22/10/2020

Bharat News Agency

The News Agency of India

ભારતમાં થશે રશિયન કોરોના વેક્સીનની ટ્રાયલ, DCGIએ આપી મંજૂરી

1 min read

ભારતમાં રશિયાની કોરોના વાયરસ માટેની વેક્સીનની ટ્રાયલ્સ શરૂ કરવા માટે મંજૂરી આપવામાં આવી

ભારતમાં રશિયાની કોરોના વેક્સીન સ્પુતનિકનું સીધા બીજા ફેઝનું ટ્રાયલ શરૂ થશે. નવી સમજૂતી પ્રમાણે બીજા અને ત્રીજા ફેઝના ટ્રાયલમાં કુલ 1500 વ્યક્તિઓ સામેલ થશે. ભારતમાં સ્પુતનિક કોરોના વેક્સીનની ટ્રાયલ ટૂંક સમયમાં શરૂ થશે. ડ્રગ કંટ્રોલ બોડીએ તેના માટે મંજૂરી આપી દીધી છે. નોંધનીય છે કે સમગ્ર વિશ્વમાં કોરોના વેક્સીન તૈયાર કરવા માટેના પ્રયાસો ચાલી રહ્યા છે. ચીન અને રશિયા જેવા દેશોએ પોતાની વેક્સીન તૈયાર કરી લીધી છે.

રશિયાની વેક્સીનને ભારતમાં ટ્રાયલની મળી મંજૂરી

રશિયન ડાયરેક્ટ ઈન્વેસ્ટમેન્ટ ફંડ (આરડીઆઈએફ) અને ડોક્ટર રેડ્ડીસ લેબોરેટરીઝ લિમિટેડને ભારતમાં રશિયાની કોવિડ-19 વેક્સીનના અંતિમ સ્ટેજના ક્લિનિકલ ટ્રાયલની મંજૂરી મળી ગઈ છે. સ્પુતનિક-5 વેક્સીને ભારતમાં મોટા પ્રમાણમાં ટ્રાયલ્સની મંજૂરી આપવામાં આવી હતી પરંતુ બાદમાં ભારતીય રેગ્યુલેટર્સે તે મંજૂરી પાછી ખેંચી લીધી હતી. તેમણે કહ્યું હતું કે રશિયામાં આ વેક્સીનની ફેઝ-1 અને ફેઝ-2ની ટ્રાયલ ઘણા ઓછા પ્રમાણમાં થઈ હતી.

હવે ભારતમાં થશે બીજા અને ત્રીજા સ્ટેજની ટ્રાયલ

વિદેશોમાં વેક્સીનનું માર્કેટિંગ કરી રહેલી આરડીઆઈએફ એ શનિવારે જણાવ્યું હતું કે નવા કરાર પ્રમાણે ભારતમાં હવે રશિયન વેક્સીનના બીજા અને ત્રીજા ફેઝની ટ્રાયલ શરૂ થશે. જેમાં 1500 લોકો ભાગ લેશે. આ કરાર પ્રમાણે ડોક્ટર રેડ્ડીસ ક્લિનિકલ ટ્રાયલ કરશે અને ભારતમાં તે વેક્સીનનું વેચાણ કરશે. આરડીઆઈએફ ડોક્ટર રેડ્ડીસને 100 મિલિયન ડોઝ આપશે.

ભારતમાં મોટા પાયે થશે ટ્રાયલ

ડોક્ટર રેડ્ડીસ અને રશિયન ડાયરેક્ટ ઈન્વેસ્ટમેન્ટ ફંડ દ્વારા જારી કરવામાં આવેલા નિવેદનમાં કહેવામાં આવ્યું છે કે આ એક બહુ-કેન્દ્ર અને નિયંત્રીત ટ્રાયલ્સ હશે જેમાં સુરક્ષા અને એન્ટીબેડોઝનો અભ્યાસ કરવામાં આવશે. રશિયામાં એક વેક્સીન તરીકે રેજિસ્ટર થવામાં વેક્સીનની ટ્રાયલ ઘણા ઓછા લોકો પર કરવામાં આવી હતી તેથી ડીસીજીઆઈ દ્વારા શરૂઆતમાં તેને મંજૂરી આપવામાં આવી ન હતી. હવે રશિયન વેક્સીનની 40,000 લોકો પર ટ્રાયલ્સ કરવામાં આવી હતી.

આ દેશોમાં પણ ત્રીજા ફેઝની ટ્રાયલ થઈ રહી છે

રશિયા એવો પ્રથમ દેશ છે જેણે નોવલ કોરોના વાયરસની વેક્સીનને મંજૂરી આપી છે. બેલારુસ, વેનેઝુએલા અને યુએઈમાં પણ રશિયન કોરોના વેક્સીનની ત્રીજા તબક્કાની ટ્રાયલ શરૂ કરવામાં આવી છે. આરડીઆઈએફ દ્વારા ભારતીય ઉત્પાદક સાથે કરાર કર્યો જે મુજબ તેઓ પ્રથમ તબક્કામાં જ 300 મિલિયન ડોઝ તૈયાર કરશે. હાલમાં મોસ્કોમાં ત્રીજા ફેઝની ટ્રાયલ ચાલી રહી છે જેમાં 40,000 લોકો સામેલ છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.