30/09/2020

Bharat News Agency

The News Agency of India

શિવસેનાનો ગંભીર આરોપ, પિતાના બીજા લગ્નથી નાખુશ હતો સુશાંત સિંહ રાજપૂત

1 min read

મુંબઈઃ બોલીવુડ અભિનેતા સુશાંત સિંહ રાજપૂતના મૃત્યના મામલે રાજકારણ ગરમાતુ જાય છે. આ કેસને લઈને મુંબઈ અને બિહાર પોલીસ વચ્ચે ખેંચતાણ ચાલી છે. હવે આ કેસ મહારાષ્ટ્રની રાજનીતિનો મહત્વનો મુદ્દો બની ગયો છે. આ કેસને લઈને હવે શિવસેનાના સાંસદ સંજય રાઉતે ઘણા સવાલ ઉઠાવ્યા છે અને ગંભીર આરોપ લગાવ્યા છે. શિવસેનાના મુખપત્ર સામાનાના એડિટોરિયલમાં તેમણે બિહાર પોલીસ અને કેન્દ્ર સરકાર પર આરોપ લગાવ્યો છે કે તે મળીને મહારાષ્ટ્ર સરકાર વિરુદ્ધ કાવતરુ રચી રહ્યા છે. એટલું જ નહીં તેમણે બિહારના ડીજીપી પર આરોપ લગાવ્યો છે કે તેઓ ભાજપના કાર્યકર્તાની જેમ કામ કરી રહ્યા છે. એટલું જ નહીં તેમણે કહ્યું છે કે સુશાંતના પિતાએ બીજા લગ્ન કર્યા હતા અને ત્યારબાદ પિતા-પુત્ર વચ્ચેના સંબંધો સારા ન હતા.
પિતા સાથે સુશાંતના સંબંધો સારા ન હતા- રાઉત

સંજય રાઉતે આરોપ મૂક્યો છે કે સુશાંતનો પરિવાર એટલે કે પિતા પટણામાં રહે છે. તેના પિતા સાથે તેના સંબંધો સારા ન હતા. પિતાએ બીજા લગ્ન કર્યા હતા જે સુશાંતને મંજૂર ન હતું. પિતાએ બીજા લગ્ન કર્યા હતા જે સુશાંતને મંજૂર ન હતું. પિતા સાથે તેમનો ભાવનાત્મક સંબંધ સારા ન હતા.

પહેલાથી લખાઈ ગઈ હતી સુશાંતની પટકથા

સંજય રાઉતે કહ્યું છે કે મુંબઈ પોલીસ પર આરોપ લગાવી બિહાર સરકારે કેન્દ્ર પાસે સીબીઆઈ તપાસની માંગ કરી છે. 24 કલાકની અંદર આ માણગી મંજૂર પણ કરવામાં આવી હતી. આ રાજ્યની સ્વાયત્તા પર સીધો હુમલો છે. સુશાંતનો મામલો જો થોડો વધારે સમય મુંબઈ પોલીસના હાથમાં રહે તો આકાશ તૂટી પડવાનું ન હતું. પરંતુ આ રાજકિય દબાણની રાજનીતિ છે. તેમણે એટલે સુધી કહ્યું છે કે સુશાંત પ્રકરણની પટકથા પહેલાથી લખાઈ ગઈ હતી.

મુંબઈ પોલીસનું અપમાન

શિવસેનાના સાંસદે કહ્યું છે કે મુંબઈ પોલીસ વિશ્વનું શ્રેષ્ઠ તપાસ તંત્ર છે. મુંબઈ પોલીસ દબાણનો શિકાર થતી નથી. મુંબઈ પોલીસ સંપૂર્ણ પણે પ્રોફેશનલ છે. શીના બોરાહત્યાકાંડથી લઈને 26/11 આતંકવાદી હુમલાનો જવાબ મુંબઈ પોલીસે જ આપ્યો છે. મજબૂત પુરાવા એકઠા કરીને કસાબને ફાંસીએ પહોંચાડ્યો હતો. સુશાંતના મામલે કેન્દ્રનો હસ્તક્ષેપ કરવો મુંબઈ પોલીસનું અપમાન છે.સુપ્રીમ કોર્ટ પર પણ ઉઠાવ્યા સવાલસંજય રાઉતે સીબીઆઈ પર આરોપ લગાવ્યો છે કે સીબીઆઈ સ્વતંત્ર અને નિષ્પક્ષ નથી. કેન્દ્રમાં જેની સરકાર હોય છે

સીબીઆઈ તેમના તાલ પર જ કામ કરે છે. તેમણે કહ્યું છે કે સુપ્રીમ કોર્ટથી લઈને ઈડી, સીબીઆઈ જેવી સંસ્થાઓ સામે છેલ્લા કેટલાક વર્ષોથી પ્રશ્નાર્થ ચિન્હ લાગી ગયું છે. મહારાષ્ટ્રમાં ભાજપ ઉદ્ધવ ઠાકરેની સરકાર પાડવાના પ્રયાસો કરી રહ્યો છે. સરકાર પડી રહી નથી તો તેને બદનામ કરવામાં આવી રહી છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.