04/12/2020

Bharat News Agency

The News Agency of India

ટૂરિસ્ટ્સને છોડીને તમામ વિદેશી નાગરિકોને ભારત આવવાની મંજૂરી, વીઝા પરથી પ્રતિબંધ હટ્યો

1 min read

સરકારે વિદેશી નાગરિકોને ભારત આવવાની મંજૂરી આપી દીધી છે. ટૂરિસ્ટ વીઝાને છોડીને અન્ય કોઈપણ હેતુથી વિદેશીઓ ભારત આવી શકશે. તમામ OCI અને PIO કાર્ડ હોલ્ડર્સને પણ એન્ટ્રીની પરમિશન મળી ગઈ છે. ગૃહ મંત્રાલયે ગુરુવારે અનલોક-5 અંતર્ગત તમામ પ્રકારના વીઝા(ઈલેક્ટ્રોનિક વીઝા, ટૂરિસ્ટ વીઝા અને મેડિકલ વીઝાને બાદ કરતા) શરૂ કરવાનો નિર્ણય કર્યો છે.

કેન્દ્રિય ગૃહ મંત્રાલયે ગુરુવારે પોતાના નોટિફિકેશનમાં ‘વિદેશી મૂળના ભારતીય નાગરિકો (OCI) તથા ભારતીય મૂળના વિદેશી નાગરિકો (PIO) કાર્ડ હોલ્ડર્સ તથા અન્ય દેશના વિદેશી નાગરિકોના ટુરિસ્ટ વીઝા સિવાય કોઈપણ હેતુથી ભારત આવવાની મંજૂરી અપી છે. આવા લોકો હવાઈ, જળ તથા ઈમિગ્રેશન ચેક પોસ્ટ્સથી ભારતમાં આવી શકશે.’ગુરુવારે લેવાયેલા આ નિર્ણયથી વિદેશી નાગરિકો પણ બિઝનેસ, કોન્ફરન્સ, નોકરી, અભ્યાસ, રિસર્ચ તથા મેડિકલ હેતુથી ભારત આવી શકશે.

ઈન્ટરનેશનલ ફ્લાઈટ્સનું શિડ્યુલ ભારત તથા અન્ય દેશોમાં સસ્પેન્ડ કરાયેલું છે, એવામાં આવા લોકો વંદે ભારત મિશન હેઠળ ચાલતી ફ્લાઈટ અથવા પ્રાઈવેટ ફ્લાઈટ્સ દ્વારા દેશમાં આવી શકે છે. ગૃહ મંત્રાલયે પોતાના નિવેદનમાં સ્પષ્ટ કહ્યું છે કે, આવા તમામ પ્રવાસીઓને જોકે કોવિડ-19 સંબંધિત સ્વાસ્થ્ય મંત્રાલયે આપેલી ક્વોરન્ટાઈન સંબંધિત ગાઈડલાઈન્સનું પાલન કરવાનું રહેશે.

ઉલ્લેખનીય છે કે ભારત સરકારે આ પહેલા કોરોનાના કેસ વધવાનું શરૂ થતા 22મી માર્ચથી તમામ ઈન્ટરનેશનલ ફ્લાઈટ્સના દેશમાં આવવા પર પ્રતિંબંધ લગાવ્યો હતો. એવામાં સરકારે આ વીઝા પરથી પ્રતિબંધ હટાવતા લોકડાઉનમાં સૌથી વધુ અસર પામેલા ટ્રાવેલ સેક્ટરમાં જેમાં પણ હોટલ અને એવિએશન સેક્ટરમાં વધારે અસર થઈ હતી તેમાં થોડી ઘણી તેજી આવી શકે છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.