26/10/2020

Bharat News Agency

The News Agency of India

UP: ISIS સંદિગ્ધ આતંકીના ઘરેથી મોટા પ્રમાણમાં મળ્યા વિસ્ફોટક, સ્યૂસાઈડ જેકેટ પણ મળ્યા

1 min read

બલરામપુરઃ દિલ્હીના ધોળાકુઆથી પકડાયેલા ISIS સંદિગ્ધ આતંકીના ઘરેથી મોટા પ્રમાણમાં વિસ્ફોટકોનો જથ્થો મળી આવ્યો છે. તેના પરિવારજનોએ તેની કરતૂત પર અફસોસ વ્યક્ત કર્યો છે. પિતાએ કહ્યું કે તેમને યુસુફની ગતિવિધિઓ વિશે જો અગાઉથી જાણ તો તેઓ તેને પોતાનાથી અલગ કરી દેતા. જ્યારે તેની પત્નીએ કહ્યું કે તેણે ઘરે વિસ્ફોટકો એકઠા કર્યા હતા. પત્નીનું કહેવું છે કે તેણે પતિને આના માટે ઈનકાર કર્યો હતો પરંતુ તેણે વાત માની નહોતી.

યુસુફની પત્નીએ કહ્યું, “તેણે ઘરે વિસ્ફોટકો અને અન્ય સામાન એકઠો કર્યો હતો. જ્યારે મેં તેને આ બધું કરવા માટે સમજવવાની કોશિશ કરી તો તેણે કહ્યું કે તેને રોકવો ના જોઈએ. ઈચ્છું છું કે તેને માફ કરવામાં આવે. મારા ચાર બાળકો છે, હું ક્યાં જઈશ?” યુસુફના પિતાએ દીકરાની કરતૂત પર અફસોસ વ્યક્ત કર્યો છે.
કથિત ISIS આતંકીના પિતાએ કહ્યું, “મને અફસોસ છે કે તે આ પ્રકારની ગતિવિધિ સાથે સંકળાયેલો હતો. તેને માફ કરી શકાય એમ હોય તો કરવો જોઈએ પરંતુ તેણે ખોટું કામ કર્યું છે. જો મને તેની ગતિવિધિ વિશે પહેલાથી ખબર હોત તો હું તેને હંમેશા માટે છોડી દેતો.”


અબુ યુસુફના ઘરેથી મળ્યા વિસ્ફોટકો
બલરામપુરમાં અબુ યુસુફના ઘરેથી મોટા પ્રમાણમાં વિસ્ફોટકો મળ્યા છે. તેમાં એક્સપ્લોઝીવ જેકેટ્સ પણ છે, કથિત રીતે ફિદાઈન હુમલાની તૈયારીઓ કરવામાં આવી રહી હતી. જણાવી દઈએ કે યુસુફ બલરામપુરનો જ રહેવાસી છે. આતંકીએ પોતે જ કબૂલ્યું હતું કે તેણે ફિદાઈન હુમલા માટે બેલ્ટ પણ તૈયાર કર્યા છે. જેના દ્વારા દિલ્હીના ભીડવાળા વિસ્તારમાં ફિદાઈન હુમલાનું ષડ્યંત્ર હોવાનું પણ બહાર આવી રહ્યું છે. પોલીસ અને ATS દ્વારા તેના ઠેકાણા પર રેડ પાડીને તપાસ કરી રહી છે.

ગામડામાં કોસ્મેટિકની દુકાન
હવે યુસુફ ઉત્તરપ્રદેશના બલરામપુર જિલ્લાના ઉતરોલા વિસ્તારના બઢયા ભૈંસાહીનો રહેવાસી છે. પરિવારમાં તેની પત્ની અને ચાર બાળકો છે. ગામમાં કોસ્મેટિકની એક દુકાન છે. પોલીસના જણાવ્યા પ્રમાણે 36 વર્ષના આતંકીના ઘરેથી બે આઈઈડી બેસ્ડ પ્રેશર કુકર બોમ, એક સોફિસ્ટિકેટેડ પિસ્તોલ, ચાર કાર્ટિઝ, એક બાઈક મળી જે ચોરીની હોઈ શકે છે.

Leave a Reply

Your email address will not be published. Required fields are marked *

You may have missed

Copyright © All rights reserved to Bharat News Agency | Newsphere by AF themes.