30/09/2020

Bharat News Agency

The News Agency of India

બોલિવૂડ એક્ટ્રેસ દિશા પાટનીના પિતાને કોરોના, સાથે અન્ય બે ઓફિસરો પણ પોઝિટિવ

1 min read

બોલિવૂડની જાણીતી એક્ટ્રેસ દિશા પાટનીના પિતા જગદીશ પાટની કોરોના પોઝિટિવ મળી આવ્યા છે. જગદીશ ઉત્તર પ્રદેશમાં વીજળી વિભાગમાં વિજિલાન્સ યુનિટમાં અધિકારી છે. જગદીશ સહિત વીજળી વિભાગના ત્રણ અધિકારીઓ પણ કોરોના સંક્રમિત છે. આ વાતની જાણકારી જિલ્લા સર્વેલાન્સ અધિકારી ડો. અશોક કુમારે આપી હતી.

અશોક કુમારે બુધવારે જણાવ્યું કે, દિશાના પિતા જગદીશ પાટની અને વીજળી વિભાગના અન્ય બે અધિકારીઓ અહીં ટાન્સફોર્મર કૌભાંડની તપાસ કરવા માટે લખનઉથી આવ્યા હતા. ત્રણેય અધિકારીઓનો ટેસ્ટ રિપોર્ટ આવી ગયો છે અને તેઓ કોરોના સંક્રમિત મળી આવ્યા છે.

48 કલાક માટે ઓફિસ બંધ
કુમારે આગળ જણાવ્યું કે, દિશાના પિતા વીજળી વિભાગમાં વિજિલાન્સ યુનિટમાં ડેપ્યુટી એસ.પીના પદ પર કાર્યરત છે. હાલમાં ઝોનલ ચીફ એન્જિનિયર ઓફિસને 48 કલાક માટે બંધ કરી દેવામાં આવી છે.
સાઈબર ફ્રોડનો શિકાર થતા બચ્યા હતા જગદીશ
જણાવી દઈએ કે થોડા દિવસો પહેલા જ જગદીશ પાટની ત્યારે ચર્ચામાં આવ્યા જ્યારે તેઓ સાઈબર ફ્રોડનો શિકાર થતા થતા બચી ગયા હતા. તેમની ક્લોન ફેસબુક આઈડી બનાવીને કેટલાક લોકોએ પરિચિતોને મેસેજ મોકલ્યા હતા. જોકે સમય પર તેની જાણકારી મળી ગઈ અને ઠગ પોતાના ષડયંત્રમાં સફળ ન થઈ શક્યા. જગદીશે તેની સાઈબર સેલમાં ફરિયાદ કરી હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.