04/12/2020

Bharat News Agency

The News Agency of India

દેશી કોરોના વેક્સીન આવતા મહિનેથી પરીક્ષણના અંતિમ તબક્કામાં, ફેબ્રુઆરી સુધીમાં લોન્ચ

1 min read

સ્વદેશી કોરોના વેક્સીન અંગે આખરે મળ્યા છે ખૂબ જ સારા સમચારા, હવે વધુ રાહ નહીં જોવી પડે.

દેશી કોરોના વેક્સિન Covaxinનું છેલ્લા તબક્કાનું ટ્રાયલ આવતા મહિને શરૂ થઈ શકે છે. ભારત બાયોટેકને ડ્રગ રેગ્યુલેટર તરફથી ત્રીજા તબક્કાની ટ્રાયલ કરવાની મંજૂરી આપવામાં આવી છે. ડીસીજીઆઈની નિષ્ણાત સમિતિની મંગળવારે બેઠક મળી હતી. તેમાં રસીના છેલ્લા ટ્રાયલને મંજૂરી આપવામાં આવી હતી. ડીસીજીઆઈએ પ્રોટોકોલમાં થોડો ફેરફાર કર્યો છે. ભારતમાં રસીના ટ્રાયલમાં 25,000થી વધુ લોકો ભાગ લે તેવી અપેક્ષા છે. તેમને 28 દિવસના અંતરે રસીના બે ડોઝ આપવામાં આવશે. પ્રારંભિક ટ્રાયલમાં રસીના પરિણામોએ અપેક્ષા વધારી છે. Covaxinએ કોરોના વાયરસની પ્રથમ સ્વદેશી રસી છે. જેનું નિર્માણ ઇન્ડિયન કાઉન્સિલ ઓફ મેડિકલ રિસર્ચ (આઇસીએમઆર)ના સહયોગથી કરવામાં આવ્યું છે.

ટ્રાયલ પ્રોટોકોલમાં ફેરફાર

5 ઓક્ટોબરે સમિતિની બેઠક યોજાઈ હતી. આ બેઠકમાં કંપનીને ત્રીજા તબક્કાના ટ્રાયલ માટે પ્રોટોકોલને પુનઃ સબમિટ કરવા માટે કહેવામાં આવ્યું હતું. સમિતિનું માનવું હતું કે ત્રીજા તબક્કાની ટ્રાયલ માટેની ડિઝાઇન સંતોષકારક હતી. પરંતુ તેની શરુઆત બીજા તબક્કાના સલામતી અને રોગપ્રતિકારક શક્તિના ડેટા દ્વારા સાચો ડોઝ નક્કી કર્યા પછી જ ત્રીજો તબક્કો શરૂ થવો જોઈએ. સમિતિએ પહેલા તે ડેટાની કંપની પાસેથી માગણી કરી હતી.

ક્યાં ક્યાં થઈ શકે છે ટ્રાયલ? ક્યારે આવશે વેક્સીન

પહેલી સ્વદેશી વેક્સીન બનાવનાર કંપની ભારત બાયોટેકનો પ્લાન છે કે દિલ્હી ઉપરાંત ઉત્તર પ્રદેશ, બિહાર, મહારાષ્ટ્ર, પંજાબ અને આસામમાં Covaxin ના છેલ્લા તબક્કાનું ટ્રાયલ કરવાની યોજના ધરાવે છે. કંપની ફેબ્રુઆરી સુધીમાં અંતિમ ટ્રાયલના પરિણામ આવી જશે તેવી આશા ધરાવે છે. ત્યારબાદ આ સ્વદેશી રસીના મેડિકલ એપ્રુવલ અને સામાન્ય બજારમાં રજૂ કરવા માટે પરમિશન મેળવવા એપ્લાય કરવામાં આવશે.

Covaxin માં મેળવવામાં આવ્યું છે બૂસ્ટર

Covaxin-

ભારત બાયોટેકે તેની કોવિડ રસીમાં Alhydroxiquim-II નામના અજુવન્ટનો ઉમેરો કર્યો છે. તેનાથી રસીના ઇમુન રિસ્પોન્સમાં સુધારો થશે અને તેનાથી લાંબા સમય સુધી કોરોનાથી સુરક્ષા મળશે. અજુવંટ એક એવું એજન્ટ છે જેના ભેળવવાથી રસીની ક્ષમતામાં ખાસ્સો વધારો થાય છે. જે રસીકરણ પછી શરીરમાં વધુ એન્ટિબોડીઝ પેદા કરે છે અને લાંબા સમય સુધી રોગપ્રતિકારક શક્તિ આપે છે.

ભારતમાં બીજી બે રસીનું પણ ટ્રાયલ

Covaxin ઉપરાંત ભારતમાં વધુ બે કોરોના રસીઓનું પરીક્ષણ કરવામાં આવી રહ્યું છે. સીરમ ઇન્સ્ટિટ્યૂટ ઓફ ઇન્ડિયા (એસઆઇઆઇ)એ ઓક્સાર્ફડ-એસ્ટ્રાઝેનેકાની રસીમાં ભાગીદારી કરી છે. કંપની દેશમાં તેમની રસીનું પરીક્ષણ કરી રહી છે. આ ઉપરાંત ઝાયડસ કેડિલાએ ZyCov-D નામની રસી બનાવી છે. બીજી ઘણી કંપનીઓ પણ સંશોધન કરી રહી છે. તો કેટલીક ફાર્મા કંપનીઓ વેક્સીનને લઈને વિદેશી કંપનીઓ સાથે ડીલ કરી છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.