22/10/2020

Bharat News Agency

The News Agency of India

કહાની ઘર ઘર કીના 20 વર્ષઃ દુનિયાને અલવિદા કહી ચૂક્યા છે આ 3 એક્ટર્સ

1 min read

એકતા કપૂરના પોપ્યુલર શો ‘કહાની ઘર ઘર કી’ને 20 વર્ષ પૂરા થયા છે. 2000માં લોન્ચ થયેલો શો 8 વર્ષ સુધી ચાલ્યો હતો. પરંતુ આ શોના ત્રણ નામી ચહેરા આજે આ દુનિયામાં નથી

 એકતા કપૂરની સીરિયલ ‘કહાની ઘર ઘર કી’ને 16 ઓક્ટોબરે 20 વર્ષ પૂરા થઈ ગયા. આ સીરિયલ વર્ષ 2000માં લોન્ચ થઈ હતી અને તેને દર્શકો તરફથી ભરપૂર પ્રેમ મળ્યો હતો. આ સીરિયલમાં સાક્ષી તન્વર અને કિરણ કર્માકરે લીડ રોલ પ્લે કર્યો હતો.

કહાની ઘર ઘર કીમાં સાક્ષી તન્વર સિવાય ટિસ્કા ચોપરા, રુપાલી ગાંગુલી, સ્મિતા બંસલ, શ્વેતા બાસુ પ્રસાદ, કવિતા કૌશિક, આમીર અલી, માનવ ગોહિલ, અલી અસગર, શબ્બીર અહલૂવાલિયા, સમીર શર્મા, સંજીત બેદી અને સચિન કુમાર જેવા ઘણા ટીવી એક્ટર્સ હતા. જેમને આ શોના કારણે ખૂબ પોપ્યુલારિટી મળી.

સમીર શર્મા

સમીર શર્મા
પરંતુ સીરિયલ સાથે જોડાયેલા ત્રણ જાણીતા ચહેરા આજે આ દુનિયામાં નથી. એક્ટર સમીર શર્માએ આ શોમાં કૃષ્ણા અગ્રવાલનો રોલ પ્લે કર્યો હતો. જેનું ઓગસ્ટ 2020માં નિધન થયું હતું. તેનો મૃતદેહ મલાડ સ્થિત તેના ફ્લેટના રસોડામાંથી લટકતી હાલતમાં મળી આવ્યો હતો. તેના મોત પાછળનું કારણ હજુ જાણવા મળ્યું નથી. પરંતુ તેની હત્યા થઈ હોવાનો પરિવારનો દાવો છે.

સંજીત બેદી

સંજીત બેદી
સંજીત બેદીએ કહાની ઘર ઘર કીમાં વકીલ કોઠારીનો રોલ પ્લે કર્યો હતો. જેનું મોત 24 જૂન 2015માં થયું હતું. રિપોર્ટ્સ પ્રમાણે બ્રેન વાયરસના કારણે તે કોમામાં જતો રહ્યો હતો અને થોડા દિવસ બાદ તેનું નિધન થયું હતું.

સચિન કુમાર

સચિન કુમાર
2020ના મે મહિનામાં સચિન કુમારનું મોત થયું હતું. તે અક્ષય કુમારનો પિતરાઈ ભાઈ હતો અને એકતા કપૂરની સીરિયલમાં તેણે મહત્વનો રોલ પ્લે કર્યો હતો. આ શો બાદ તેણે એક્ટિંગ છોડી દીધી હતી.


આપને જણાવી દઈએ કે, સીરિયલના 20 વર્ષ પૂરા થતાં એકતા કપૂરે ‘કહાની ઘર ઘર કી’ની યાદગાર ક્ષણોનો એક સુંદર વીડિયો પોતાના ઈન્સ્ટાગ્રામ અકાઉન્ટ પર શેર કર્યો હતો, સાથે જ એક મેસેજ પણ લખ્યો હતો. તેણે વીડિયોના કેપ્શનમાં લખ્યું હતું કે, ‘કહાની ઘર ઘર કીના 20 વર્ષ….અહીંયા કેટલીક સ્પેશિયલ મોમેન્ટ્સ અને યાદો છે જે શો સાથે જોડાયેલી છે. જે તમને જૂના દિવસોમાં પાછા લઈ જશે’.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.