30/09/2020

Bharat News Agency

The News Agency of India

Covid-19: દેશમાં કુલ કેસ 15 લાખને પાર, સાજા થયેલા દર્દીઓની સંખ્યા 10 લાખની નજીક

1 min read

નવી દિલ્હીઃ ભારતમાં કોરોના વાયરસના કુલ કેસનો આંકડો મંગળવારે 15 લાખને પાર થઈ ગયો છે. પાછલા 12 દિવસની અંદર 5 લાખ કેસ વધ્યા છે. જ્યારે મંગળવારે બીજા નંબરનો એક દિવસમાં સૌથી વધુ મૃત્યુઆંક નોંધાયા છે.

મંગળવારે કોરોનાના નવા પોઝિટિવ કેસનો આંકડો નીચો ગયા બાદ મંગળવારે 49,292 નવા કેસ નોંધાયા છે, રાજ્ય સરકારોના આંકડા પ્રમાણે રવિવારે 50,000 કરતા વધુ કેસ નોંધાયા બાદ આ બીજા નંબરના સૌથી વધુ કેસ છે. જ્યારે આ પહેલા 24 જુલાઈના રોજ 757 લોકોના મોત નોંધાયા હતા.
ભારતમાં કોરોના વાયરસને હરાવી ચૂકેલા દર્દીઓનો આંકડો 9,52,743 થાય છે, એટલે કે રિકવરી રેટ 64.24% થાય છે.

જ્યારે 4,96,988 એક્ટિવ કેસ છે. બીજી તરફ ન્યૂઝ એજન્સીના આંકડામાં તફાવત જોવા મળી રહ્યો છે, આ આંકડા રાજ્યો અને કેન્દ્ર શાસિત પ્રદેશો પાસેથી મળેલા આંકડા પ્રમાણે છે જેમાં કોરોનાના કુલ કેસનો આંકડો 15,28,516 થાય છે, જેમાં 34,180 લોકના મોત થયા છે અને સાજા થયેલા દર્દીઓની સંખ્યા 9,84,516 થાય છે.

વર્લ્ડોમીટર ડોટ ઈન્ફો વેબસાઈટ પ્રમાણે દુનિયામાં ભારત કોરોનાના કુલ કેસમાં ત્રીજા નંબરનો દેશ છે, આ પહેલા અમેરિકા (44.3 લાખ) અને બ્રાઝિલ (24.4) લાખ છે. જ્યારે રશિયા ચોથા નંબરનો દેશ છે જ્યાં કુલ કેસનો આંકડો 8.2 લાખ છે.

આ અઠવાડિયામાં પહેલી વખત એવું થયું છે કે, મહારાષ્ટ્રમાં દેશના સૌથી વધુ કેસ નથી નોંધાયા, પણ સૌથી વધુ એક દિવસના 7,948 કેસ આંધ્રપ્રદેશમાં નોંધાયા છે. જ્યારે મહારાષ્ટ્ર બીજા નંબરે રહ્યું છે જ્યાં 7,717 કેસ નોંધાયા છે. આ પછી તામિલનાડુમાં 6,972, કર્ણાટકમાં 5,536, ઉત્તરપ્રદેશમાં 3,490, બિહરમાં 2,480, પશ્ચિમબંગાળમાં 2,134 અને આસામમાં 1,348 કેસ નોંધાયા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.