News Agency of India

ઘાટલોડિયામાં બેકરીના કારખાનામાં 3 મજૂરોના મૃતદેહ મળી આવતા ચકચાર

1 min read
ઘાટલોડિયામાં બેકરીના કારખાનામાં 3 મજૂરોના મૃતદેહ મળી આવતા ચકચાર

Share with:


ઘાટલોડિયામાં બેકરીના કારખાનામાં 3 મજૂરોના મૃતદેહ મળી આવતા ચકચાર

અમદાવાદ: શહેરના ઘાટલોડિયા પોલીસ સ્ટેશન વિસ્તારમાંથી એક ચોંકાવનારી ઘટના સામે આવી છે. જેમાં એક બેકરીના કારખાનામાંથી 3 મજૂરોના મૃતદેહ મળી આવતા ચકચાર મચી જવા પામી છે. બનાવની જાણ થતાં સ્થાનિક પોલીસ અને ફાયર વિભાગનો કાફલો ઘટનાસ્થળે દોડી ગયો હતો અને મૃતદેહને કબજે કરીને પોસ્ટમોર્ટમ માટે હોસ્પિટલ ખસેડવાની કાર્યવાહી હાથ ધરવામાં આવી હતી. જેમાં પ્રાથમિક તપાસ મુજબ ગૂંગળામણને કારણે ત્રણેય મજૂરોના મોત થયા હોવાનું જાણવા મળ્યું છે.

બેકરીના કારખાનામાં 3 મજૂરોના મૃતદેહ મળ્યા
પ્રાપ્ત અહેવાલો મુજબ ગોપાલનગર પાસે પફ બનાવવાના કારખાનામાં રહેતા અને મજૂરી કામ કરતા ત્રણ પરપ્રાંતિય મજૂરોના મોત થયા છે. ઘટનાની જાણ થતાં ફાયર અને પોલીસ ઘટનાસ્થળે પહોંચતાં ત્રણેય મજૂર મૃત હાલતમાં મળી આવ્યા હતા. પોલીસની પ્રાથમિક તપાસમાં મુજબ કારખાનામાં ગૂંગળામણના કારણે તેમનું મોત થયું છે જો કે, સાચું કારણ પોસ્ટમોર્ટમ રિપોર્ટ બાદ જ સામે આવશે. ઘટના અંગે એફએસએલની પણ મદદ લેવામાં આવી રહી છે.

Share with:


Leave a Reply

Your email address will not be published. Required fields are marked *