22/10/2020

Bharat News Agency

The News Agency of India

Hero કંપનીએ નવા અવતારમાં લોન્ચ કર્યું Pleasue Plus સ્કૂટર

1 min read

તહેવારનો સીઝન આવતા કંપનીઓ પોતાના નવા વેરિયન્ટ લોન્ચ કરી રહ્યા છે સાથે આપી રહ્યા છે દમદાર ઓફર્સ

નવી દિલ્હીઃ હીરો મોટોકોર્પ તહેવારની સિઝનમાં તેમના વેચાણને બૂસ્ટ આપવા માટે તૈયારી કરી રહ્યું છે. કંપનીએ તાજેતરમાં જ Maestro Edge 125નું સ્ટેલ્થ એડિશન લોન્ચ કર્યું છે. હવે કંપનીએ તેના લોકપ્રિય સ્કૂટર પ્લેઝર પ્લસ 110 સીસીનું પ્લેટિનમ વેરિઅન્ટ લોન્ચ કર્યું છે.

પ્લેટિનમ વેરિયન્ટમાં શું છે નવું?
કંપનીએ પ્લેઝર પ્લસનું પ્લેટિનમ વેરિઅન્ટ 60,950 રૂપિયામાં લોન્ચ કર્યું છે, જે સ્કૂટરના ટોપ મોડેલ કરતા 2000 રૂપિયા વધુ કિંમત છે. આ વેરિઅન્ટમાં કંપનીએ અનેક કોસ્મેટિક ફેરફાર કર્યા છે. સ્કૂટરનું આ નવું વેરિઅન્ટ મેટ બ્લેક ફિનિશ સાથે આવે છે જે પહેલા કરતા વધારે આકર્ષક લાગે છે. આ સ્કૂટર બ્રાઉન કલરની ઇંટરનલ પેનલ્સ અને ડ્યુઅલ ટોન સીટ સાથે આવે છે. મિરર્સમાં ક્રોમ ટ્રીટમેન્ટ પણ આપવામાં આવી છે જે આ સ્કૂટરને રેટ્રો લુક આપે છે. આ સ્કૂટરમાં ફ્યૂલ ઈન્ડિકેટર રૂપમાં પણ નવા ફીચર્સ આપવામાં આવ્યા છે.

મિકેનિકલ કોઈ ફેરફાર કરવામાં આવ્યો નથી
આ સ્કૂટરમાં કોઈ મિકેનિકલ ફેરફાર કરવામાં આવ્યાં નથી. પ્લેઝર પ્લસમાં Xsens ટેક્નોલોજી સાથે બીએસ 6 કમ્પ્લિઅન્ટ 110 સીસી, સિંગલ-સિલિન્ડર, ફ્યુઅલ-ઇન્જેક્ટેડ એન્જિન છે. આ એન્જિન 7000 આરપીએમ પર 8.04 બીએચપી અને 5500 આરપીએમ પર 8.7 એનએમ પીક ટોર્ક જનરેટ કરે છે. એન્જિન સીવીટી યુનિટથી સજ્જ છે. કંપનીનો દાવો છે કે બીએસ 6 પ્લેઝર પ્લસ બીએસ 4 મોડેલ કરતા 10% વધુ માઇલેજ આપે કરે છે.

7 કલર ઓપ્શનમાં ઉપલબ્ધ
હીરો પ્લેઝર પ્લસ 7 કલર ઓપ્શનમાં ઉપલબ્ધ છે. આમાં મિડનાઇટ બ્લેક, સ્પોર્ટી રેડ, પોલ સ્ટાર બ્લુ, પર્લ સિલ્વર વ્હાઇટ, મેટ વર્નીઅર ગ્રે, મેટ મેટાલિક રેડ અને મેટ ગ્રીન નો સમાવેશ થાય છે. હીરોના સ્કૂટરની બજારમાં ટીવીએસ સ્કૂટી ઝેસ્ટ 110 સાથે હરીફાઈ થશે.જો કે, ટીવીએસએ હજી સુધી તેનું સ્કૂટર બીએસ 6 માં અપડેટ કર્યું નથી. બીએસ 6 સ્કૂટી ઝેસ્ટ 110 ટૂંક સમયમાં લોન્ચ થશે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.