Mon. Aug 10th, 2020

Bharat News Agency

The News Agency of India

બિહાર: કોરોના વોર્ડમાં મૃતદેહની વચ્ચે રહેવા મજબૂર છે દર્દીઓ, જુઓ વિડીયો

1 min read

પટના: બિહારમાં બુધવારે એક દિવસના અત્યાર સુધીમાં સૌથી વધારે કોરોનાના 749 કેસ નોંધાયા છે. આ દરમિયાન આરજેડીના તેજસ્વી યાદવે કોરોના વાયરસના દર્દીઓ માટે તૈયાર બિહાર સરકારની હોસ્પિટલ નાલંદા મેડિકલ કોલેજને લઈને ગંભીર આરોપ લગાવ્યા છે. તેજસ્વી યાદવે પોતાના સોશિયલ મીડિયા પ્લેટફોર્મ પર એક વિડીયો શેર કર્યો છે, જેમાં એક યુવક પોતાને કોરોના દર્દીનો દીકરો હોવાનું જણાવી રહ્યો છે. તેણે એ પ્રકારે દાવો કર્યો છે કે NMCHમાં કોરોનાના કારણે મૃત્યુ પામેલા દર્દીઓના શબની વચ્ચે જીવંત દર્દીઓને રાખવામાં આવે છે.

આ વિડીયોમાં તે યુવક NMCHના કોરોના વોર્ડમાં ફરતો જોવા મળી રહ્યો છે, જેમાં જોવા મળી રહ્યું છે કે અહીં મૃતક દર્દીઓની સાથે કોરોનાના અન્ય દર્દીઓ જોવા મળી રહ્યા છે. આ યુવકે એવો દાવો કર્યો છે કે મારા પિતા અહીં કોરોનાના કારણે મૃત્યુ પામેલા દર્દીઓના શબની વચ્ચે ઈલાજ કરાવવા માટે મજબૂર છે.

આ વિડીયોને શેર કરતા તેજસ્વી યાદવે લખ્યું કે જુઓ બિહારની ભયાનક સ્થિતિ. NMCHના કોરોના વોર્ડમાં 2 દિવસથી મૃતક દર્દીઓના શબ રાખવામાં આવ્યા છે. બાજુના બેડ પર સ્વસ્થ દર્દીઓ છે. કોઈ ડોક્ટર, નર્સ અને સ્વાસ્થ્યકર્મી નથી. પરિવારના સભ્યો સંભાળ રાખી રહ્યા છે. ડોક્ટર, નર્સ અને વેન્ટિલેટર મુખ્યમંત્રી આવાસ મોકલવામાં આવ્યા છે કારણકે ત્યાં પણ 60 કોરોના પોઝિટિવ કેસ છે. સરકાર ચૂંટણીની તૈયારીઓમાં વ્યસ્ત છે. પરિસ્થિતિ વધુ ગંભીર થશે. અહીં ઉલ્લેખનીય છે કે બિહારમાં અત્યાર સુધીમાં કોરોના વાયરસના કુલ 13,274 કેસ નોંધાયા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.