22/10/2020

Bharat News Agency

The News Agency of India

ઈમાનદારીની મિશાલ: 5 વખત રહ્યા ધારાસભ્ય…પરંતુ નથી પોતાનું ઘર કે નથી કોઈ કાર

1 min read

પૂર્વ ધારાસભ્યએ આગ્રામાં પોતાનું મકાન બનાવવા પ્લોટ ખરીદ્યો હતો, પરંતુ તે પછી તેમનો મોટો પુત્ર પ્રેમ બીમાર પડતા પ્લોટ વેચવો પડ્યો હતો. તે પછી તે ફરીથી પ્લોટ માટે ક્યારેય પૈસા ભેગા કરી શક્યા નહીં.

ફિરોઝાબાદ: ઉત્તર પ્રદેશમાં વિધાનસભા માટે પેટા-ચૂંટણીઓ યોજાવાની છે. ઉમેદવારો ચૂંટણીની તૈયારી કરી રહ્યા છે. કેટલાક લક્ઝરી કાર અને કેટલાક અન્ય વાહનોમાં ચૂંટણી પ્રચાર કરી રહ્યા છે. ઉમેદવારોના પ્રચારમાં ઘણા વાહનોનો કાફલો પણ શામેલ છે, પરંતુ પાંચ વખત ધારાસભ્ય રહેલા વ્યક્તિ આજે પણ પગપાળા ચાલે છે. તેમની પાસે રહેવા માટે પોતાનું ઘર નથી, અને ફરવા માટે ચાર પૈડાંવાળી ગાડી પણ નથી.

ટુંડલા વિધાનસભામાં રહે છે ધારાસભ્ય
હાલમાં ટુંડલા વિધાનસભામાં પેટાચૂંટણી યોજાવાની છે. આ વિધાનસભામાં રહેતા 73 વર્ષિય ચંદ્રભાન મૌર્ય પાંચ વખતના ધારાસભ્ય રહી ચૂક્યા છે. પૂર્વ ધારાસભ્યનું કહેવું છે કે પૂર્વ વડા પ્રધાન ચૌધરી ચરણસિંઘની પ્રેરણા બાદ તેઓ રાજકારણમાં આવી ગયા હતા. તેઓ હજી પણ પોતાની જમીન અને પેન્શનની મદદથી જીવી રહ્યા છે.

પુત્ર બીમાર પડતા વેચી દીધો પ્લોટ
પૂર્વ ધારાસભ્ય કહે છે કે તેઓએ આગ્રામાં પોતાનું મકાન બનાવવા માટે પ્લોટ ખરીદ્યો હતો, પરંતુ તે પછી તેમનો મોટો પુત્ર પ્રેમ બીમાર પડ્યો હતો અને તેમણે પ્લોટ વેચવો પડ્યો હતો. તે પછી તે ફરી પ્લોટ માટે ક્યારેય પૈસા એકત્રિત કરી શક્યા નહીં. પરિણામે, આજે પણ તેઓ ભાડાના મકાનમાં રહે છે. અને પેન્શન સાથે જીવે છે. સમગ્ર વિસ્તારમાં લોકો તેમની ઈમાનદારીની મિશાલ આપે છે. આજે પણ તેઓ પગપાળા કરીને લોકોનું કામ પાર પાડે છે.

1977માં લોકદળથી જીત્યા પહેલી ચૂંટણી
72 વર્ષીય ચંદ્રભાન મૌર્યએ 1977માં લોકદળથી પ્રથમ ચૂંટણી લડ્યા અને જીત્યા. તેઓ 1980 માં હારી ગયા હતા, જ્યારે 1985માં ફરીથી લોકદળથી જીતનો સિલસિલો શરૂ થયો. ત્યારબાદ 1989 અને 1991માં જનતા દળથી અને 1993માં સમાજવાદી પાર્ટીથી જીત મેળવી હતી.

પૂર્વ ધારાસભ્યની પુત્રવધૂ પુષ્પા મૌર્યને એક વખત નગરપાલિકા ટુંડલાનું પ્રતિનિધિત્વ કરવાની તક મળી તો તેણીએ પ્રોપર્ટી બનાવવામાં કોઈ કસર છોડી નહોતી, પરંતુ પૂર્વ ધારાસભ્ય હજી પણ તેમના બે પુત્રો સાથે અલગ ભાડાના મકાનમાં રહે છે અને જીવનનું ગુજરાન કરે છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.