22/10/2020

Bharat News Agency

The News Agency of India

પૈસા ચૂકવી દીધા છતાં બિલ્ડરે ફ્લેટનું પઝેશન કે રિફન્ડ ન આપ્યું, ગ્રાહક કોર્ટનો મહત્વપૂર્ણ ચૂકાદો

1 min read

મુંબઈઃ નેશનલ કન્ઝ્યુમર કમિશને નિર્દેશ આપ્યો છે કે જો ફ્લેટનું પઝેશન આપવામાં મોડું થયું હોય અને ખરીદદારને રિફન્ડ આપવામાં મોડું થાય અથવા પૂરી રકમ વ્યાજ સાથે ચૂકવવામાં ન આવે તો બિલ્ડર એગ્રિમેન્ટ કેન્સલ થયું છે તેમ કહીને ફ્લેટ આપવાથી ના પાડી શકે નહીં. સ્ટેટ કન્ઝ્યુમર કમિશનના આદેશનું સમર્થન કરતા નેશનલ ફોરમે શુક્રવારે મુંબઈના બિલ્ડર આદેશ આપ્યો હતો કે મલાડ (વેસ્ટ)માં 20 વર્ષ પહેલા અંડર-કન્સ્ટ્રક્શન ફ્લેટ નોંધાવેલો હતો તેનું પઝેશન ફરિયાદીને આપવામાં આવે.

પ્રતિકાત્મક તસવીર

નેશનલ કમિશને કહ્યું, અમે ખાસ નોંધ્યું કે, 2003માં ફરિયાદી (અનિતા લુઈસ)એ રિક્વેસ્ટ કરી હતી કે તેમણે ચૂકવેલી તમામ રકમનું રિફન્ડ આપવામાં આવે, પરંતુ સામેના પક્ષે (સ્ક્વેર વન એન્ટરપ્રાઈઝ) નિશ્ચિત સમયમાં વ્યાજ સાથે કે વ્યાજ વગરની રકમ ચૂકવી નહોતી.

બિલ્ડરે દલીલને હતી કે, એગ્રીમેન્ટમાં ફ્લેટનું પઝેશન ક્યારે આપવામાં આવશે તેવી તારીખનો ઉલ્લેખ કરવામાં આવ્યો નથી. પરંતુ કમિશને એમ કહીને દલીલને ફગાવી દીધી કે, ફ્લેટ ખરીદદાર અનિશ્ચિત સમય સુધી રાહ જોઈ શકે નહીં. કમિશને વધુમાં કહ્યું, અમે જાણ્યું કે, વિપક્ષની દલીલ તેમની તરફેણમાં જઈ શકે નહીં આ તેમની ફરજ છે કે ફ્લેટના એગ્રીમેન્ટમાં પઝેશનની તારીખનો ઉલ્લેખ કરવો. પરંતુ તે આમ કરવામાં નિષ્ફળ રહ્યા છે.

લુઈસે 2001માં બિલ્ડરને 16 લાખ ચૂકવી દીધાના બે વર્ષ બાદ પણ પઝેશન ન અપાતા તેણે પૈસા પાછા માગ્યા હતા. તેણે કહ્યું કે, સમગ્ર ફ્લેટની કિંમત 21 લાખ હતી અને એવું મનાતું હતું કે ફ્લેટનું પઝેશન ડિસેમ્બર 2002 સુધીમાં મળી જશે. લુઈસે વધુમાં ઓક્ટોબર 2006માં જણાવ્યું કે, તેણે રિફન્ડ લેટર મોકલ્યાના 3 વર્ષ અને 5 મહિના બાદ બિલ્ડરનો એક પત્ર મળે છે. જેમાં કહેવાય છે કે તેણે એગ્રીમેન્ટ કેન્સલ કર્યુ છે અને તે માત્ર 11 લાખ રૂપિયા જ વ્યાજ સાથે પાછા ચૂકવશે. લુઈસે કેશમાં ચૂકવેલા 4.5 લાખ રૂપિયા બિલ્ડરે તેમાં નહોતા ગણ્યા. જોકે તેણે પૈસા લેવાનો ઈનકાર કરી દીધો. આ બાદ તેને માલુમ પડ્યું કે બિલ્ડર બ્રોકર દ્વારા ફ્લેટ વેચવાનો પ્રયાસ કરી રહ્યો છે. આથી તે રાજ્ય કમિશનમાં ફરિયાદ કરી.

2015માં રાજ્ય કમિશને બિલ્ડરને આદેશ આપ્યો કે 5.5 લાખનું પેમેન્ટ મળ્યા બાદ ફરિયાદીને ફ્લેટનું પઝેશન આપવામાં આવે. ઉપરાંત 1.25 લાખ રૂપિયા માનસિક ત્રાસ તથા અન્ય ખર્ચ માટે ચૂકવવામાં આવે. આ ચૂકાદાની વિરુદ્ધ બિલ્ડર નેશનલ કન્ઝ્યુમર ડિસ્પ્યુટ્સ રિએડ્રેસલ કમિશનમાં 2015માં પહોંચ્યો. જોકે ત્યાંથી પણ નિર્ણય ફરિયાદીના પક્ષમાં જ આવ્યો હતો.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.