News Agency of India

લો બોલો! ચોરી કરતા પહેલા પૂજા કરીને ભગવાનના આશિર્વાદ મેળવે છે આ ‘ધાર્મિક’ ટોળકી

1 min read
લો બોલો! ચોરી કરતા પહેલા પૂજા કરીને ભગવાનના આશિર્વાદ મેળવે છે આ ‘ધા
લો બોલો! ચોરી કરતા પહેલા પૂજા કરીને ભગવાનના આશિર્વાદ મેળવે છે આ ‘ધાર્મિક’ ટોળકી

Share with:


લોકો પોતાના કામ શરુ કરતા પહેલા ભગવાનના આશિર્વાદ લેતા હોય છે, પરંતુ શામળાજીમાં તો ચોરોની ટોળકી પણ ચોરી કરતા પહેલા શટર તોડીને દીવો પ્રગટાવે છે.

લો બોલો! ચોરી કરતા પહેલા પૂજા કરીને ભગવાનના આશિર્વાદ મેળવે છે આ ‘ધાર્મિક’ ટોળકી
ફાઈલ તસ્વીર

પાલનપુર- કોઈ પણ કામ શરુ કરતા પહેલા મોટાભાગના લોકો ઈશ્વરને યાદ કરતા હોય છે, તેમની પૂજા કરતા હોય છે અને કામમાં સફળતા મળે તેવી પ્રાર્થના કરતા હોય છે. લોકો ઈચ્છે છે કે દરેક કામમાં ભગવાનના આશિર્વાદ તેમની સાથે હોય. લોકોની એવી શ્રદ્ધા હોય છે કે પૂજા કર્યા પછી કોઈ કામ શરુ કરવામાં આવે તો તે કામમાં ભગવાનની મદદ જોડાયેલી રહે છે. પરંતુ અહીં એક એવો કિસ્સો સામે આવ્યો છે જેમાં એક ટોળકી ચોરી જેવું ગુનાહિત કામ કરતા પહેલા પણ પૂજા કરે છે અને આશિર્વાદ મેળવે છે. તાજેતરમાં સામે આવેલી એક ઘટના અનુસાર, જે સ્થળ પર ચોરી કરવાની હોય ત્યાં ટોળકીના સભ્યો પૂજા કરે છે અને પછી ચોરીનું કામ પાર પાડે છે. ગુનાહિત કામ કરતા પહેલા પણ ચોર ઈશ્વરના આશિર્વાદ મેળવવાનો પ્રયત્ન કરે છે.

અરવલ્લી જિલ્લાના શામળાજી ખાતે આ પ્રકારની ઘટનાઓ બની છે. તાજેતરમાં આ ટોળકી દ્વારા બે દુકાનોનો નિશાન બનાવવામાં આવી અને 25000 જેટલી રકમની ચોરી કરવામાં આવી. પોલીસના જણાવ્યા અનુસાર, ચોરોએ પોતાનું કામ કરતા પહેલા દીવો અને અગરબત્તી સળગાવ્યા, અને પછી ચોરીની ઘટના પાર પાડી. આ ટોળકીએ માત્ર દુકાનો જ નહીં, એક તબીબના ક્લિનિકને પણ નિશાન બનાવ્યુ હતું.

ચોરીની આ પ્રકારની ઘટનાઓ સામે આવતા શામળાજીના વેપારીઓએ પોલીસને નાઈટ પેટ્રોલિંગમાં વધારો કરવાની માંગ કરી છે. પોલીસે પણ જણાવ્યું કે તેઓ વહેલી તકે આ ધાર્મિક ટોળીને પકડી લેશે. ઉલ્લેખનીય છે કે તસ્કરોની આ નવી પદ્ધતિ સમગ્ર વિસ્તારમાં ચર્ચાનો વિષય બની છે. વેપારીઓમાં પણ આક્રોશ જોવા મળી રહ્યો છે. પોલીસને આ ઘટનાની જાણ થતા તેમણે પ્રાથમિક તપાસ હાથ ધરી છે.

ઉલ્લેખનીય છે કે આ ટોળકીએ સૌથી પહેલા બે દુકાનો અને એક ખાનગી ક્લિનિકનું તાળું તોડ્યું અને પછી તેમાં પ્રવેશી અગરબત્તી કરી, ત્યારપછી ચોરી કરી અને ત્યાંથી ફરાર થઈ ગયા. પોલીસ પણ ચોરી કરતા પહેલા અગરબત્તી કરતી આ ટોળકી વિષે જાણીને નવાઈ પામી ગઈ છે.

Share with:


Leave a Reply

Your email address will not be published. Required fields are marked *