22/10/2020

Bharat News Agency

The News Agency of India

તાપીના શિક્ષણાધિકારીની ACBએ કરી ધરપકડ, રૂપિયા 10 લાખની લાંચ માગી હતી

1 min read

સ્કૂલના આચાર્ય લાંચની રકમ આપવા માગતા નહોતા એટલે તાપી એન્ટિ કરપ્શન બ્યુરો (ACB)નો સંપર્ક કરીને આ બાબતે ફરિયાદ આપી હતી. ગઈકાલે લાંચના છટકાનું આયોજન કરવામાં આવ્યું હતું.

તાપી જિલ્લાના એન્ટિ કરપ્શન બ્યુરો (ACB)ની ટીમે તાપીના DEO બી.એમ.પટેલ (ક્લાસ 1 અધિકારી) અને તેમના ક્લાર્ક રવિ પટેલ વિરુદ્ધ કેસ દાખલ કર્યો છે. કારણકે તેમણે તાપી જિલ્લામાં આવેલી એક સ્કૂલને આપેલી નોટિસ પરત ખેંચવા માટે રૂપિયા 10 લાખની લાંચ માગી હતી. શિક્ષણાધિકારી (DEO) બી.એમ. પટેલ દ્વારા શાળાના સંચાલકો પાસેથી રૂપિયા 10 લાખની લાંચની માગણી કરવામાં આવી હતી. જેમાં તે રૂપિયાની ડિલિવરી ગઈકાલે રાત્રે થવાની હતી. આ દરમિયાન ACBએ છટકું ગોઠવીને તેઓને ઝડપી પાડ્યા હતા. આરોપી DEO અને ક્લાર્કની ધરપકડ કરવામાં આવી છે.

સ્કૂલના આચાર્ય લાંચની રકમ આપવા માગતા નહોતા એટલે તાપી એન્ટિ કરપ્શન બ્યુરો (ACB)નો સંપર્ક કરીને આ બાબતે ફરિયાદ આપી હતી. જે આધારે ગઈકાલે લાંચના છટકાનું આયોજન કરવામાં આવ્યું હતું. પરંતુ, શિક્ષણાધિકારીએ આચાર્યને જણાવ્યું હતું કે ક્લાર્ક રવિ પટેલને લાંચની રકમ આપવી. જ્યારે આચાર્ય લાંચની રકમ લઈને ક્લાર્ક રવિ પટેલને આપવા જઈ રહ્યા હતા ત્યારે શિક્ષણાધિકારીને એસીબીના છટકાની જાણ થતા લાંચની રકમ સ્વીકારી નહોતી.

પ્રાપ્ત માહિતી અનુસાર તાપી જિલ્લામાં ટ્રસ્ટ સંચાલિત એક શાળામાં તાપી જિલ્લા શિક્ષણાધિકારી બી.એમ. પટેલે આકસ્મિક મુલાકાત લીધી હતી. આ મુલાકાત દરમિયાન કેટલાંક મુદ્દાઓ સામે આવતા તેની પૂર્તતા કરવા માટે શાળાને નોટિસ ફટકારી હતી. જે મુદ્દાઓની શાળા તરફથી પૂર્તતા કરવામાં આવી હતી. તેમછતાં અન્ય કેટલાંક મુદ્દાઓને લઈને ફરીથી શાળાને જિલ્લા શિક્ષણ અધિકારી બી.એમ. પટેલે નોટિસ મોકલી હતી. એટલે શાળાના આચાર્યએ રૂબરૂ મુલાકાત કરીને જિલ્લા શિક્ષણ અધિકારી સમક્ષ પૂર્તતા અંગે ખુલાસો કર્યો હતો. ત્યારબાદ શિક્ષણાધિકારીએ નોટિસ અંગેની કાર્યવાહી દફતરે કરવા માટે રૂપિયા 10 લાખની લાંચની માગણી કરી હતી. સ્કૂલના આચાર્ય લાંચની રકમ આપવા માગતા નહોતા એટલે તાપી એન્ટિ કરપ્શન બ્યુરો (ACB)નો સંપર્ક કરીને આ બાબતે ફરિયાદ આપી હતી.

q6

આ છટકા દરમિયાન એકત્રિત થયેલા પુરાવામાં શિક્ષણાધિકારી અને ક્લાર્ક રવિ પટેલે એકબીજાની મદદગારીમાં રૂપિયા 10 લાખની લાંચની માગણી કરી હોવાથી બંન્ને આરોપીઓ વિરુદ્ધ લાંચની માંગણીનો ગુનો દાખલ કરીને ધરપકડ કરવામાં આવી છે. જ્યારે શિક્ષણાધિકારી (DEO) બી.એમ. પટેલના ઘરની તપાસ કરવામાં આવી ત્યારે ભારતીય બનાવટના વિદેશી દારૂની કુલ 4 બોટલ મળી આવી હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.