News Agency of India

ખેડૂતના દીકરાએ 12 સાયન્સમાં 99.40%નો સ્કોર કર્યો, બનવા માગે છે ડૉક્ટર

1 min read

Share with:


જયપુર: રાજસ્થાનના બિકાનેરના એક નાનકડા ગામમાંથી આવતા અમિતકુમાર શર્મા નામના વિદ્યાર્થીએ ધોરણ 12 સાયન્સની બોર્ડની પરીક્ષામાં 99.40%નો સ્કોર કર્યો છે. અમિતકુમાર શર્માનો ઉછેર ગામમાં થયો છે અને તેના પિતા ખેડૂત છે. ધોરણ 10માં આ વિદ્યાર્થીએ 97%નો સ્કોર કર્યો હતો. પછી સ્કોલરશિપ મળતા તેણે નજીકના શહેરમાં આવેલી શાળાની હોસ્ટેલમાં રહીને અભ્યાસ કર્યો અને હવે ધોરણ 12 સાયન્સ બોર્ડમાં 99.40%નો સ્કોર કર્યો છે.

અમિતકુમાર શર્માએ પોતાની સફળતા વિશે વાત કરતા જણાવ્યું કે હું પરીક્ષાના થોડા મહિના પહેલાથી જ દરરોજ 10થી 12 કલાકનું વાંચન કરતો હતો, અને શાળામાં દરરોજ જે ભણાવવામાં આવે તેનું તે દિવસે જ પુનરાવર્તન કરતો હતો. સફળતાનો કોઈ શોર્ટકટ નથી, મહેનત વિના સફળતા મળતી નથી. અમિતકુમાર શર્માએ પરીક્ષામાં કુલ 500માંથી 497 ગુણ મેળવ્યા છે.

અમિતકુમાર શર્માએ વધુમાં જણાવ્યું કે મેં છેલ્લા વર્ષોના પરીક્ષાના પેપરોનો અભ્યાસ કર્યો. હું જરૂર પડે ત્યારે હંમેશાં મારા ક્લાસ ટીચરનું માર્ગદર્શન લેતો હતો અને સારા વિદ્યાર્થીની સંગતમાં રહેતો હતો. પરીક્ષાની તૈયાર વખતે ખૂબ જ નાના બ્રેક લેતો હતો અને પૂરું ધ્યાન વાંચવામાં લગાવતો હતો. પણ, પરીક્ષાથી ડરવાની કોઈ જરૂર નથી. અમિતકુમાર શર્માએ કહ્યું કે હું ડોક્ટર બનવા માગુ છું. હું દિલ્હીની AIIMSમાં એડમિશન લેવા માગુ છું. મારા પિતા ખેડૂત છે અને તેમણે મને ભણવામાં ખૂબ જ મદદ કરી છે.

Share with:


Leave a Reply

Your email address will not be published. Required fields are marked *