30/09/2020

Bharat News Agency

The News Agency of India

EDની ઓફિસમાંથી બહાર નીકળ્યા રિયા અને શૌવિક ચક્રવર્તી, 8 કલાકથી વધુ લાંબી ચાલી પૂછપરછ

1 min read

બોલિવૂડ એક્ટર સુશાંત સિંહ રાજપૂતના આપઘાત મામલામાં સતત નવા નવા ખુલાસાઓ થઈ રહ્યા છે. મામલાની તપાસ હવે સીબીઆઈના હાથમાં છે, પરંતુ કારણ કે સુશાંતના પિતાએ તેમના દીકરાના એકાઉન્ટમાંથી રિયા દ્વારા કરોડો રૂપિયાની હેરાફેરી કરવાનો આરોપ લગાવ્યો હોવાથી EDએ મની લોન્ડરિંગ મામલે તપાસ શરૂ કરી હતી. બીજી તરફ સીબીઆઈએ પણ આ ટીમ રચીને તપાસ કરી રહી છે.

મની લોન્ડરિંગ કેસમાં ED સમક્ષ પૂછપરછ માટે રિયા ચક્રવર્તી આજે સવારે હાજર થઈ હતી. રિયા અને તેનો ભાઈ શૌવિક 8 કલાકથી પણ વધુ લાંબી પૂછપરછ બાદ EDની ઓફિસમાંથી બહાર નીકળ્યા હતી. બંને ઓફિસમાંથી બહાર આવતી તસવીરો હવે સામે આવી છે. રિપોર્ટ મુજબ, એક્ટ્રેસ પોતાની પ્રોપર્ટી ડોક્યુમેન્ટ્સ EDને આપવામાં નિષ્ફળ રહી હતી.

ઈન્ફોર્સમેન્ટ ડિરેક્ટોરેટ તરફથી મની લોન્ડરિંગ મામલામાં સુશાંત સિંહ રાજપૂતની પૂર્વ મેનેજર શ્રૃતિ મોદી તથા રિયા ચક્રવર્તીના પિતાની પણ આજે પૂછપરછ કરવામાં આવી હતી.

બીજી તરફ રિયા ચક્રવર્તીની કોલ ડિટેલ્સ પણ સામે આવી હતી જેમાં ઘણી ચોંકાવનારી બાબતો જોવા મળી હતી. ટાઈમ્સ નાઉના રિપોર્ટ અનુસાર, ‘જલેબી’ એક્ટ્રેસ રિયાએ સુશાંતને માત્ર 94 વખત ફોન કર્યો હતો અને સુશાંત તરફથી 51 ફોન થયા હતા. મતલબ કે, બંને વચ્ચે 147 વખત વાત થઈ હતી. ફોન રેકોર્ડ પ્રમાણે રિયાએ સૌથી વધુ વાત તેના પિતા ઈન્દ્રજિત ચક્રવર્તી અને ભાઈ શોવિક ચક્રવર્તી સાથે કરી હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.