News Agency of India

ભાજપ નેતાનો આરોપ- 'સુશાંતના મોતના દિવસે દુબઈનો ડ્રગ ડીલર તેને મળવા આવ્યો હતો'

1 min read

Share with:


સુશાંત સિંહ રાજપૂતના કેસમાં સતત નવા આરોપો સામે આવી રહ્યા છે. ભાજપના રાજ્યસભા સાંસદ સુબ્રમણ્યન સ્વામીએ સતત સુશાંતના કેસમાં ખુલીને બોલી રહ્યા છે અને સવાલ ઉઠાવી રહ્યા છે. હવે તેમણે આરોપ લગાવ્યો છે કે, સુશાંતે આત્મહત્યા નહોતી કરી તેની હત્યા થઈ હતી. સ્વામી પહેલા પણ ઘણા આરોપ લગાવી ચૂક્યા છે અને તેમનું માનવું છે કે, સુશાંતની હત્યામાં અંડરવર્લ્ડનો હાથ હોઈ શકે છે. હવે સ્વામીએ વધુ એક આરોપ લગાવ્યો છે.

ભાજપ સાંસદે નવો દાવો કરતાં પ્રશ્ન ઉઠાવ્યો છે કે, સુશાંતના મોતના દિવસે દુબઈનો ડ્રગ ડીલર આયશ ખાન તેને કેમ મળવા આવ્યો હતો? સ્વામીએ સુશાંત સિંહ રાજપૂતની જેમ શ્રીદેવીના મોતને પણ સંદિગ્ધ ગણાવ્યું છે. સુબ્રમણ્યન સ્વામીએ ટ્વિટમાં લખ્યું,

“સુનંદા પુષ્કરના કેસમાં એઈમ્સના ડૉક્ટરોને તેમના પેટમાંથી જે મળ્યું એ મહત્વનું હતું. પરંતુ શ્રીદેવી કે સુશાંતના કેસમાં આમ ના થયું. સુશાંતના કેસમાં દુબઈનો એક ડ્રગ ડીલર આયશ ખાન સુશાંતના મર્ડરના દિવસે તેને મળ્યો, કેમ?”
ઉલ્લેખનીય છે કે, સ્વામીની જેમ જ ઘણાં લોકોનો આરોપ છે કે, સુશાંત સિંહ રાજપૂતની હત્યા કરવામાં આવી છે. સુપ્રીમ કોર્ટના આદેશ બાદ CBI દરેક એંગલથી કેસની તપાસ કરી રહી છે. મુંબઈ પોલીસ પાસેથી સુશાંતના કેસની વિગતો લીધા બાદ મુંબઈ પોલીસ તેની સાથે સંકળાયેલા લોકોની પૂછપરછ કરી રહી છે.

Share with:


Leave a Reply

Your email address will not be published. Required fields are marked *