News Agency of India

રિયાની CBI આજે જ કરી શકે છે પૂછપરછ, સિદ્ધાર્થ પિઠાનીને આ સવાલો પૂછાયા

1 min read

Share with:


સુશાંત સિંહ રાજપૂતના કેસમાં CBIએ કમાન સંભાળી લીધી છે. આ સાથે જ તપાસનો ધમધમાટ શરુ થઈ ગયો છે. પહેલા દિવસથી આ કેસને લઈને CBIની ટીમે જબરજસ્ત સ્ફૂર્તિ બતાવી છે. હવે શનિવારે બીજા દિવસે ટીમે સુશાંતના દોસ્ત અને ફ્લેટમેટ સિદ્ધાર્થ પિઠાનીની પૂછપરછ કરી રહી છે. આ સિવાય સુશાંતના કૂક નીરજની પણ ફરી પૂછપરછ કરવામાં આવી રહી છે. CBIની એક ટીમ બાંદ્રા પોલીસ સ્ટેશન પહોંચી હતી તો બીજી ટીમ થોડા કલાકો બાદ અહીંથી નીકળી છે. આ સિવાય એક ટીમ કૂપર હોસ્પિટલ પહોંચી છે. ત્યાં સુશાંતની એટોપ્સી કરનારા ડૉક્ટરોની પૂછપરછ કરવામાં આવી શકે છે.

CBIની ટીમ સુશાંતના ઘરે પણ જવાની છે. ત્યાં ટીમ ક્રાઈમ સીનને રીક્રિએટ કરવાની સાથે ડમી ટેસ્ટ કરવાની તૈયારી પણ કરાઈ રહી છે. CBI ટીમ હવે રિયા ચક્રવર્તીની પણ પૂછપરછ કરી શકે છે. સૂત્રોનું માનવું છે કે આજે જ ટીમ રિયાની પૂછપરછ કરી શકે છે.


સુશાંતની કથિત આત્મહત્યા બાદ ડેડ બોડીના પોસ્ટમોર્ટમ પછી 45 મિનિટ સુધી રિયા ચક્રવર્તી હાજર રહ્યા પર સવાલ ઉઠી રહ્યા છે. CBI પહેલા ED દ્વારા સુશાંત સિંહ રાજપૂત કેસમાં રિયાની 3 રાઉન્ડમાં પૂછપરછ થઈ છે. EDએ રિયાના બન્ને મોબાઈલ અને લેપલોટ જપ્ત કરી લીધ છે.
સિદ્ધાર્થ પિઠાનીને CBIએ પૂછ્યા આ સવાલ
સુશાંત કેસની તપાસ કરી રહેલી CBIની ટીમે સિદ્ધાર્થ પિઠાનીને કેટલા ખાસ સવાલ પૂછ્યા હોવાનું સામે આવી રહ્યું છે. સૂત્રોના જણાવ્યા પ્રમાણે સિદ્ધાર્થને નીચે પ્રમાણેના સવાલો પૂછવામાં આવ્યા..

  1. 13 જૂને સુશાંતના ઘરે કોણ-કોણ આવ્યું હતું?
  2. શું સિદ્ધાર્થ પિઠાનીએ તાળું તોડવા માટે ચાવીવાળાને બોલાવ્યો હતો?
  3. સુશાંતની આત્મહત્યા વિશે પોલીસને કોણ સૂચના આપી હતી?

સુશાંતના કૂક સિવાય અન્ય 4 લોકોના CBI નિવેદન લેશે
CBIની ટીમ સુશાંત સિંહ રાજપૂતના કૂક નીરજ અને હાઉસ મેનેજર સેમ્યુઅલ મિરાંડા સિવાય અન્ય 4 લોકોના નિવેદન નોંધવામાં આવશે. હાલ CBIની ટીમ સુશાંતના ફ્લેટમેટ સિદ્ધાર્થ પિઠાનીની પૂછપરછ કરી રહી છે.

Share with:


Leave a Reply

Your email address will not be published. Required fields are marked *