22/10/2020

Bharat News Agency

The News Agency of India

NEET: 720માંથી 720 માર્ક્સ લાવવા પર શોએબને પહેલી અને આકાંક્ષા બીજી રેન્ક, આવું કેમ?

1 min read

મેડિકલ કોર્સમાં એડમિશન લેવા માટે યોજાતી NEET 2020ની પરીક્ષાનું પરિણામ જાહેર થઈ ગયું છે. આ વર્ષે શોએબ આફતાબ 720માંથી 720 માર્ક્સ મેળવીને ટોપ કર્યું છે. જ્યારે દિલ્હીની આકાંક્ષા સિંહે પણ NEETની પરીક્ષામાં 720માંથી 720 માર્ક્સ મેળવ્યા છે. પરંતુ તેને પહેલી રેન્ક નથી મળી શકી. આવો જાણીએ આવું કેમ થયું.

હકીકતમાં નીટમાં 720માંથી 720 માર્ક્સ લાવનારી દિલ્હીની આકાંક્ષા સિંહની ઉંમર ઓછી હોવાના કારણે પહેલી રેન્ક મળી શકી નથી. આ પરીક્ષામાં ઓડિશાના શોએબ આફતાબ સાથે આકાંક્ષાને પણ 100 ટકા માર્ક્સ મળ્યા હતા, પરંતુ નેશનલ ટેસ્ટિંગ એજન્સી (NTA)ની ટાઈ-બ્રેકિંગ નીતિ (સમાન અંક મળવા પર વરિષ્ઠતાના આધારે રેન્ક નક્કી કરવી) અંતર્ગત ઓછી ઉંમર હોવાના કારણે તેને બીજી રેન્ક મળી. અધિકારીઓએ જણાવ્યું કે, ટાઈ-બ્રેકર નીતિમાં ઉંમર, વિષયોમાં માર્ક્સ્ અને ખોટા જવાબને ધ્યાનમાં લેવામાં આવે છે. આથી ઉંમરના આધાર પર રેન્કીંગ નક્કી કરવામાં આવી.

અધિકારીએ કહ્યું, સમાન માર્ક્સ હોવા પર પહેલા કેમેસ્ટ્રી અને પછી બાયોલોજીના માર્ક્સની સરખામણી કરવામાં આવે છે. જો બંને વિષયોમાં સમાન માર્ક્સ હોય તો પછી પરીક્ષામાં ખોટા જવાબ પર વિચાર કરવામાં આવે છે. અહીં પણ નિર્ણય ન થવા પર ઉંમરને આધાર બનાવવામાં આવે છે.

NEETની પરીક્ષામાં પ્રથમ રેન્કિંગ લાવનારા શોએબે કહ્યું કે, તેને ઉમ્મીદ નહોતી કે તે પ્રથમ નંબર લાવશે. તેણે જણાવ્યું કે, હું પોતાની સફળતાનો શ્રેય પોતાની માતાને આપું છું જે હંમેશા મને ડોક્ટર બનવા માટે પ્રેરિત કરતી રહી અને મારી સાથે ઊભી રહી. ઉલ્લેખનીય છે કે શોએબની માતા સુલ્તાના રજિયા ગૃહિણી છે જ્યારે પિતા શેખ મોહમ્મદ અબ્બાસ નાનો એવો બિઝનેસ કરે છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.