04/12/2020

Bharat News Agency

The News Agency of India

કોવિડ ગાઈડલાઈન્સનો ભંગઃ ઈન્ટરનેશનલ કોફી હાઉસને AMCએ ફટકાર્યો 10 હજારનો દંડ

1 min read

અમદાવાદ શહેરના પ્રહલાદનગર વિસ્તારમાં આવેલી ઈન્ટરનેશનલ કોફી હાઉસ સ્ટારબક્સ કોફીને અમદાવાદ મ્યુનિસિપલ કોર્પોરેશને કોવિડ-19ની સુરક્ષા ગાઈડલાઈનના ભંગ બદલ રૂપિયા 10 હજારનો દંડ ફટકાર્યો છે. આ સતત બીજી વખત છે જ્યારે સ્ટારબક્સ કોફીને એક જેવા નિયમનું ઉલ્લંધન કર્યું છે. જોકે બંને વખતે તેને 10,000નો દંડ કરાયો છે. બીજી તરફ AMC પોતાની ડ્રાઈવ દરમિયાન નિયમોના ઉલ્લંઘન કરતી ખાણી-પીણીની દુકાનો તથા સ્ટોલને સીલ કરતી હોય છે.

પ્રહલાદ નગરમાં આવેલું કોફી આઉટલેટ

AMCની સોલિડ વેસ્ટ મેનેજમેન્ટ ડિપાર્ટમેન્ટની ટીમ મુજબ, તેમણે શનિવારે રાત્રે 10.30 વાગ્યે સ્ટારબક્સ ખુલ્લું જોયું હતું. આ તેવા વિસ્તારમાં છે જ્યાં રાત્રીના 10 વાગ્યા બાદ તમામ કોમર્શિયલ યુનિટને બંધ કરવાનો આદેશ અપાયેલો છે. ડેડલાઈન ખતમ થયા બાદ પણ સ્ટાફ ઓર્ડર લઈ રહ્યો હતો. કોફી હાઈસની બહાર પણ ભીડ હતી અને સોશિયલ ડિસ્ટન્સિંગનું ભંગ થઈ રહ્યું હતું. આથી ટીમે 10,000 રૂપિયાનો દંડ સ્ટારબક્સને કર્યો હતો.

આ પહેલીવાર નથી જ્યારે કોફી હાઉસ પર આ પ્રકારની કાર્યવાહી કરવામાં આવી હોય. પહેલીવાર આ પ્રકારના નિયમ ભંગ માટે પણ આઉટલેટને વોર્નિંગ આપવામાં આવી હતી. બીજીવાર નિયમના ઉલ્લંઘન માટે 10,000 રૂપિયાનો દંડ કરાયો હતો. શરૂઆતમાં કોફી હાઉસને સીલ કરવાનો નિર્ણય કરાયો હતો, પરંતુ બાદમાં રકઝક કરીને છેલ્લે 10,000નો દંડ લેવાનો AMC દ્વારા નિર્ણય કરાયો હતો.

ઉલ્લેખનીય છે કે AMC દ્વારા આ પહેલા પાછલા મહિને શહેરમાં એસ.જી હાઈવે તથા આસપાસના વિસ્તારોમાં ખાણીપીણીની દુકાનો કે એકમોને 10 વાગ્યા બાદ ખુલ્લા ન રાખવાનો આદેશ અપાયો હતો. મોડી રાત્રે ભીડ તથા સોશિયલ ડિસ્ટન્સિંગના લીરેલીરા ઉડ્તા દેખાયા બાદ ઘણા મોલ્સ, રેસ્ટોરન્ટ્સ, શોપિંગ કોમ્પલેક્ષ તથા ઓફિસોને સીલ કરવામાં આવ્યા હતા. જોકે સ્ટારબક્સ દ્વારા બીજી વખત આ પ્રકારે નિયમનું ઉલ્લંઘન કરાતું હોવા છતાં સીલ કેમ ન કરાયું તે વિશે અમારા સહયોગી અમદાવાદ મિરરે ડેપ્યુટી મ્યુનિસિપલ કમિશનર જી.એચ સોલંકીને મેસેજ પૂછ્યો હતો, પરંતુ તેમના તરફથી કોઈ જવાબ મળ્યો નહોતો.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.