04/12/2020

Bharat News Agency

The News Agency of India

રાષ્ટ્રપતિ ભવન સામે 9 વર્ષની છોકરીએ એર પોલ્યુશન સામે દર્શાવ્યો વિરોધ

1 min read

મણિપુરની લિસિપ્રિયાને ભારતની સૌથી નાની ઉંમરની જલવાયુ કાર્યકર્તાનો દરજ્જો આપવામાં આવ્યો છે.

નવી દિલ્હીઃ દિલ્હી-NCRમાં ધીરે ધીરે વાતાવરણ પ્રદૂષિત થતું જઈ રહ્યું છે. વાયુ પ્રદૂષણ મામલે દિલ્હીના વિજય ચોકમાં ભારતની 9 વર્ષની કલાઈમેટ ચેન્જ એક્ટિવિસ્ટ લિસિપ્રિયા કંગુજમ (Licypriya Kangujam) દ્વારા બેનરમાં સૂત્રો લખીને વિરોધ પ્રદર્શન વ્યક્ત કરાયું હતું અને કેન્દ્ર સરકાર અને રાજ્ય સરકાર એર પોલ્યુશન અંગે કડક પગલા લે તેવી માગણી કરી હતી.

એર પોલ્યુશન સામે વિરોધ
લિસિપ્રિયાએ વર્ષ 2019માં યુનાઈટેડ નેશન્સ ક્લાઈમેટ કોન્ફરન્સને પણ સંબોધિત કરી હતી. લિસિપ્રિયાએ અડધી રાતે 2 વાગ્યા સુધી પોતાનો વિરોધ કર્યો હતો અને બેનરમાં લખ્યું હતું કે, વર્ષમાં આશરે છ લાખ બાળકો એર પોલ્યુશનના કારણે જ મૃત્યુ પામે છે. આ ઉપરાંત બેનરમાં ‘સોલ્યૂશન ટુ પોલ્યુશન’ અંગે 13 મુદ્દાનો ડ્રાફ્ટ પણ જોવા મળ્યો હતો.

કેજરીવાલને સોંપશે 13 મુદ્દાનો કાર્યક્રમ
લિસિપ્રિયા કંગુજમે કહ્યું હતું કે,’હવે આ જ સમય છે કે આપણે ઉચ્ચ સ્તરના પ્રદુષણ અંગે કશુંક કામ કરવું જોઈએ. અત્યારે લાખો બાળકોના જીવ ખતરામાં છે તો આવનાર પેઢી પણ ભયમાં મૂકાય શકે છે.’ લિસિપ્રિયા કેજરીવાલને મળવા ઈચ્છતી હતી પરંતુ આમ ન થઈ શકતા હવે તે પોતાનો 13 મુદ્દાનો કાર્યક્રમ ‘સોલ્યૂશન ટુ એર પોલ્યુશન’ તેમને પહોંચાડશે.

વાયુ પ્રદૂષણની સમસ્યાનો ઉકેલ લાવવા અપીલ
લિસિપ્રિયા કંગુજમે જણાવ્યું કે, હું નેતાઓને અપીલ કરવા ઈચ્છું છું કે તેઓ પ્રદુષણ સામેની લડાઈમાં સાથ આપે અને કોઈ યોગ્ય કાર્યવાહી કરે. આ સમસ્યાનો ઉકેલ લાવવાના બદલે તેઓ એકબીજા પર આરોપ-પ્રત્યારોપ કરી રહ્યાં છે. વાયુ પ્રદુષણ ખૂબ જ ભયજનક સપાટીએ પહોંચ્યું છે. આ ઉપરાંત તેણે કાયમી ધોરણે ફટાકડા પર પ્રતિબંધ, દરેક વિદ્યાર્થીએ ફરજિયાત 10 છોડવાઓ વાવવા જેવા મુદ્દાઓ પણ સામે રાખ્યા હતાં.

આંતરરાષ્ટ્રીય બાળ પુરસ્કારથી સન્માનિત
2 ઓક્ટોબર 2011ના રોજ લિસિપ્રિયા કંગુજમનો જન્મ મણિપુરમાં થયો હતો. તે એક ભારતીય બાળ પર્યાવરણ કાર્યકર્તા છે. 2019માં તેમને ડોક્ટર એપીજે અબ્દુલ કલામ ચિલ્ડ્રન એવોર્ડ ઉપરાંત, આંતરરાષ્ટ્રિય બાળ શાંતિ પુરસ્કાર અને ઈન્ડિયા પીસ પ્રાઈઝથી પણ સન્માનિત કરાઈ છે.

સૌથી નાની ઉંમરની જલવાયુ કાર્યકર્તાનો દરજ્જો
2019માં લિન્સિપ્રિયાની સંયુક્ત રાષ્ટ્ર વિકાસ કાર્યક્રમમાં ગ્રેટા થનબર્ગ અને જેમી માર્ગોલિન સાથે એક વિશેષ પર્યાવરણ કાર્યકર્તા તરીકે પસંદગી કરવામાં આવી હતી. તેને ભારતની સૌથી નાની ઉંમરની જલવાયુ કાર્યકર્તાનો દરજ્જો આપવામાં આવ્યો છે.

મળી ચૂક્યો ઈન્ડિયન પીસ પ્રાઈઝ
મણિપુરની લિન્સિપ્રિયાને ગ્લોબલ પીસ ઈન્ડેક્સ ઈન્સ્ટીટ્યૂટથી વર્લ્ડ ચિલ્ડ્રન પીસ પ્રાઈઝ અને 2019ના યુનાઈટેડ નેશન ક્લાઈમેટ ચેન્જ સમિટમાં સૌથી નાની ઉંમરની વક્તા બનવા માટે ઈન્ટરનેશનલ યુથ કમિટિ તરફથી ઈન્ડિયન પીસ પ્રાઈઝ પણ મળી ચૂક્યો છે. આ પુરસ્કાર મેળવનાર તે સૌથી નાની ઉંમરની ભારતીય છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.