26/10/2020

Bharat News Agency

The News Agency of India

અવાજથી ખબર પડશે કોરોના છે કે નહીં! BMC નવી ટેકનોલોજીથી કરશે ટેસ્ટ

1 min read

દેશભરમાં કોરોના વાયરસનો કહેર વધી રહ્યો છે. આ વચ્ચે મુંબઈમાં હવે BMC કોવિડ-19ના ટેસ્ટિંગ માટે વોઈસ સેમ્પલિંગ મેથડનો ઉપયોગ કરશે. BMCના એડિશનલ મ્યુનિસિપલ કમિશનર સુરેશ કાકાણીએ શનિવારે જણાવ્યું કે, અમે અમારી ગુરગાંવની Nesco ફેસિલિટીમાં શંકાસ્પદ અને કન્ફર્મ થયેલા 1000 દર્દીઓ પર AI આધારિટ વોઈસ સેમ્પલિંગ એપ્લિકેશનનો કરીશું.

આ પહેલા યુરોપના ફ્રાન્સ અને ઈટાલીમાં કોરોનાના દર્દીઓની ટેસ્ટિંગ માટે વોઈસ એનાલિસિસનો ઉપયોગ કરાયો હતો. હવે નવી મુંબઈની એન્જિનિયરિંગ કોલેજના કેટલાક વિદ્યાર્થીઓના એક ગ્રુપે હાલમાં જ કોરોના શંસ્કાપદ 2008 વોઈસ સેમ્પલિંગનું એનાલિસિસ આપ્યું હતું.
કાકાણીએ કહ્યું કે, અમે આ વોઈસ એનાલિસિસના રિઝલ્ટનો RT-PCR ટેસ્ટ કિટના પરિણામ સાથે મેચ કરીશું. જો પાઈલોટ પ્રોજેક્ટમાં સારા પરિણામો મળે છે તો BMC તેની અન્ય હોસ્પિટલોમાં પણ આ પ્રોગ્રામનો ઉપયોગ કરવાનું પ્લાનિંગ કરી રહ્યું છે. તે તરત જ પરિણામ આપી શકે છે.

બીજી તરફ RT-PCR ટેસ્ટથી પરિણામ આવતા એવરેજ 24 કલાક લાગતા હોય છે, જ્યારે BMCના નવા એન્ટિજેન ટેસ્ટમાં 30 મિનિટમાં પરિણામ આવે છે. જ્યારે પ્રાઈવેટ હોસ્પિટલોમાં કરાતા રેપિડ એન્ટીબોડી બ્લડ ટેસ્ટથી પણ ઝડપથી દર્દી કોરોના સંક્રમિત છે કે નહીં જાણી શકાય છે. જોકે આ ટેસ્ટ કેટલો અસરકારક છે તેના પર ઘણા સવાલો છે.
BMC સાથે જોડાયેલા એક ડોક્ટરે જણાવ્યું કે, વોઈસ એનાલિસિસ મેથડ વધારે સેન્સિટિવ નથી. તેનાથી ઘણા સકારાત્મક પરિણામો આવી શકે છે. BMCના અધિકારીએ જણાવ્યું હતું કે, સમગ્ર વોઈસ એનાલિસિસ પ્રોજેક્ટ તેમની પહેલ છે અને IITની ટીમ તેમને મદદ કરી રહી છે.
આ ટેસ્ટમાં વ્યક્તિએ સ્માર્ટફોન કે કોમ્પ્યુટરમાં રહેલી એપમાં બોલવાનું હોય છે. આ એપ્લિકેશનમાં પહેલાથી હજારો કોવિડ-19 અને શ્વાસને લગતી અન્ય સમસ્યાના દર્દીઓના વોઈસ ડેટા મૂકેલા છે, વ્યક્તિનું વોઈસ રીડિંગ આ ડેટાબેઝ સાથે રન કરીને સ્થિતિને ડિટેક્ટ કરવામાં આવે છે.

Leave a Reply

Your email address will not be published. Required fields are marked *

You may have missed

Copyright © All rights reserved to Bharat News Agency | Newsphere by AF themes.