30/09/2020

Bharat News Agency

The News Agency of India

જાદુઈ ગોળી નહીં હોય કોરોના વેક્સીન, WHOએ આપી ચેતવણી

1 min read

જિનેવા: કોરોના વાયરસના કહેર સામે ઝઝૂમી રહેલી દુનિયા આગામી કેટલાક મહિનામાં વેક્સીન આવી જવાની આશા રાખી રહી છે. તો, વિશ્વ આરોગ્ય સંગઠન (WHO)એ ચેતવણી આપતા કહ્યું છે કે, આ વેક્સીન કોઈ મેજિક ટેબ્લેટ નહીં હોય, જે કોરોના વાયરસને તાત્કાલીક જ ખતમ કરી દેશે. WHOના ચીફ ટેડ્રોસ એડહોમ ધેબ્યેયિયસે કહ્યું કે, આપણે હજુ લાંબુ અંતર કાપવાનું છે, એટલે બધાની સાથે મળીને પ્રયાસ કરવા પડશે.

અમેરિકાના ચેપી રોગના નિષ્ણાંત ડો. એન્થની સ્ટીફન ફોસીના સીનિયર સલાહકાર ડેવિસ મારેન્સે કહ્યું કે, વેક્સીન બનાવવાનો દરેક પ્રયાસ એક અંધ પરીક્ષણ જેવો હોય છે. જે શરૂઆતમાં તો સારા પરિણામો સાથે આવે છે, પરંતુ તેની કોઈ ગેરન્ટી નથી હોતી કે, અંતિમ તબક્કામાં પણ તે વેક્સીન પોતાની ટ્રાયલ દરમિયાન સફળ સાબિત થાય. આપણે આશા રાખીએ કે આપણે પહેલી વખતમાં જ તેને યોગ્ય રીતે કરી શકીએ અને 6થી 12 મહિનાની અંદર આપણી પાસે એક સારી વેક્સીન હશે.

અમેરિકામાં જ્યોર્જ વોશિંગ્ટન યુનિવર્સિટીની મિલકેન ઈન્સ્ટીટ્યૂટ ઓફ પબ્લિક હેલ્થમાં વૈશ્વિક સ્વાસ્થ્યના સહાયક પ્રોફેસર વેક્સીનોલોજિસ્ટ જોન એન્ડ્રસે પણ કહ્યું કે, કોરોના વાયરસની એક પ્રભાવી વેક્સીનનો વિકાસ એટલો નિશ્ચિત નથી, જેટલો આપણે વિચારી રહ્યા છીએ. તે ખતરનાક છે કે વેક્સીન બનાવવાની રેસમાં આપણે એ ભૂલી જઈએ કે આપણે અત્યારે શું કરવું જોઈએ?
12 ઓગસ્ટે રશિયામાં વેક્સીનનું થશે રજિસ્ટ્રેશન
દુનિયાભરમાં રશિયાની કોરોના વેક્સીન સામે ઉઠતા સવાલો વચ્ચે રશિયાના સ્વાસ્થ્ય મંત્રી મિખાઈલ મુરાશ્કોએ કહ્યું કે, રશિયાની વેક્સીન ટ્રાયલમાં સફળ રહી છે અને હવે ઓક્ટોબર મહિનામાં દેશમાં વ્યાપક પ્રમાણ પર લોકોને રસી આપવાનું કામ શરૂ થશે. તેમણે કહ્યું કે, આ વેક્સીન આપવાનો બધો ખર્ચ સરકાર ભોગવશે. તો નાયબ સ્વાસ્થ્ય મંત્રી ઓલેગ ગ્રિદનેવે કહ્યું કે, રશિયા 12 ઓગસ્ટને દુનિયાની પહેલી કોરોના વાયરસ વેક્સીનને રજિસ્ટર કરાવશે.

‘વેક્સીન ક્લિનિકલ ટ્રાયલમાં 100 ટકા સફળ રહી’
આ પહેલા રશિયાએ કહ્યું હતું કે, તેની કોરોના વાયરસ વેક્સીન ક્લિનિકલ ટ્રાયલમાં 100 ટકા સફળ રહી છે. આ વેક્સીનને રશિયાના સંરક્ષણ મંત્રાલય અને ગમલેયા નેશનલ સેન્ટર ફોર રિસર્ચે તૈયાર કરી છે. રશિયાએ કહ્યું છે કે, ક્લિનિકલ ટ્રાયલમાં જે લોકોને આ કોરોના વેક્સીન લગાવાઈ, એ બધામાં SARS-CoV-2 પ્રત્યે રોગ પ્રતિરોધક ક્ષમતા જોવા મળી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.