30/09/2020

Bharat News Agency

The News Agency of India

રાજ્યના મહેસૂલ મંત્રી કૌશિક પટેલના ભાઈએ ફાંસો ખાઈને આત્મહત્યા કરી

1 min read

અમદાવાદ: ગુજરાતના મહેસૂલ મંત્રી કૌશિક પટેલના મોટાભાઈ ગૌતમ પટેલે આત્મહત્યા કરી લીધી છે. ગૌતમ પટેલે અમદાવાદના શીલજમાં આવેલા બંગલોમાં પોતાના રૂમમાં ગળે ફાંસો ખાઈને આત્મહત્યા કરી છે. પોલીસે તેમના મૃતદેહને પોસ્ટ મોર્ટમ માટે સોલા સિવિલ મોકલી આપ્યો હતો. આત્મહત્યાનું કારણ હજુ સુધી જાણી શકાયું નથી.

ગૌતમ પટેલ કેમિકલના બિઝનેસ સાથે સંકળાયેલા હતા. સવારે 10.30 વાગ્યાની આસપાસ તેઓ પોતાના રૂમમાં ગયા હતા અને બાદમાં રૂમના પંખે લટકીને આત્મહત્યા કરી લીધી હતી. ઘણા સમય પછી પણ ગૌતમભાઈ રૂમમાંથી બહાર ન આવતા તેમના પત્ની રૂમમાં ગયા અને દરવાજો ખોલ્યો ત્યારે ગૌતમભાઈ ફાંસો ખાધેલી હાલતમાં મળી આવ્યા હતા.

ગૌતમભાઈએ આત્મહત્યા કરી ત્યારે તેમના પુત્ર અને પુત્રવધૂ ઘરમાં જ હતા. આત્મહત્યા અંગે કોઈ ચોક્કસ કારણ જાણી શકાયું નથી. હજુ સુધ કોઈ સૂસાઈડ નોટ પણ મળી નથી. ગૌતમભાઈ રાજકીય પરિવારમાંથી આવતા હોવાથી આ ઘટનાએ ઘણી ચર્ચા ઊભી કરી છે.
અમદાવાદ રૂરલ ડીવાયએસપી કેટી કામરિયાએ જણાવ્યું હતું કે, રવિવારે સવારે ગૌતમભાઈ અને તેમના પરિવાર વચ્ચે વાતચીત થઈ. પછી, તેઓ પહેલા માળે આવેલા તેમના રૂમમાં દુપટ્ટો લઈને ગયા. થોડીવાર પછી જ્યારે તેમના પરિવારના સભ્યો ઉપરના માળે ગયા ત્યારે તેમણે તેમને ફાંસો ખાધેલી હાલતમાં જોયાં. કામરિયાએ જણાવ્યું કે, આણંદ જિલ્લાના ખંભાતમાં કેમિકલ અને ફાર્માસ્યૂટિકલ ફર્મ ધરાવતા ગૌતમ પટેલની આત્મહત્યા અંગે કોઈ નક્કર કારણ જાણવા મળ્યું નથી. તેમણે કહ્યું કે, પોલીસે કેસ નોંધી લીધો છે અને તપાસ શરૂ કરી દીધી છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.