુર્ઘટના ઘટી હતી. જોકે, પોલીસ હાલ આ મામલે વધુ તપાસ હાથ ધરી રહી છે.

આ પણ વાંચોઃટિકટોક વિડીયો બનાવવાના ચક્કરમાં ડેવિડ વોર્નરના તૂટ્યા દાંત! જુઓ મજેદાર વિડીયો

સ્ટંટ કરીને બનાવતો ટિકટોક વિડીયો
દૌસા કોતવાલી ચોકીના ઈન્ચાર્જ રાજેશ મીણાએ જણાવ્યું કે પોલીસને સૂચના મળી હતી કે દરવાજા પાડા વિસ્તારમાં એક સગીર બાળકે ફાંસો ખાઈને જીવ આપ્યો છે. સૂચના મળતા જ પોલીસ ઘટનાસ્થળે પહોંચી હતી. જ્યાંથી મૃતદેહને જિલ્લા હોસ્પિટલમાં ખસેડવામાં આવ્યો હતો. જ્યાં ડોક્ટર્સે બાળકને મૃત ઘોષિત કર્યો હતો. જ્યારે પરિવારની પૂછપરછ કરવામાં આવી ત્યારે કારણ સામે આવ્યું કે સગીર ટિકટોક વિડીયો બનાવવાનો શોખીન હતો અને સ્ટંટ કરીને જ વિડીયો બનાવતો હતો. ગત રાતે પણ તે રુમમાં વિડીયો બનાવતો હતો. આ દરમિયાન દુર્ઘટના થઈ. જોકે, પોલીસ હજુ વધુ તપાસ કરી રહી છે.

Share with:


Leave a Reply

Your email address will not be published. Required fields are marked *