30/09/2020

Bharat News Agency

The News Agency of India

હવે ડુંગળીથી ફેલાઈ રહી છે સંક્રામક બીમારી! અમેરિકામાં 400થી વધુ બીમાર થયા

1 min read

અમેરિકાના ઘણા રાજ્યોમાં છેલ્લા કેટલાક સમયથી કોરોના વાયરસની સાથે વધુ એક બેક્ટેરિયાનો કહેર જોવા મળી રહ્યો છે. આ બેક્ટેરિયાના કારણે અમેરિકામાં અત્યાર સુધી 400થી વધુ લોકોના સંક્રમિત થવાની ખબર સામે આવી છે. જ્યારે 60 લોકોને હોસ્પિટલમાં એડમિટ કરાવાયેલા છે.
USમાં ડુંગળી ખાવાથી ફેલાયું સંક્રમણ

અમેરિકા સ્થિત સેન્ટર ફોર ડિસીઝ કન્ટ્રોલ એન્ડ પ્રિવેન્શન (સીડીસી) તરફથી એલર્ટ જાહેર કરીને કહેવાયું છે કે થોમસન ઈન્ટરનેશનલ કંપની તરફથી સપ્લાય કરાયેલી ડુંગળીનું સેવન ન કરો. જો તમે આ ડુંગળીથી ખાવાની કોઈ વસ્તુ બનાવી હોય તો તેને ખાશો નહીં ફેંકી દો. કારણ કે આ ડુંગળીમાં સેલ્મોનેલા બેક્ટેરિયાનું સંક્રમણ ફેલાઈ રહ્યું છે.

​શું સમસ્યા થાય છે સેલ્મોનેલા બેક્ટેરિયાથી?

સેલ્મોનેલા બેક્ટેરિયાથી સંક્રમિત ડુંગળી ખાવા પર વ્યક્તિના શરીરનું તાપમાન ઝડપથી વધવા લાગે છે. આ કારણે તીવ્ર તાવ આવી જાય છે, ઉલ્ટીની સમસ્યા થાય છે, ઝાડા અને પેટમાં દુઃખાવાની ફરિયાદ થાય છે. મીડિયા રિપોર્ટ્સ અનુસાર અત્યાર સુધી આ બેક્ટેરિયાના સંક્રમણની ચપેટમાં 34 રાજ્યોના 400 લોકો આવી ચૂક્યા છે. જ્યારે ગંભીર સ્થિતિના કારણે તેમાંથી 60 લોકોને હોસ્પિટલમાં એડમિટ થવું પડ્યું છે.

​બેક્ટેરિયાની અસર?

હેલ્થ એક્સપર્ટ્સનું કહેવું છે કે સેલ્મોનેલા બેક્ટેરિયા વાળી ડુંગળીથી બનેલું ફૂડ ખાનારા વ્યક્તિઓમાં ડાયેરિયા, તાવ, ઉલ્ટી અથવા પેટમાં દુઃખાવાની સમસ્યા 6 કલાકથી લઈને 6 દિવસની અંદર કોઈપણ સમયે નજર આવી શકે છે. એટલે કે આ બેક્ટેરિયાના સંક્રમણની અસર વ્યક્તિમાં અલગ-અલગ સમય પર દેખાઈ શકાય છે. પછી ભલે તેમણે સંક્રમિત ડુંગળીનું સેવન એક જ સમય પર કર્યું હોય.

સારવાર ન મળે તો આંતરડાને પહોંચે છે નુકસાન

ડોક્ટર્સનું કહેવુ છે કે સામાન્ય રીતે સેલ્મોનેલા બેક્ટેરિયાની અસર 5 વર્ષથી નાની ઉંમરના બાળકોમાં જોવા મળતી નથી. પરંતુ તેનાથી મોટી ઉંમરના બાળકો અને 65 વર્ષ અથવા તેનાથી મોટી ઉંમરના બાળકોમાં આ બેક્ટેરિયાની અસર વધારે દેખાય છે. જો સમય પર આ બેક્ટેરિયાના સંક્રમણની સારવાર ન કરવામાં આવે તો તે આંતરડા સુધી પહોંચી જાય છે અને પાચન તંત્રને ખરાબ રીતે નુકસાન પહોંચાડે છે.

​શું કહે છે ફૂડ એન્ડ ડ્રગ એડમિનિસ્ટ્રેશન?

ડુંગળીથી થનારા આ સંક્રમણ વિશે અમેરિકન ફૂડ એન્ડ ડ્રગ એડમિનિસ્ટ્રેશનનું કહેવું છે કે આ સમય અમેરિકામાં ફેલાયેલું સેલ્મોનેલા બેક્ટેરિયાનું સંક્રમણ લાલ ડુંગળીને સંબંધિત છે. પરંતુ સુરક્ષાની દ્રષ્ટીએ લાલની સાથે સફેદ અને પીળી ડુંગળીને પણ માર્કેટમાંથી પાછી મગાવવા માટે કહેવાયું છે. બીજી તરફ ડુંગળીની સપ્લાયર કંપનીએ પણ કહ્યું કે, 19 જૂનથી 11 જુલાઈ વચ્ચે માર્કેટમાં મોકલવામાં આવેલી ડુંગળીને લઈને ફરિયાદ આવી છે. આથી તમામ દુકાનો અને સ્ટોર્સ વચ્ચે સપ્લાઈ કરાયેલી ડુંગળીને પાછી મગાવવામાં આવી રહી છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.