News Agency of India

રિયા ચક્રવર્તી અને તેના પિતાને સમન પાઠવશે CBI, એક્ટ્રેસે આપવા પડશે આ 12 સવાલોના જવાબ

1 min read

Share with:


સુશાંત સિંહ રાજપૂતના મોત મામલે રિયા ચક્રવર્તી અને તેના પિતા ઈંદ્રજીત ચક્રવર્તીને સીબીઆઈ સમન પાઠવી શકે છે. સુશાંતના પિતાએ FIR કર્યા બાદ આ મામલે રિયા અને તેનો પરિવાર મુખ્ય આરોપી છે. CBIની ટીમ આજે (સોમવાર) રિયા અને તેના પિતાની પૂછપરછ કરી શકે છે. ટાઈમ્સ નાઉના રિપોર્ટ પ્રમાણે, CBIએ રિયાની પૂછપરછ માટે સવાલોનું લાંબુ લિસ્ટ તૈયાર કરી લીધું છે. જેમાં ઘણા પ્રશ્નો એવા છે જેના જવાબ સુશાંતની મોત અને તેના સ્વાસ્થ્યને લગતા રહસ્ય પરથી પડદો ઊંચકી શકે છે.

રિપોર્ટ મુજબ, CBIની ટીમ રિયાની લાંબી અને ઘણા દિવસો સુધી પૂછપરછ કરી શકે છે. FIRમાં રિયા મુખ્ય શકમંદ વ્યક્તિ છે. માટે જ તેની વિસ્તૃત પૂછપરછ થશે. CBI રિયા ચક્રવર્તીને પહેલા તબક્કામાં આ 12 સવાલ પૂછી શકે છે:

  1. સુશાંત અને તમારી વચ્ચે એવું શું થયું કે 8 જૂને તમે તેમના ઘરેથી નીકળી ગયા?
  2. કોઈ વાતે સુશાંત પરેશાન હતો, જો હા તો એ કઈ વાત હતી?
  3. સુશાંતના મોતના દિવસે એટલે કે 14 જૂને રિયા ક્યાં હતી અને શું કરતી હતી?
  4. સુશાંત કેવા પ્રકારની દવા લેતો હતો અને શું તમે તેને કોઈ દવા લેવાનું સૂચવ્યું હતું?
  5. શું તમે સુશાંતની મુલાકાત કોઈ ડૉક્ટર સાથે કરાવી હતી?
  6. સુશાંત હિંદુજા હોસ્પિટલમાં દાખલ કેમ થયા હતા?
  7. શું તમે સુશાંતના પરિવારને જાણ કરી હતી કે તેની તબિયત ખરાબ છે?
  8. શું તમે સુશાંત સાથે કોઈ ફિલ્મ સાઈન કરી હતી?
  9. શું તમારા પિતાએ સુશાંતને કોઈ દવા લેવાનું કહ્યું હતું?
  10. સુશાંતના તમામ આર્થિક નિર્ણયો તમે લેતા હતા?
  11. સુશાંત સાથે તમારો સંબંધ કેવો હતો?
  12. શું તમે સુશાંતના સ્વાસ્થ્ય માટે કોઈ પૂજા કરાવી

સોમવારે પણ રિસોર્ટ પહોંચી છે CBIની ટીમ

મહત્વનું છે કે, સોમવારે સવારે CBIની એક ટીમ તપાસ માટે વોટરસ્ટોન રિસોર્ટ પહોંચી છે. આ એ જ રિસોર્ટ છે જ્યાં સુશાંત બે મહિના સુધી રોકાયો હતો અને કથિત રીતે રિયા તેમજ તેના પરિવારે તાંત્રિક વિધિ કરાવી હતી. સુશાંતના કૂક નીરજ, હેલ્પર દીપેશ સાવંત સાવંત અને ફ્લેટમેટ સિદ્ધાર્થ પીઠાનીની અત્યાર સુધીની પૂછપરછમાં CBIને વિસંગતતાઓ જોવા મળી છે. એવામાં CBI સોમવારે પણ સિદ્ધાર્થની પૂછપરછ કરી રહી છે.

રિયા પર રૂપિયાની હેરફેરનો પણ આરોપ છેસુશાંતના રૂપિયાનો બધો જ હિસાબ રિયા ચક્રવર્તી રાખતી હતી અને તે અંગેના નિર્ણયો પણ લેતી હતી. આ વાતનો ખુલાસો સુશાંતના સ્ટાફ મેમ્બર્સ, મિત્રો અને દિવંગત એક્ટરની એક્સ-મેનેજર શ્રુતિ મોદીએ પણ સ્વીકારી છે. એવામાં CBIની તપાસમાં આ એંગલને પણ ધ્યાનમાં રાખવામાં આવશે કારણકે સુશાંતના પિતાએ FIRમાં રિયા અને તેના પરિવાર પર 15 કરોડ રૂપિયાની હેરાફેરીનો આરોપ મૂક્યો છે. સુશાંતના કેસમાં પહેલાથી જ ED મની લોન્ડ્રિંગના એંગલથી તપાસ કરી રહી છે.

Share with:


Leave a Reply

Your email address will not be published. Required fields are marked *