30/09/2020

Bharat News Agency

The News Agency of India

EDનો મૂડ જોઈને બદલાયો રિયા ચક્રવર્તીનો મિજાજ, નિવેદન નોંધાવવા પહોંચી

1 min read

સુશાંત સિંહ રાજપૂતના મોત મામલે ED (એન્ફોર્સમેન્ટ ડિરેક્ટોરેટ)ના સમન બાદ રિયા ચક્રવર્તી નિવેદન નોંધાવવા માટે પહોંચી છે. સુશાંતના કેસમાં ED મની લોન્ડ્રિંગના એંગલથી તપાસ ચલાવી રહ્યું છે. તપાસ એજન્સીએ રિયા ચક્રવર્તીને શુક્રવારે 7 ઓગસ્ટના રોજ પૂછપરછ માટે સમન મોકલ્યું હતું. જો કે, આ એક્ટ્રેસે સુપ્રીમ કોર્ટની સુનાવણી પછી નિવેદન નોંધવવા આવશે તેવી રજૂઆત ઈડીને કરી હતી. મીડિયા રિપોર્ટ અનુસાર, રિયાની અપીલ ઈડીએ ફગાવ્યા બાદ તે નિવેદન નોંધાવવા પહોંચી ગઈ છે.
EDએ કડક વલણ દાખવતા પહોંચી

ઈડીએ કડક વલણ દાખવતા કહ્યું હતું કે, જો રિયા શુક્રવારે નિવેદન નોંધવવા નહીં આવે તો તેની સામે સમનની અવગણનાનો કેસ દાખલ કરવામાં આવશે. જે બાદ રિયા નિવેદન નોંધાવવા પહોંચી હતી. આ વિશે રિયાના વકીલ સતીષ માનશિંદે કહ્યું, “રિયા ચક્રવર્તી કાયદાનું પાલન કરનારી નાગરિક છે. ઈડીએ મીડિયાને જણાવ્યું હતું કે, રિયાએ માગેલી મુદતને નકારવામાં આવી છે. જે બાદ ઈડીએ આપેલા સમય અને તારીખે તે હાજર થઈ ગઈ છે.” ઈડીની ઓફિસની બહાર રિયા ચક્રવર્તી ફોટોગ્રાફર્સના કેમેરામાં કેદ થઈ હતી.

સિદ્ધાર્થ પીઠાની અને શ્રુતિ મોદીની પણ પૂછપરછ થશે

રિયા ચક્રવર્તીએ મુંબઈમાં પ્રોપર્ટીઓ ખરીદી છે જે અંગે ઈડી તેને સવાલ કરશે. રિપોર્ટ મુજબ, રિયા ઉપરાંત ઈડીએ સુશાંતના ફ્રેન્ડ સિદ્ધાર્થ પીઠાની અને પૂર્વ બિઝનેસ મેનેજર શ્રુતિ મોદીને પણ પૂછપરછ માટે બોલાવ્યા છે. શ્રુતિ મોદીને આજે 7 ઓગસ્ટના રોજ અને સિદ્ધાર્થ પીઠાનીને 8 ઓગસ્ટના રોજ હાજર રહેવા માટે ઈડીએ સૂચના આપી છે.

ત્રણ તબક્કામાં થઈ શકે પૂછપરછ

મીડિયા રિપોર્ટ્સનું માનીએ તો, 2018-19માં રિયાની કુલ આવક 14 લાખ રૂપિયાની આસપાસ હતી. જ્યારે તેના રોકાણ ખૂબ વધારે દર્શાવાયા હતા. માહિતી મુજબ, રિયા પાસે 2 પ્રોપર્ટી છે જેની કિંમત કરોડોમાં છે. ઈડીને આ મામલે શંકા છે. મીડિયા રિપોર્ટ અનુસાર, ઈડીએ રિયાની પૂછપરછ લિસ્ટ તૈયાર કર્યું છે અને ત્રણ તબક્કામાં તેની પૂછપરછ થશે.

ભાઈ સાથે પહોંચી EDની ઓફિસ

રિયા ચક્રવર્તી ભાઈ શોવિક સાથે EDની મુંબઈ સ્થિત ઓફિસે પહોંચી છે. રિયાને ત્રણ તબક્કામાં સવાલ પૂછાઈ શકે છે. પહેલા તબક્કામાં તેની પ્રાથમિક માહિતી, બીજા તબક્કામાં તેની પાનકાર્ડ ડિટેલ, પાસપોર્ટની વિગતો, આવકના સાધનો વગેરે વિશે સવાલ થઈ શકે છે. ત્રીજા તબક્કામાં સુશાંતને લગતા સવાલો પૂછાઈ શકે છે.

સેમ્યુઅલ મિરાંડાની થઈ પૂછપરછ

આ પહેલા સુશાંતના હાઉસ મેનેજર સેમ્યુઅલ મિરાંડાની ઈડીએ બેવાર પૂછપરછ કરી છે. સેમ્યુઅલને ઈડીએ બુધવાર અને ગુરુવારે બોલાવ્યો હતો. સુશાંતના પિતાએ કરેલી FIRમાં સેમ્યુઅલ મિરાંડાનું નામ પણ છે. રિપોર્ટ્સ અનુસાર, રિયા જ સેમ્યુઅલને હાઉસ મેનેજર તરીકે લાવી હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.