30/09/2020

Bharat News Agency

The News Agency of India

રિયા ચક્રવર્તીના ભાઈ શોવિકની EDએ 18 કલાક કરી પૂછપરછ, બંનેને સોમવારે ફરીથી બોલાવ્યા

1 min read

સુશાંત સિંહ રાજપૂતના મોત મામલે પિતા કે. કે. સિંહે એક્ટ્રેસ રિયા ચક્રવર્તી અને તેના પરિવાર સામે ફરિયાદ નોંધાવી છે. આ મામલે હાલ તો તપાસ CBIને સોંપવામાં આવી છે. ત્યારે સુશાંતના બેંક અકાઉન્ટમાંથી 15 કરોડ રૂપિયા અજાણ્યા ખાતામાં ટ્રાન્સફર થયાની વાત પણ તેના પિતાએ FIRમાં કરી છે. એવામાં પ્રવર્તન નિદેશાલય (ED) આ કેસની તપાસ ચલાવી રહ્યું છે. EDએ આ મામલે સુશાંતની ગર્લફ્રેન્ડ રિયા ચક્રવર્તીની શુક્રવારે પૂછપરછ કરી હતી. ત્યારે શનિવારે 18 કલાક સુધી તેના ભાઈ શોવિક ચક્રવર્તીની પૂછપરછ પણ કરી.

શોવિક શનિવારે બપોરે EDની ઓફિસ પહોંચ્યો હતો અને રવિવારે સવારે 7 વાગ્યાની આસપાસ ત્યાંથી નીકળતો જોવા મળ્યો હતો. EDએ નાણાંકીય વ્યવહારો અંગે શોવિકની 18થી વધુ કલાક પૂછપરછ કરી હતી. અધિકારીઓના જણાવ્યા અનુસાર, શોવિક પ્રશ્નોમાંથી છટકાવાનો પ્રયાસ કરતો હતો અને સંતોષકારક જવાબ આપવામાં નિષ્ફળ રહ્યો હતો. એટલે ઈડીની ટીમ સોમવારે તેને ફરીથી પૂછપરછ માટે બોલાવી શકે છે.
આ ઉપરાંત રિયા ચક્રવર્તીને પણ ઈડી ફરીથી પૂછપરછ માટે બોલાવશે. ઈડીએ સોમવારે હાજર રહેવા માટે રિયા ચક્રવર્તીને સમન પાઠવ્યું છે. મહત્વનું છે કે, ઈડીએ શુક્રવારે 8 કલાક સુધી રિયા ચક્રવર્તી પૂછપરછ કરી હતી. ઈડી મની લોન્ડ્રિંગના એંગલથી સુશાંતના મોત મામલે તપાસ કરે છે. ઉલ્લેખનીય છે કે, સુશાંત 14 જૂને બાંદ્રા સ્થિત ઘરે મૃત હાલતમાં મળી આવ્યો હતો. ત્યારે તેના મોતે બોલિવુડ અને રાજકીય વર્તુળો ચર્ચાને સ્થાને આપ્યું છે. આ મામલે રોજેરોજ નવા ખુલાસા થઈ રહ્યા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.