Mon. Aug 10th, 2020

Bharat News Agency

The News Agency of India

ઉજ્જેન સુધી કઈ રીતે પહોંચ્યો ગેંગસ્ટર વિકાસ દુબે ઉઠી રહ્યા છે આ 10 સવાલ

1 min read

ગેંગસ્ટર વિકાસ દુબેની ધરપકડ સાથે જ ઉઠવા લાગ્યા સવાલો

નવી દિલ્હી: કાનપુર શૂટઆઉટના મુખ્ય આરોપી ગેંગસ્ટર વિકાસ દુબેની ધરપકડ સાથે જ સવાલો ઉઠવાના શરૂ થઈ ગયા છે. એક તરફ પોલીસે તેને ધરપકડ જણાવી રહી છે, તો બીજી તરફ વિપક્ષો તેને ફિક્સ સરેન્ડર કરી રહ્યા છે. કોંગ્રેસ મહાસચિવ પ્રિયંકા ગાંધી અને સમાજવાદી પાર્ટી અધ્યક્ષ અખિલેશ યાદવે પણ વિકાસ દુબેની ધરપકડ સામે સવાલ ઉઠાવ્યા છે.

સવાલ-1: એલર્ટ છતાં આરોપી ઉજ્જેન કઈ રીતે પહોંચ્યો?

પ્રિયંકાએ વિકાસ દુબેની ધરપકડ પર સવાલ ઉઠાવતા ટ્વીટ કર્યું કે, ‘એલર્ટ છતાં આરોપીનું ઉજ્જેન સુધી પહોંચવું, સુરક્ષાના દાવાઓની પોલ ખોલવા ઉપરાંત મિલીભગત તરફ પણ ઈશારો કરે છે. 3 મહિના જૂના પત્ર પર ‘નો એક્શન’ અને કુખ્યાત ગુનેગારોની યાદીમાં ‘વિકાસ’નું નામ ન હોવાની બાબત જણાવે છે કે આ મામલાના તાર દૂર સુધી જોડાયેલા છે.’ પ્રિયંકાએ લખ્યું છે કે, ‘યુપી સરકારે મામલાની સીબીઆઈ તપાસ કરાવી બધી હકીકત અને પ્રોટક્શનની વિગતોને જગજાહેર કરવી જોઈએ.’

સવાલ-2: સરકાર સ્પષ્ટ કરે, આત્મસમર્પણ છે કે ધરપકડ?

એસપી અધ્યક્ષ અખિલેશ યાદવે કહ્યું કે, ‘અહેવાલો આવી રહ્યા છે કે ‘કાનપુર કાંડ’નો મુખ્ય આરોપી પોલીસની કસ્ટડીમાં છે. જો એ સાચું છે તો સરકાર સ્પષ્ટ કરે કે એ આત્મસમર્પણ છે કે ધરપકડ. સાથે જ તેના મોબાઈલનો સીડીઆર સાર્વજનિક કરે કે જેથી સાચી મિલીભગતનો ખુલાસો થઈ શકે.’

સવાલ નંબર-3: ધરપકડ માટે મીડિયાને કેમ લઈ જવાયું?

કાનપુર શૂટઆઉટમાં શહીદ થયેલા સીઓ દેવેન્દ્ર મિશ્રાના પરિવારજનોએ પણ વિકાસ દુબેની નાટકીય ધરપકડ સામે સવાલ ઉઠાવ્યા. સીઓના સંબધી કમલકાંતે કહ્યું કે, ‘ઘણા ગુનેગારો જેલમાંથી શાસન ચલાવી રહ્યા છે. 12 કલાક પહેલા વિકાસ ફરીદાબાદમાં હતો અને તરત તે ઉજ્જેન પહોંચી ગયો.

સવાલ નંબર-4: વિકાસ દુબેએ પોતે જ જણાવી પોતાની ઓળખ?

વિકાસ દુબેની ધરપકડ કરવા માટે યુપી પોલીસ દેશના ઘણા રાજ્યોમાં ફરી રહી હતી. 2 દિવસ પહેલા તે સુધી ફરીદાબાદમાં દેખાયો હતો. તો, યુપી પોલીસે સંપર્ક કર્યા બાદ એમપી પોલીસ પણ એલર્ટ પર હતી. તે પછી પણ બધા દાવાની વિકાસ દુબેએ હવા કાઢી નાખી છે. ઉજ્જેન પોલીસ ભલે દાવો કરી રહી છે કે વિકાસની તેણે ધરપકડ કરી છે, પરંતુ નજરે જોનારાઓનું કહેવું છે કે, વિકાસ દુબેએ પોતે જ પોતાની ઓળખ બતાવી હતી.

સવાલ નંબર-5: સુરક્ષા એજન્સીઓને કેમ ગંધ ન આવી?

ફરીદાબાદથી ઉજ્જેન પહોંચવા માટે તેણે 750 કિમીનું અંતર કાપ્યું. સૂત્રો તરફથી મળતી જાણકારી મુજબ, વિકાસ બાય રોડ ઉજ્જેન પહોંચ્યો છે. એવામાં સવાલ છે કે તમામ ઈન્ટેલિજન્સ એજન્સીઓ શું કરી રહી હતી. કોઈને ગંધ કેમ ન આવી?

સવાલ નંબર-6: ધરપકડ સમયે વિકાસ દુબેની બોડી લેંગ્વેજ પર સવાલ

ધરપકડનો જે વિડીયો સામે આવ્યો છે, તેના પર પણ લોકો સવાલ ઉઠાવી રહ્યા છે. ધરપકડ પછી વિકાસ દુબેની બોડી લેંગ્વેજથી નહોંતુ લાગી રહ્યું કે તેની ધરપકડ કરવામાં આવી છે. લોકોએ કહ્યું કે, ધરપકડ દરમિયાન વિકાસ દુબે ઘણો આરામથી ચાલી રહ્યો હોત. તેના ચહેરા પર કોઈ પ્રકારની ડર ન હતો.

સવાલ નંબર-7: ધરપકડ પહેલા મંદિરમાં ફોટો પાડ્યો

મહાકાલ મંદિરમાં ધરપકડ પહેલા વિકાસ દુબેએ પરિસરમાં ફોટો પણ પડાવ્યો. તેના પર પણ સવાલ ઊઠી રહ્યા છે કે આખરે જેની પાછળ ઘણા રાજ્યોની પોલીસ લાગી હોય તે આ રીતે આટલા આરામથી કઈ રીતે ફરી શકે. મહાકાલ મંદિરમાં દર્શન કરવા પર પણ સવાલ ઉઠી રહ્યા છે.

સવાલ નંબર-8: મંદિરમાં ધરપકડ કેમ? એન્કાઉન્ટરથી ડરી ગયો હતો વિકાસ દુબે?

વિકાસ દુબેને ડર હતો કે તેને એન્કાઉન્ટરમાં મારી નાખવામાં આવશે. તેના 5 ગુંડાઓને પણ અલગ-અલગ એન્કાઉન્ટરમાં પોલીસે ઠાર કરી દીધા છે. સવાલ ઉઠી રહ્યા છે કે શું એ જ કારણે વિકાસ દુબેએ સરેન્ડર માટે મંદિરને પસંદ કર્યુ?

સવાલ નંબર-9 ફરીદાબાદ અને ઉજ્જેન સુધી ભાગવામાં કોણે મદદ કરી?

વિકાસ દુબે યુપીના ફરીદાબાદથી મધ્ય પ્રદેશ પહોંચ્યો ત્યાં સુધી તેની ધરપકડ ન થઈ શકી. એવામાં સવાલ એ છે કે, તે આટલી સરળતાથી આટલું બધું અંતર કેવી રીતે કાપી શક્યો? કોણે તેને મદદ કરી હતી?

સવાલ નંબર-10: શૂટઆઉટ બાદ ક્યાં રહેતો હતો વિકાસ દુબે?

શૂટઆઉટ બાદથી વિકાસ દુબે ફરાર હતો. ઘણા રાજ્યોની પોલીસે તેને પકડવા માટે ઓપરેશન ચલાવ્યું અને હઈ એલર્ટ અપાયું હતું. એટલું જ નહીં, જ્યારે પોલીસ ફરીદાબાદમાં દરોડો પાડ્યો, ત્યારે પણ તે ત્યાંથી ભાગી નીકળ્યો. ગેંગસ્ટર વિકાસ દુબે 6 દિવસ સુધી ફરાર હતો. એવામાં તેને કોણે શરણ આપી હતી, તે ક્યાં રહેતો હતો? એ સવાલ પણ ઉઠી રહ્યા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.