Mon. Aug 10th, 2020

Bharat News Agency

The News Agency of India

75 વર્ષના દાદાને પત્નીના ચારિત્ર્ય પર થઈ શંકા, ગુસ્સામાં આવી તોડી નાખ્યો હાથ

1 min read

બેંગલુરુ: 75 વર્ષના એક સરકારી પૂર્વ સરકારી અધિકારી પર તેમની 65 વર્ષની પત્નીના ચારિત્ર્ય પર શંકા રાખી હાથ તોડી નાખવાનો આરોપ લાગ્યો છે. ઘટના 1 જુલાઈની છે. પૂર્વ સરકારી કર્મચારીને શંકા છે કે તેમની પત્નીનું 34 વર્ષના એક યુવાન સાથે અફેર ચાલી રહ્યું છે. બેંગલુરુ પોલીસની મહિલા હેલ્પલાઈન ‘પરિહાર’ પર ફોન કરીને વૃદ્ધાએ મદદ માગતા સમગ્ર ઘટના બહાર આવી છે.

‘પરિહાર’ના સીનિયર કાઉન્સેલર બીએસ સરસ્વતીના જણાવ્યા મુજબ, ‘આ મહિલા બે પૌત્રોની દાદી છે. તેમના લગ્નને 44 વર્ષ થયા છે. હવે, તેમના પતિ તેમના ચારિત્ર્ય પર શંકા કરવા લાગ્યા છે. વર્ષ 2009માં તેમના મકાનમાં એક યંગ કપલ ભાડે રહેવા આવ્યું હતું. 2020માં આ યુવકની પત્ની ડિલિવરી માટે ગઈ અને આ વૃદ્ધા યુવકને જમવાનું બનાવવામાં મદદ કરવા લાગી તે પછી સમસ્યા શરૂ થઈ.’

પત્ની દ્વારા આ યુવકની દેખરેખ રાખવી પતિને પસંદ નહોંતી આવતી. બંને વચ્ચે આ મામલે ઝઘડો પણ થયો હતો અને વૃદ્ધાએ સ્પષ્ટતા કરી હતી કે, તે યુવકને પોતાનો દીકરો માને છે. વૃદ્ધાએ લોકડાઉન દરમિયાન પણ યુવકની મદદ કરવાનું ચાલુ રાખ્યું, જેના કારણે તેમના પતિને ગુસ્સો વધતો ગયો.

સીનિયર કાઉન્સેલરે કહ્યું કે, ગત સપ્તાહે બંને વચ્ચે ઝઘડો ઘણો વધી ગયો અને પૂર્વ સરકારી કર્મચારીએ તેમની પત્નીને ઢોર માર માર્યો અને તેમનો હાથ તોડી નાખ્યો. તે પછી વૃદ્ધાએ પરિહાર હેલ્પલાઈન પર ફોન કર્યો અને ઘરેલુ હિંસા અંગે ફરિયાદ કરી. આ વૃદ્ધ કપલ સાથે સીનિયર કાઉન્સેલરે ફોન પર વાત કરી અને વૃદ્ધને સમજાવવા પ્રયાસ કર્યો કે, આ કેસ ગેરસમજનો છે. જોકે, વૃદ્ધનું કહેવું છે કે, તેમની પત્ની અને ભાડૂઆત યુવક વચ્ચે કંઈક ચાલી રહ્યું છે. તેમણે કહ્યું કે, પૂર્વ સરકારી કર્મચારીને જણાવી દેવાયું છે કે, પત્ની પર હાથ ઉઠાવવા માટે તેમની સામે કાયદાકીય કાર્યવાહી કરવાનું વિચારી રહ્યા છીએ.

હાલમાં વૃદ્ધા તેમના પતિ સાથે રહે છે અને ‘પરિહાર’ દરરોજ ફોન પર તેમના હાલચાલ પૂછે છે.

‘પરિહાર’ના હેડ રાની શેટ્ટીના જણાવ્યા મુજબ, લોકડાઉન દરમિયાન બેંગલુરુમાં ઘરેલુ હિંસાના કેસોમાં ઘણો વધારો થયો છે. મે મહિનામાં 803 કેસ આવ્યા, જેમાંથી 75 ટકા ઘરેલુ હિંસાના હતા. ગત મહિને આ આંકડો વધીને 1,014 પહોંચી ગયો છે. તેમણે જણાવ્યું કે, મોટાભાગના કેસોમાં અમે ફોન પર કાઉન્સેલિંગ કરીને સમાધાન લાવવાનો પ્રયાસ કરીએ છીએ. જેનો ઉકેલ ન આવે તેને કાયદાકીય રીતે ઉકેલવા આગળ મોકલીએ છીએ.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.