30/09/2020

Bharat News Agency

The News Agency of India

કોરોનાઃ સુરતમાં સતત બીજા દિવસે 500થી વધુ દર્દીઓ સાજા થયા, અમદાવાદમાં 138 કેસ

1 min read

સુરતમાં છેલ્લા કેટલાક દિવસથી કોરોના વાયરસના કેસ 200થી નીચે રહ્યા છે જે તંત્ર માટે થોડી રાહતની વાત છે. આ ઉપરાંત સતત બીજા દિવસે સુરતમાં 500થી વધુ દર્દીઓ ડિસ્ચાર્જ થયા છે. સુરતમાં છેલ્લા 24 કલાકમાં કોરોનાના 178 નવા કેસ સામે આવ્યા છે. જ્યારે અમદાવાદમાં 138 નવા કેસ નોંધાયા છે. વડોદરામાં કેસની સંખ્યામાં વધારો થયો છે અને છેલ્લા 24 કલાકમાં 98 કેસ નોંધાયા છે.
અમદાવાદમાં 140થી ઓછા કેસ નોંધાયા

અમદાવાદમાં છેલ્લા ઘણા દિવસોથી કોરોનાના કેસની સંખ્યા 150થી નીચે નોંધાઈ છે. છેલ્લા 24 કલાકમાં અમદાવાદમાં કોરોનાના 138 નવા કેસ નોંધાયા છે. આ ઉપરાંત 99 દર્દીઓ સાજા થયા છે. અમદાવાદ જિલ્લામાં 15 કેસ નોંધાયા છે જેની સામે સાત દર્દીઓ ડિસ્ચાર્જ થયા છે. અમદાવાદ શહેરમાં કોરોનાથી ત્રણ લોકોના મૃત્યુ થયા છે જ્યારે અમદાવાદ જિલ્લામાં એક પણ મૃત્યુ નોંધાયું નથી.

સુરતમાં સતત બીજા દિવસે 500થી વધુ દર્દીઓ ડિસ્ચાર્જ

સુરતમાં છેલ્લા કેટલાક દિવસથી કેસની સંખ્યા 200થી નીચેની રહી છે. જોકે, તંત્ર માટે સૌથી મોટી રાહતની વાત એ છે કે સતત બીજા દિવસે સુરતમાં 500થી વધુ દર્દીઓ સાજા થયા છે. સુરતમાં 178 નવા કેસ નોંધાયા છે જેની સામે 544 દર્દીઓ સાજા થયા છે. સુરત જિલ્લામાં 44 કેસ નોંધાયા છે અને 45 દર્દીઓ ડિસ્ચાર્જ થયા છે. સુરત શહેરમાં પાંચ અને સુરત જિલ્લામાં ચાર દર્દીઓના મૃત્યુ થયા છે.

રાજકોટમાં પ્રથમ વખત મૃત્યુઆંક પાંચ પર પહોંચ્યો

ગુજરાતમાં હવે અન્ય શહેરો અને જિલ્લામાં કોરોનાના કેસ વધી રહ્યા છે. રાજકોટ શહેરમાં પ્રથમ વખત એક દિવસમાં પાંચ મૃત્યુ નોંધાયા છે. રાજકોટ શહેરમાં 60 કેસ નોંધાયા છે અને 45 દર્દીઓ સાજા થયા છે. જ્યારે રાજકોટ જિલ્લામાં 35 નવા કેસ સામે આવ્યા છે અને 11 દર્દીઓ સાજા થયા છે. વડોદરામાં પણ કેસ વધી રહ્યા છે. છેલ્લા 24 કલાકમાં વડોદરા શહેરમાં 98 કેસ નોંધાયા છે અને 57 દર્દીઓ સાજા થયા છે. વડોદરા જિલ્લામાં 12 કેસની સામે 54 દર્દીઓ સાજા થયા છે.

વડોદરા જિલ્લામાં 12 કેસની સામે 54 દર્દીઓ સાજા થયા છે. વડોદરા શહેરમાં બે અને વડોદરા જિલ્લામાં એક વ્યક્તિએ કોરોનામાં જીવ ગુમાવ્યો છે.

કોરોનાના હરાવવા વૈજ્ઞાનિકોને હવે દેશી જડીબુટ્ટીઓમાં પડ્યો રસ

હરડે, લીમડો, ગળો અથવા કળુકળિયાતું જેવી અનેક જડીબુટ્ટીઓ છે જેનું ડોશી શાસ્ત્ર દાદીઓને ખબર હશે. જોકે અત્યાર સુધી જેને ડોશી શાસ્ત્ર કહેવામાં આવતું હતું તે જ ભારતીય જડીબુટ્ટીઓ હવે દુનિયાભરના વૈજ્ઞાનિકોનું ધ્યાન ખેંચી રહી છે. કોરોનાની દવા અને રસી શોધવામાં લાગેલા વૈજ્ઞાનિકોનું ધ્યાન હવે આ ઔષધીઓ પર છે જેથી કોરોના ન થાય તેની દવાથી લઈને થયા પછીની ટ્રિટમેન્ટ માટે આ જડીબુટ્ટીઓના ઉપયોગ માટે અનેક પ્રોજેક્ટ ચાલી રહ્યા છે. તાજેતરમાં સરકાર દ્વારા પોષિત ગુજરાત બાયોટેક્નોલોજી રિસર્ચ સેન્ટર દ્વારા કરવામાં આવેલ એક સંશોધનમાં સામે આવ્યું કે ગુજરાતીમાં જેને આપણે જેઠીમધ કહીએ છીએ તે કોરોના વાયરસના પ્રોટિનને બાંધી રાખે છે જેથી વાયરસ શરીરના બીજા કોઈ કોષને નુકસાન પહોંચાડી શકતો નથી તેમજ પોતાની સંખ્યા પણ વધારી શકતો નથી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.