30/09/2020

Bharat News Agency

The News Agency of India

સામે આવી સુશાંતના કોલ રેકોર્ડની માહિતી, 8-14 જૂન વચ્ચે આ લોકો સાથે થઈ હતી વાત

1 min read

સુશાંત સિંહ રાજપૂતના મોતનો મામલો હવે દેશભરમાં ચર્ચાનો વિષય બની ગયો છે. સુશાંતના પિતા કે. કે. સિંહ પટણામાં એક્ટ્રેસ રિયા ચક્રવર્તી સામે ફરિયાદ નોંધાવ્યા બાદ બિહાર પોલીસ તપાસમાં જોડાઈ હતી. જો કે, હવે કેંદ્ર સરકારે સુશાંતના મોતનો કેસ CBIને સોંપવાની બિહાર સરકારની અરજી મંજૂર કરી છે. કેસની તપાસ CBIને સોંપાતા સુશાંતનો પરિવાર અને એક્સ-ગર્લફ્રેન્ડ અંકિતા લોખંડે તેમજ ફેન્સ ખુશ છે. સુશાંતના મોતને તેની પૂર્વ મેનેજર દિશા સાલિયાનના મોત સાથે જોડવામાં આવી રહી છે. દિશાના મોત બાદ સુશાંત પરેશાન હતો તેવા પણ અહેવાલો છે. દરમિયાન હવે સુશાંતના કોલ રેકોર્ડની માહિતી સામે આવી છે.

ટાઈમ્સ નાઉના પાસે સુશાંતના કોલ રેકોર્ડની માહિતી છે ત્યારે તેના રિપોર્ટ મુજબ, 8 જૂનથી 14 જૂન દરમિયાન સુશાંત અને રિયા વચ્ચે કોઈ વાત થઈ નહોતી. રસપ્રદ વાત તો એ છે કે, દિશા સાલિયાનના મોત બાદ સુશાંત ખૂબ પરેશાન હતો અને આવા સમયે ગર્લફ્રેન્ડ રિયા તેને છોડીને જતી રહી હતી. કોલ રેકોર્ડ મુજબ, 8 જૂને દિશાનું મોત થયું ત્યારથી સુશાંત અને રિયા વચ્ચે કોઈ વાતચીત થઈ નહોતી.

રિપોર્ટ મુજબ, 8થી 14 જૂન વચ્ચે સુશાંતની બહેન રાનીએ ભાઈને એકવાર ફોન કર્યો હતો. તો સુશાંતે પણ બહેન રાનીને એકવાર ફોન કર્યો હતો. ટેલેન્ટ મેનેજરને સુશાંતે પાંચ વાર ફોન કર્યો હતો. જ્યારે રિયાએ સુશાંતને એકપણ વાર ફોન કર્યો નહોતો. જ્યારે સુશાંતે બહેન મીતૂને 1 વખત ફોન કર્યો હતો.

તો આ તરફ સુશાંતના મોત મામલે તપાસ કરવા આવેલી બિહાર પોલીસની ટીમ પટણા પરત ફરી છે. જ્યારે થોડા દિવસ પહેલા આવેલા IPS ઓફિસરને BMCએ હજી પણ ક્વોરન્ટીન કરીને રાખ્યા છે. જણાવી દઈએ કે, સુશાંત સિંહ રાજપૂતે 14 જૂને જીવન ટૂંકાવી લીધું હતું. મુંબઈ પોલીસ આ કેસની તપાસ કરી રહી હતી. તેમણે લગભગ 56 લોકોના નિવેદન નોંધ્યા હતા. દરમિયાન, સુશાંતની ગર્લફ્રેન્ડ રિયા ચક્રવર્તી સામે તેને આત્મહત્યા માટે ઉશ્કેરવાનો, છેતરપિંડી સહિતના આરોપ લગાવાયા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.