Mon. Aug 10th, 2020

Bharat News Agency

The News Agency of India

ગુજરાતમાં કોરોના: 24 કલાકમાં નવા 861 કેસ નોંધાયા, કુલ આંકડો 39,280 પર પહોંચ્યો

1 min read

ગુજરાતમાં દિવસેને દિવસે કોરોના વાયરસના કેસમાં વધારો થઈ રહ્યો છે. ગુજરાતમાં છેલ્લા 24 કલાકમાં કોરોના વાયરસના નવા 861 કેસ નોંધાયા છે. આ સાથે જ ગુજરાતમાં કોરોના વાયરસના કુલ કેસનો આંકડો 39,280 પર પહોંચ્યો છે. જ્યારે ગુજરાતમાં છેલ્લા 24 કલાકમાં કુલ 429 દર્દીઓ સાજા થઈને ઘરે પરત ફર્યા છે. છેલ્લા 24 કલાકમાં ગુજરાતમાં કોરોના વાયરસના કારણે વધુ 15 દર્દીઓના મોત થયા છે.

છેલ્લા 24 કલાકમાં સુરતમાં 307, અમદાવાદમાં 162 જ્યારે વડોદરામાં નવા 68 કોરોના વાયરસના કેસ નોંધાયા છે. જ્યારે છેલ્લા 24 કલાકમાં અમદાવાદમાંથી 139, સુરતમાંથી 124, વડોદરામાંથી 28 અને ભરૂચમાંથી કુલ 20 કોરોનાના દર્દીઓ સાજા થઈને ઘરે પરત ફર્યા છે. ગુજરાતમાં છેલ્લા 24 કલાકમાં નોંધાયેલા કોરોના વાયરસના નવા કેસ અને ડિસ્ચાર્જ દર્દીઓની વિગતો નીચે મુજબ છે.

ગુજરાતમાં કોરોના વાયરસથી છેલ્લા 24 કલાકમાં વધુ 15 દર્દીના મોત સાથે કુલ મૃત્યુઆંક 2010 પર પહોંચ્યો છે. ગુજરાતમાં છેલ્લા 24 કલાકમાં કોરોના વાયરસના કારણે વધુ 15 દર્દીઓના મોત થયા છે. કુલ 15 લોકોના મોત પૈકી અમદાવાદ કોર્પોરેશનમાં 5, સુરતમાં કુલ 6, અરવલ્લી, પાટણ, બનાસકાંઠા અને ભરૂચમાં 1-1 દર્દીઓના મોત થયા છે. ગુજરાતમાં અત્યાર સુધીમાં કુલ 4,41,692 ટેસ્ટ કરવામાં આવ્યા છે. જ્યારે છેલ્લા 24 કલાકમાં ગુજરાતમાં કોરોનાના કુલ 7828 ટેસ્ટ હાથ ધરવામાં આવ્યા છે. ગુજરાતમાં હાલ કોરોના વાયરસના કુલ દર્દીઓની વિગતો નીચે મુજબ છે.

જો ભારતમાં કોરોના વાયરસના કેસની વાત કરીએ તો અત્યાર સુધીમાં કોરોના વાયરસના કુલ 767,296 કેસ નોંધાયા છે. જ્યારે કુલ 21,129 દર્દીઓના કોરોના વાયરસના કારણે મોત થયા છે. જ્યારે કુલ 476,378 દર્દીઓ અત્યાર સુધીમાં કોરોના વાયરસને હરાવીને ઘરે પરત ફર્યા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.