04/12/2020

Bharat News Agency

The News Agency of India

ન્યૂઝ વેબસાઈટ માટેનો કોડ ઓફ એથિક્સ

1 min read

ડિજિટલ ન્યૂઝ પબ્લિશર્સ એસોસિએશન (DNPA) દ્વારા સ્વૈચ્છિક રીતે કેટલાક મૂલ્યો નક્કી કરવામાં આવ્યા છે, જેનો હેતુ ડિજિટલ પબ્લિશિંગને વધુ જવાબદાર બનાવવા ઉપરાંત બંધારણની કલમ 19 (1) (એ) હેઠળ પ્રાપ્ત થયેલા વાણી-સ્વાતંત્ર્યના તેમજ અન્ય અધિકારોની રક્ષા કરવા તેમજ માહિતી કે બીજી કોઈપણ વિગતો એકત્ર કરવાના તેના અધિકાર પર નિયંત્રણ મૂકવાના હેતુ સાથેના કોઈપણ પ્રયાસ પર નજર રાખવા તેમજ તેની ચકાસણી કરવાનો પણ છે.

આ કોડનો હેતુ સમાચારના ધોરણને ઉપર લઈ જવા ઉપરાંત ડિજિટલ ન્યૂઝ પબ્લિશિંગના એથિક્સ અને કામકાજને વધુ ઉન્નત બનાવવા માત્રનો છે, નહીં કે પૂર્ણ સ્વતંત્રતા ધરાવતા પ્રકાશકોના રોજબરોજના કામકાજમાં દખલ કરવાનો. તેનો મૂળભૂત હેતુ ડિજિટલ પબ્લિશિંગના ધારાધોરણને જાળવવા ઉપરાંત સ્વતંત્ર પત્રકારો, પ્રકાશકો અને કન્ટેન્ટ પૂરું પાડતા સ્રોતનું સ્વાતંત્ર્ય જાળવવા ઉપરાંત તેની રક્ષા કરવાનો પણ છે. આ મૂલ્યો નીચે દર્શાવ્યા અનુસાર છે.

1. ડિજિટલ ન્યૂઝ વેબસાઈટ તમામ કાયદાનું પાલન કરશે, જેમાં મીડિયાને લગતા 30 કાયદાનો પણ સમાવેશ થાય છે. IPC, CrPC અને ઈન્ફોર્મશન ટેક્નોલોજી એક્ટ, 2000ની લાગતીવળગતી જોગવાઈઓ પણ તેમાં આવી જાય છે.

2. તેઓ પત્રકારત્વના મૂલ્યો, નીતિ-નિયમો અને સ્ટાન્ડર્ડ પ્રેક્ટિસને જાળવી રાખશે. સ્વ-નિયમન માટે જે-તે મીડિયા સંસ્થાન, પત્રકારો અને તંત્રીઓ દ્વારા બનાવાયેલા નિયમોનો પણ તેમાં સમાવેશ થાય છે.

3. ચોકસાઈ અને પારદર્શકતાને જાળવી રાખવા માટે તમામ સભ્યો પાયાવિહોણા, અપૂરતી માહિતી ધરાવતા તેમજ તથ્યોને તોડીમરોડીને રજૂ કરાયા હોય તેવા અહેવાલોને પ્રસિદ્ધ કરવાથી દૂર રહેશે. કોઈપણ અહેવાલ પ્રસિદ્ધ કરતા પહેલા તેની યોગ્ય ખરાઈ ફરજિયાત રહેશે. કોઈની પ્રતિષ્ઠાને ખોટી રીતે હાનિ ના પહોંચે તેનું ધ્યાન રખાશે. લાગતાવળગતા નિયમો અને કાયદાનું પાલન કરવું જરુરી છે.

4. પ્રત્યુત્તર આપવાનો અધિકાર

(અ) અહેવાલમાં જે વ્યક્તિ ક સંસ્થા વિરુદ્ધ આક્ષેપ કરવામાં આવ્યા છે, તેમનો પક્ષ પણ રજૂ કરવાનો રહેશે. જો તે વખતે તેમનો પ્રત્યુત્તર ના મળી શકે, અથવા તો જ્યારે પણ મળે ત્યારે તેને પ્રસિદ્ધ કરવાનો રહેશે.

(બ) જો સમાચારમાં કોઈ નવી વિગતો ઉમેરવાની થાય, અથવા જે-તે વ્યક્તિ કે પક્ષ તેમાં કંઈક ઉમેરવાની વિનંતી કરે, તો તે વિગતો યોગ્ય રીતે સમાચારમાં સમાવિષ્ટ કરવામાં આવે. પબ્લિશ થયેલા સમાચારમાં અપડેટનો સમય દેખાય તે પણ આવશ્યક છે.

5. સમાચાર હટાવવા, ડિલીટ કરવા કે એડિટ કરવા અંગે

જો સમાચાર કે અહેવાલમાં ખોટી કે અચોક્કસ માહિતી હોવાનું સામે આવે તેવા સંજોગોમાં જો લાગતા-વળગતા વ્યક્તિ કે પક્ષ દ્વારા આ અંગે ધ્યાન દોરી જે-તે હકીકત અંગેના પુરાવા રજૂ કરવામાં આવે તો અહેવાલમાં તે અનુસાર સુધારા-વધારા કરવા કે પછી તેને ડિલીટ કરવો.

જો સમગ્ર અહેવાલ જ ખોટો હોવાનું ધ્યાન પર આવે તો સમગ્ર આર્ટિકલને જ ડિલીટ કરી દેવો.

6. ઈન્ટેલેક્ચુઅલ પ્રોપર્ટી રાઈટ્સનું સમ્માન કરવું

(અ) ટેક્સ્ટ, ફોટોગ્રાફ, પ્લાન, ડાયાગ્રામ, કાર્ટૂન જેવા કોપીરાઈટ્સનું સમ્માન કરવું. જો કોપીરાઈટ મટિરિયલ ઉપયોગમાં લેવાય તો તે અંગેની આગોતરી મંજૂરી મેળવવી આવશ્યક છે, સાથે જ તેના ઓનરશિપના હક્કોની માહિતી આપવી પણ ઈચ્છનિય છે.

(બ) જો તેની મંજૂરી મેળવવા માટે નાણાંકીય ચૂકવણી, ફી કે રોયલ્ટી આપવી પડે તો તેમ પણ કરવું જરુરી છે.

(ક) થર્ડ પાર્ટીઝના ટ્રેડ માર્ક્સ અને સર્વિસ માર્ક્સ આગોતરી મંજૂરી વિના ઉપયોગમાં ના લેવા, અથવા તેમાં કોઈ ગેરરીતિ ના થાય તેનું ધ્યાન રાખવું.

(ડ) ઈન્ટેલેક્ચુઅલ પ્રોપ્રટીના હક્કનો જો ભંગ થાય તો તે અંગે કરાયેલી પુરાવા સાથેની કોઈપણ રજૂઆત મળે તે આર્ટિકલને ડિલીટ કરવો અથવા તો તેમાં જરુરી ફેરફાર કરવા.

7. સંવેદનશીલ બાબતો તેમજ ગુનાનું રિપોર્ટિંગ કરતી વખતે વિશેષ ધ્યાન રાખવું આવશ્યક છે. તથ્યો જેમ છે તે જ પ્રમાણે રજૂ કરવા આવશ્યક છે. તથ્યો, સાક્ષી, આરોપી અને પીડિતના વર્તન પર ટિપ્પણી અથવા અટકળો કરવાનું ટાળવું. આ બાબતો પરનું રિપોર્ટિંગ તથ્યો પર આધારિત અને પૂર્વગ્રહમુક્ત હોવું જોઈએ.

8. કામકાજના સ્થળે જાતિય સતામણી, બાળક સાથે દુર્વ્યવ્હાર અને બળાત્કાર ઉપરાંત જેમાં પીડિત અવયસ્ક હોય, લગ્નસંબંધ, રમખાણ કે કોમી અથડામણ, છૂટાછેડા, કસ્ટડી, દત્તક લેવાના કેસમાં વિશેષ કાળજી રાખવી આવશ્યક છે.

– ઈન્ફોર્મેશન ટેક્નોલોજી એક્ટ, 2000ની કલમ 67, 67એ અને 67બી હેઠળ વાંધાજનક સાહિત્યનું ઓનલાઈન પ્રકશન કરવું સજાપાત્ર ગુનો છે. જેમાં બિભત્સ સામગ્રી, જેમાં બાળકોને પણ દર્શાવાયા હોય તેનો પણ સમાવેશ થાય છે.

9. ગ્રીવનન્સ રિડ્રેસલ મિકેનિઝમ

તમામ સભ્યોએ આઈટી એક્ટ 2000ની કલમ ગ્રીવનન્સ રિડ્રેસલ મિકેનિઝમ ઉભી કરવાની રહેશે. જેના હેઠળ ગ્રીવન્સ ઓફિસરની નિમણૂંક કરી તેની વિગતો વેબસાઈટ પર દર્શાવવાની રહેશે. આ વ્યક્તિ જે-તે વ્યક્તિ દ્વારા મળેલી કોઈપણ ફરિયાદ મળ્યાના 36 કલાકમાં તેના પર કાર્યવાહી કરશે, અને એક મહિનામાં તેનું નિરાકરણ લાવશે.

10. ટ્રેનિંગ અને અવેરનેસ પ્રોગ્રામ

એડિટોરિયલ સ્ટાફને દેશના બંધારણના કાયદા ઉપરાંત, મીડિયાને લગતા 30 જેટલા કાયદાની સમયાંતરે સમજ આપવી. જેમાં ઈન્ડિસેન્ટ રિપ્રઝેન્ટેશન્સ ઓફ વીમેન (પ્રોહિબિશન) એક્ટ, કોપીરાઈટ એક્ટ, આરટીઆઈ, IPC અને CrPCની જે-તે કલમ, સિવિલ અને ક્રિમિનલ બદનક્ષી, આઈપીઆર, જ્યુવેનાઈલ જસ્ટિસ, પોક્સો, બળાત્કાર અને જાતીય સતામણીના કેસમાં કાયદાકીય જોગવાઈ, કામકાજના સ્થળે થતી સતામણી, કોમી કે જાતિ આધારિત ગુના, ઘરેલુ હિંસાનો સમાવેશ થાય છે.

– પીડિત જ્યુવેનાઈલ હોય કે પછી કામકાજના સ્થળે સતામણીનો કેસ હોય તો તો તેના નામ કે પછી તેની ઓળખ છતી થાય તેવી કોઈપણ વિગતો કોઈપણ સંજોગોમાં ના આપવી.

– પીડિતની, તેના ઘરની કે તેના કામકાજની તસવીર સહિતની વિગતો પણ પ્રસિદ્ધ ના કરવી.

– કોમી રમખાણ કે બે જૂથ વચ્ચે થયેલી અથડામણનું રિપોર્ટિંગ કરતી વખતે ખાસ ધ્યાન અને સાવચેતી રાખવા આવશ્યક છે. આ અંગેના કોઈપણ અહેવાલ હકીકતોની યોગ્ય ખરાઈ વિના પ્રસિદ્ધ ના કરવા. બે સમુદાય વચ્ચે વૈમનસ્ય વધે નહીં, અને શાંતિ, સૌહાર્દ તેમજ ભાઈચારો સ્થપાય તેવો માહોલ ઉભો થાય તે સુનિશ્ચિત કરવું.

– કોર્ટ અને જ્યુડિશિયલ મેટર્સનું રિપોર્ટિંગ કરવામાં પણ વિશેષ કાળજી રાખવી. એડિટોરિયલ સ્ટાફમાં પણ આ અંગે જાગૃતિ ફેલાવવી. પીડિત અને આરોપીનો પક્ષ પણ તેના મૂળસ્વરુપે રજૂ કરવામાં આવે તેની ખાસ તકેદારી રાખવી.

– જે લોકો જાહેરજીવનમાં નથી તેમની પ્રાઈવસીનું સમ્માન કરવું.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.