22/10/2020

Bharat News Agency

The News Agency of India

ભાજપના દિગ્ગજ નેતા અને પૂર્વ કેન્દ્રિય મંત્રી જસવંતસિંહનું નિધન, PM મોદીએ શોક વ્યક્ત કર્યો

1 min read

પૂર્વ કેન્દ્રીય મંત્રી અને ભાજપના દિગ્ગજ નેતા જસવંત સિંહનું 82 વર્ષની ઉંમરે નિધન થયું છે. વડાપ્રધાન નરેન્દ્ર મોદીએ ટ્વિટ કરી શોક વ્યક્ત કર્યો છે. તેમણે કહ્યું તેમને અલગ પ્રકારની રાજકારણ માટે હમેશાં યાદ કરવામાં આવશે. જસંત સિંહ જી સંપૂર્ણ લગન સાથે આપણા દેશની સેવા કરી છે.

જસવંતસિંહ છેલ્લાં છ વર્ષથી કોમામાં હતા. પૂર્વ વડાપ્રધાન અટલ બિહારી વાજપેયીના નેતૃત્વવાળી સરકારમાં તેમણે 1996 થી 2004 દરમિયાન રક્ષા, વિદેશ અને નાણાં મંત્રાલયોની જવાબદારી સંભાળી હતી.

2014માં ભાજપે સિંહને બાડમેરથી લોકસભાની ચૂંટણી માટે ટિકિટ આપી ન હતી. ગુસ્સે ભરાયેલા જસવંત પાર્ટી છોડીને અપક્ષ તરીકે લડ્યા પણ હારી ગયા. તે જ વર્ષે તેમને માથામાં ગંભીર ઇજાઓ થઈ હતી ત્યારથી તેઓ કોમામાં હતા.

આ સાથે જ, સંરક્ષણ પ્રધાન રાજનાથસિંહે કહ્યું કે જસવંતસિંહને તેમની બૌદ્ધિક ક્ષમતા અને દેશની સેવા માટે યાદ કરવામાં આવશે. રાજસ્થાનમાં ભાજપને મજબૂત બનાવવામાં પણ તેમણે મહત્વની ભૂમિકા ભજવી હતી. આ દુ:ખની ઘડીમાં તેમના પરિવાર અને સમર્થકોને સમર્થન આપ્યું છે.

More Stories

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.