30/09/2020

Bharat News Agency

The News Agency of India

કાનપુર એન્કાઉન્ટરઃ મરતા પહેલા ગેંગસ્ટર વિકાસ દુબે આ મોટો ખુલાસો કરતો ગયો

1 min read

ઉજ્જૈનઃ કાનપુર કાંડના મુખ્ય આરોપી વિકાસ દુબેને એન્કાઉન્ટરમાં ઠાર કરાયો. એન્કાઉન્ટર પહેલા તેણે ઉજ્જૈનમાં કબૂલ્યું હતું કે તે શહીદ સીઓ દેવેન્દ્ર મિશ્રાને નફરત કરતો હતો. પૂછપરછમાં તેણે સ્વીકાર્યું હતું કે દેવેન્દ્ર મિશ્રાની દરેક ગતિવિધિઓ વિશે પોલીસના લોકો જ તેને સૂચના આપતા હતા. અહીં સુધી કે સીઓ દેવેન્દ્ર મિશ્રા વિકાસ દુબે વિશે કોઈ વ્યક્તિગત કમેન્ટ કરે તેની પણ જાણકારી વિકાસને મળી જતી હતી. વિકાસની ધરપકડ બાદ પોલીસ સામે કાનપુર કાંડને લઈને ઘણા ચોંકાવનારા ખુલાસાઓ કર્યા છે.

તેણે પૂછપરછ દરમિયાન આ સ્વીકાર્યું કે, તેણે સીઓ દેવેન્દ્ર મિશ્રાની હત્યા નથી કરી. તેના લોકોએ દેવેન્દ્ર મિશ્રાની હત્યા કરી હતી. વિકાસ દુબેને પોલીસની સામે કહ્યું હતું કે સીઓ ઘણીવાર મારા પગ પર કમેન્ટ કરતા હતા. મારો એક પગ ખરાબ છે. આથી સીઓ કહેતા હતા કે હું તેનો બીજો પગ પણ ઠીક કરી દઈશ.

ઘણીવાર થયો વિવાદ
પોલીસના સૂત્રો પાસેથી મળેલી જાણકારી મુજબ, વિકાસ દુબેનો સીઓ દેવેન્દ્ર મિશ્રા સાથે ઘણીવાર વિવાદ થયો. વિવાદ દરમિયાન બોલાચાલી પણ થઈ. વિકાસે જણાવ્યું હતું કે, આસપાસના પોલીસ સ્ટેશનમાં તહેનાત પોલીસકર્મીઓએ મને તેની જાણકારી આપી હતી કે સીઓ દેવેન્દ્ર મિશ્રા મારી વિરુદ્ધ છે. આ બધી બાબતો જાણીને મને સીઓ દેવેન્દ્ર મિશ્રા વિરુદ્ધ ખૂબ ગુસ્સો આવતો હતો. વિકાસે પોલીસને સામે કબૂલ્યું હતું કે, તેણે સીઓને નથી માર્યા. વિકાસ દુબેએ પોલીસની સામે સ્વીકાર કર્યો કે મારા સાથીઓએ મામાના આંગણામાં જઈને સીઓ પર હુમલો કર્યો. મારા પગ પર કમેન્ટને લઈને મારા સાથીઓ તેનાથી ચીડાયેલા હતા. આથી તેમણે તેના પગ પર વાર કર્યા બાદ તેના માથા પર ગોળી મારી

શબને સળગાવવાની તૈયારી હતી
સૂત્રો મુજબ, વિકાસે પૂછપરછ દરમિયાન આ કબૂલ કર્યું હતું કે તેને પોલીસની રેડની પહેલાથી જ જાણકારી હતી. ‘મને જે ખબર હતી તે અનુસાર પોલીસ વહેલી સવારે પહોંચવાની હતી. પરંતુ પોલીસ રેડ માટે રાત્રે જ આવી ગઈ. એન્કાઉન્ટરમાં પોલીસના જવાન માર્યા ગયા. પોલીસકર્મીઓના શબને અમે લોકો સળગાવવાના હતા. શબને એકઠા પણ કરી લીધા હતા, પરંતુ રાત્રે વધારે પોલીસ આવવા લાગી, આથી અમે ભાગી ગયા.’

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.