30/09/2020

Bharat News Agency

The News Agency of India

ગુજરાતઃ 24 કલાકમાં કોરોનાના 1078 નવા કેસ અને 25 મોત, કુલ આંકડો 71064 થયો

1 min read

અમદાવાદઃ ભારતના 13 જિલ્લામાં કોરોનાથી થતા મોત દેશમાં થતા મોતના દરથી વધારે છે. કેન્દ્રએ આ 13 જિલ્લાઓ અને કેન્દ્રશાસિત પ્રદેશને સલાહ આપી છે કે તે ટેસ્ટિંગની ગતિને વધારે અને જલદીથી જલદી નવા કેસની ઓળખ કરે. ભારતમાં અત્યાર સુધીમાં કુલ 2,41,06,535 ટેસ્ટ થયાં છે. દેશમાં ગત 24 કલાકમાં 7,19,364 ટેસ્ટ કરવામાં આવ્યાં છે. ગુજરાતમાં પણ કુલ 9,87,630 ટેસ્ટ કરવામાં આવ્યાં છે. આ ઉપરાંત 24 કલાકમાં 1078 નવા કેસ સામે આવતા કુલ આંકડો પણ 71064એ પહોંચ્યો છે.

24 કલાકમાં સ્વસ્થ થયા 1311 દર્દીઓ
24 કલાકમાં રાજ્યમાં કોરોનાના કુલ 30985 ટેસ્ટ કરવામાં આવ્યાં હતાં. જેથી કુલ ટેસ્ટનો આંકડો પણ 9,87,630 થયો છે. રાજ્યમાં 1078 નવા દર્દીઓ સામે 1311 દર્દીઓ સ્વસ્થ થયા છે. જેથી સ્વસ્થ દર્દીઓનો આંકડો પણ 54138 એ પહોંચ્યો છે. રાજ્યની વસ્તીને ધ્યાનમાં લેતા દસ લાખની વસ્તી સામે પ્રતિ દિવસે 476.18 ટેસ્ટ થાય છે.
24 કલાકમાં રાજ્યમાં નોંધાયા 1078 કેસ

રાજ્યના જુદા જુદા જિલ્લાઓમાં આજની તારીખે કુલ 488222 વ્યક્તિઓને ક્વોરન્ટીન કરવામાં આવ્યાં છે. જે પૈકી 4,86,610 વ્યક્તિઓ હોમ ક્વોરન્ટીનમાં છે અને 1612 વ્યક્તિઓને ફેસિલિટી ક્વોરન્ટીનમાં રાખવામાં આવ્યાં છે. આ ઉપરાંત રાજ્યમાં કુલ 14272 એક્ટિવ કેસ છે. જેમાંથી 73 દર્દીઓને વેન્ટિલેટર સપોર્ટ પર રાખવામાં આવ્યાં છે. જ્યારે 14199ની સ્થિતિ સ્ટેબલ છે.
2654 થયો મૃત્યુઆંક
રાજ્યમાં કોરોના વાયરસનો કહેર વધી રહ્યો છે. રાજ્યમાં 24 કલાકમાં કોવિડ-19ના કારણે વધુ 25 દુઃખદ મૃત્યું થયા છે. જેમાં રાજકોટ અને સુરત કોર્પોરેશનમાં 5-5, સુરતમાં 4, અમદાવાદ કોર્પોરેશનમાં 3, કચ્છ અને વડોદરા કોર્પોરેશનમાં 2-2, જુનાગઢ અને મહેસાણામાં 1-1 જ્યારે વડોદરામાં 1 એમ કુલ 25 મોત નોંધાયા છે. જેથી હવે રાજ્યમાં પણ કુલ મૃત્યઆંક 2654 થયો છે.

અન્ય રાજ્યની સરખામણીએ ગુજરાતની સ્થિતિ

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.