04/12/2020

Bharat News Agency

The News Agency of India

ક્યાં ગયા ચીની સેનાના ડિલિવરી ડ્રોન? ખચ્ચર અને ગધેડાથી જરુરી સામાનની સપ્લાય

1 min read

લદ્દાખમાં ભારત સાથેના તણાવ વચ્ચે, ચીનના સરકારી મીડિયા દ્વારા થોડા થોડા દિવસો વિડીયો બહાર પાડીને મોટી મોટી ડંફાસો મારવામાં આવે છે. આવા જ એક વીડિયોમાં ડ્રોનથી સૈનિકોને હથિયાર અને ખોરાક પહોંચાડવા દાવો કરવામાં આવ્યો હતો. એટલું જ નહીં, ગ્લોબલ ટાઇમ્સના તંત્રીએ આ ડ્રોનનો વીડિયો શેર કરતા ભારતીય સૈનિકોના ભોજન પ્રત્યે પણ સહાનુભૂતિ વ્યક્ત કરી હતી. જ્યારે, વાસ્તવિકતા એ છે કે આ દિવસોમાં ચીની આર્મી તિબેટમાં ભારત સાથે લાગેલી સરહદ પર ગધેડા અને ખચ્ચર દ્વારા ફ્રન્ટ લાઈન પર લશ્કરી સાધનો અને લોજિસ્ટિક્સ સપ્લાય કરી રહી છે. ગ્લોબલ ટાઇમ્સે ખુદ ચીની આર્મીના ‘મિશન મ્યુલ’ નો અહેવાલ પ્રકાશિત કર્યો છે.

ખચ્ચરથી સામાન પહોંચાડે છે ચીની સેના

ગ્લોબલ ટાઇમ્સે અહેવાલમાં લખ્યું છે કે, ચીની સૈન્યની તિબેટીયન લશ્કરી પરિવહન એકમ પણ સરહદની ઊંચાઇ પર સ્થિત મુશ્કેલ વાતાવરણમાં સામાન પહોંચાડવા વ્યવહારિક અભિગમ તરીકે ખચ્ચર અને ઘોડાઓનો ઉપયોગ કરી રહ્યા છે. દક્ષિણ પશ્ચિમ ચાઇનાના તિબેટ સ્વાયત્ત ક્ષેત્રના નાગી પ્રાંતના રુતોગ કાઉન્ટીમાં તિબેટીયન સૈનિકોની સપ્લાય યુનિટ ચીની પીપલ્સ લિબરેશન આર્મી (પીએલએ)ના સૈનિકોને સામાન પહોંચાડી રહ્યું છે.

તિબેટિયન સૈનિકોને બનાવી રહ્યું છે બલીનો બકરો

ચીન તિબેટીયન લશ્કરના સૈનિકોને બીજા તબક્કાના ગણે છે. ચીની કમ્યુનિસ્ટ પાર્ટીની રુતોગ કાઉન્ટી પાર્ટી કમિટી અને સરકારે તમામ કિંમતે ચીની સૈનિકોને સામાન અને દારૂગોળો પહોંચાડવાના આદેશો જાહેર કર્યા છે. શિનજિયાંગ મિલિટરી કમાન્ડની અંદર કાર્યરત તિબેટીયન લશ્કરી સૈનિકો દુર્ગમ વિસ્તારોમાં ચીની સેનાને માલ પહોંચાડવા માટે તેમના જીવનું જોખમ લે છે. છતાં તેઓને ચીની સૈન્યમાં સમાન દરજ્જો નથી.

પ્રોપેગંડા ફેલાવવામાં લાગ્યું ચીની મીડિયા

પ્રોપેગંડા ફેલાવતા ચીની મીડિયા સીસીટીવીએ કથિત તિબેટીયન લશ્કરી સૈનિકનું નિવેદન બહાર પાડ્યું. જેમાં તે ચીની સેનાને પોતાનું સમર્થન આપતો હોવાનું સાંભળવા મળે છે. જો કે, તે પુષ્ટિ મળી નથી કે તે તિબેટીયન સૈન્યનો સૈનિક હતો કે અન્ય કોઈ. ચીનની સરકાર સમર્થિત મીડિયાએ ખોટા અને મોર્ફ્ડ વીડિયો રજૂ કરીને ખોટો પ્રચાર ફેલાવવાનો પ્રયાસ કરતા રહે છે.

ડ્રોનથી સામાન ન પહોંચાડવાને લઈ કરી સ્પષ્ટતા

ગ્લોબલ ટાઇમ્સે લખ્યું છે કે PLA દૂરના વિસ્તારોમાં તૈનાત સૈનિકોને લોજિસ્ટિક સપોર્ટ પૂરો પાડવા માટે ડ્રોન જેવી અદ્યતન તકનીકીઓનો ઉપયોગ કરી રહી છે. કેટલાક સ્થળોએ જ્યાં મોટી માત્રામાં પુરવઠો જરૂરી છે, પરંપરાગત સાધનો જેમ કે ખચ્ચર અને ઘોડા વધુ વ્યવહારુ છે. જોકે, ચીને સૈન્યને ડ્રોન દ્વારા સાધનો પહોંચાડવાનો કોઈ વીડિયો હજુ સુધી જાહેર કર્યો નથી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.