News Agency of India

કરીના કપૂરના નવા ઘરે ગણેશજીની સ્થાપના: પરિવારે સાથે મળીને કરી પૂજા, તૈમૂરે ક્લેમાંથી બનાવ્યા ગણપતિ

1 min read
કરીના કપૂરના નવા ઘરે ગણેશજીની સ્થાપના: પરિવારે સાથે મળીને કરી પૂજા, તૈમૂરે ક્લેમાંથી બનાવ્યા ગણપતિ
કરીના કપૂરના નવા ઘરે ગણેશજીની સ્થાપના: પરિવારે સાથે મળીને કરી પૂજા, તૈમૂરે ક્લેમાંથી બનાવ્યા ગણપતિ

Share with:


બોલિવુડ એક્ટ્રેસ કરીના કપૂર ખાને આ વર્ષે ગણેશ ચતુર્થી પર પોતાના ઘરે ગણપતિજીની સ્થાપના કરી છે. એક્ટ્રેસે સોશિયલ મીડિયા પર ઘરે સ્થપાયેલા ગણપતિજીની ઝલક બતાવી છે.

કરીના કપૂરના નવા ઘરે ગણેશજીની સ્થાપના: પરિવારે સાથે મળીને કરી પૂજા, તૈમૂરે ક્લેમાંથી બનાવ્યા ગણપતિ

આજથી ગણેશોત્સવના દસ દિવસના પર્વનો પ્રારંભ થયો છે. દેશભરમાં ગણપતિ ભક્તો ધામધૂમથી પોતાના ઘરે ગણેશજીની સ્થાપના કરે છે. શિલ્પા શેટ્ટી, અર્પિતા ખાન, દિવ્યાંકા ત્રિપાઠી, સોનુ સૂદ, પ્રિન્સ નરુલ્લા-યુવિકા ચૌધરી જેવા ટેલિવુડ અને બોલિવુડના ઘણાં કલાકારોએ પોતાના ઘરે વિઘ્નહર્તાની સ્થાપના કરી છે. ગણેશ ચતુર્થીએ કરીનાએ પણ પોતાના ઘરે બાપ્પાને આમંત્રણ આપ્યું છે.

સોશિયલ મીડિયા પર એક્ટિવ રહેતી કરીના કપૂરે પોતાના ઘરે થયેલી ગણેશ સ્થાપનાની ઝલક બતાવી છે. એક્ટ્રેસે ત્રણ તસવીરો શેર કરી છે જેમાં સૈફ-કરીના અને તૈમૂર વ્હાઈટ રંગના આઉટફિટમાં જોવા મળી રહ્યા છે. પ્રિન્ટેડ કુર્તા-પાયજામામાં તૈમૂર ખૂબ ક્યૂટ લાગી રહ્યો છે. તસવીરમાં જોઈ શકો છો કે, સૈફ અને તૈમૂર હાથ જોડીને ગણપતિજીને નમન કરી રહ્યા છે જ્યારે કરીના તૈમૂરને હાથ જોડવાનું શીખવતી હોય તેવું દેખાઈ રહ્યું છે. કરીનાએ પોતાના નવા ઘરે ગણેશજીની નાનકડી મૂર્તિ સ્થાપી છે. ગણેશજીની સામે ચાંદીની થાળીમાં લાડવાનો પ્રસાદ મૂકવામાં આવ્યો છે.

કરીનાએ બીજી એક તસવીપ શેર કરી છે જેમાં સાડા ચાર વર્ષના તૈમૂરે ક્લેના ગણપતિ બનાવેલા જોઈ શકાય છે. તૈમૂરે કેસરી, પીળા, વાદળી રંગની ક્લેનો ઉપયોગ કરીને ગણેશજીની બે મૂર્તિ અને બે ઉંદર બનાવ્યા છે. સાથે જ તેણે નાનકડા લાડુ પણ બનાવ્યા છે. કરીનાએ આ તસવીરો શેર કરતાં લખ્યું, “મારા જીવનના પ્રેમ સાથે ગણેશ ચતુર્થીની ઉજવણી કરી રહી છું. ટિમ ટિમે ક્લેમાંથી ક્યૂટ ગણેશજી બનાવ્યા છે. સૌને ગણેશ ચતુર્થીની શુભકામના.” જોકે, તસવીરોમાં સૈફ-કરીનાનો નાનો દીકરો જેહ નહોતો જોવા મળ્યો.

કરીના કપૂર અને તેનો પરિવાર દરેક તહેવારને ધામધૂમથી ત્યારે નવા ઘરમાં પટૌડી પરિવારની પહેલી ગણેશ ચતુર્થી છે. ગત વર્ષે પણ તૈમૂરે લેગોમાંથી ગણપતિ બનાવ્યા હતા જેની તસવીરો એક્ટ્રેસે ઈન્સ્ટાગ્રામ પર શેર કરી હતી.

સૈફ અલી ખાન અને કરીના કપૂર માટે 2021નું વર્ષ ખુશીઓથી ભરેલું રહ્યું છે તેમ કહી શકાય કારણકે આ વર્ષે તેઓ નવા ઘરમાં શિફ્ટ થયા. ઉપરાંત કપલના બીજા દીકરા જહાંગીરનો પણ જન્મ થયો છે. હાલ તો સૈફ-કરીના બંને દીકરાઓ સાથે સમય વિતાવા ઉપરાંત પ્રોફેશનલ પ્રોજેક્ટ પણ સંભાળી રહ્યા છે. વર્કફ્રંટની વાત કરીએ તો, કરીના આમિર ખાન સાથે ફિલ્મ ‘લાલ સિંહ ચઢ્ઢા’માં જોવા મળશે. આ સિવાય કરીના એકતા કપૂર સાથે મળીને હંસલ મહેતાની આગામી ફિલ્મ પ્રોડ્યુસ કરવાની છે. સૈફની વાત કરીએ તો તેની ફિલ્મ ‘ભૂત પોલીસ’ રિલીઝ થઈ છે. હવે તે પ્રભાસ સાથે ફિલ્મ ‘આદિપુરુષ’માં જોવા મળશે.

Share with:


Leave a Reply

Your email address will not be published. Required fields are marked *