22/10/2020

Bharat News Agency

The News Agency of India

મિથુનના દીકરા વિરુદ્ધ બળાત્કાર અને છેતરપિંડીની FIR નોંધાઈ

1 min read

ફરિયાદ કરનારી યુવતીનો દાવો, મહાક્ષયે ડ્રિંકમાં કેફી દ્રવ્ય ભેળવી પીવડાવી દીધા બાદ જબરજસ્તી શારીરિક સંબંધ બાંધ્યા હતા

 મુંબઈ: બોલીવુડ સ્ટાર મિથુન ચક્રવર્તીના દીકરા મહાક્ષય ચક્રવર્તી વિરુદ્ધ બળાત્કાર અને છેતરપિંડીની પોલીસ ફરિયાદ નોંધાઈ છે. પોલીસના જણાવ્યા અનુસાર, મહાક્ષય અને તેની માતા યોગીતા બાલી વિરુદ્ધ 15 ઓક્ટોબરના રોજ ઓશિવારા પોલીસ સ્ટેશનમાં આ મામલે FIR થઈ છે.

ફરિયાદી મહિલાએ જણાવ્યું છે કે તે મહાક્ષય સાથે તે 2015થી રિલેશનમાં હતી, અને એકવાર મહાક્ષયે તેને ડ્રિંકમાં કંઈક ભેળવીને પીવડાવી દીધું હતું. ત્યારબાદ મહાક્ષયે જબરજસ્તી શારીરિક સંબંધ બાંધ્યો હોવાનું પણ યુવતીએ પોતાની ફરિયાદમાં જણાવ્યું હતું. તેણે એવો પણ આક્ષેપ કર્યો છે કે મહાક્ષયે તેને લગ્ન કરવાનું વચન આપ્યું હતું, પરંતુ તે ક્યારેય પૂરું નહોતું કર્યું.

મહિલાએ જણાવ્યું હતું કે તે આ મામલે મુંબઈમાં ફરિયાદ નોંધાવવા ઘણા સમયથી પ્રયાસ કરી રહી હતી. જોકે, પોલીસ એફઆઈઆર નોંધવા માટે તૈયાર નહોતી. આખરે તે દિલ્હી શિફ્ટ થઈ ગઈ હતી, અને ત્યાં તેણે કોર્ટમાં અરજી કર્યા બાદ કોર્ટના આદેશ બાદ પોલીસે એફઆઈઆર નોંધી હતી.

પ્રાપ્ત વિગતો અનુસાર, મહિલા દ્વારા રજૂ કરાયેલા પ્રાથમિક પુરાવાને ધ્યાનમાં રાખીને કોર્ટે પોલીસને ફરિયાદ નોંધવાની સૂચના આપી હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.