30/09/2020

Bharat News Agency

The News Agency of India

PM કુસુમ યોજનાઃ ખેડૂતોને સોલાર પંપ પર 90 ટકા સુધીની છૂટ, આ રીતે મળશે ફાયદો

1 min read

ખેડૂતોને 90 ટકા સબ્સિડી સાથે સોલાર પમ્પ

નવી દિલ્હીઃ દેશમાં ખેડૂતોને પડતી સૌથી મોટી મુશ્કેલી એટલે કે ખેતરમાં પાક વાવ્યો હોય ત્યારે પાણી પહોંચાડવાની હોય છે. ગામડાઓમાં મોડી રાત્રે લાઈટ આવતી હોય ત્યારે ખેડૂતોને પાણી પાવા માટે રાત-રાત ભર જાગવું પડતું હોય છે. તેવામાં PM કુસુમ યોજના અંતર્ગત હવે ખેડૂતોને 90 ટકા સુધીની સબ્સિડી સાથે સોલાર પમ્પ ખરીદવાની તક આફવામાં આવી રહી છે. આ માટે અલાયદી વેબસાઇટ પણ શરું કરવામાં આવી છે. જેના દ્વારા ઓનલાઈન એપ્લાય કરી શકાય છે.

PM KUSUM યોજના અંતર્ગત

ખેતરમાં પાણી સિંચાઈને લઈને વીજળની સમસ્યાનો સામનો કરતા ખેડૂતો આ યોજનાનો લાભ ઉઠાવીને સોલાર પમ્પ લઈ શકે છે. પ્રધાનમંત્રી કિસાન ઊર્જા સુરક્ષા અને ઉત્થાન મહાભિયાન(PM-KUSUM) યોજનાની શરુઆત અનેક રાજ્યોમાં થઈ ચૂકી છે. આ યોજના અંતર્ગત સરકારે 27 લાખ ખેડૂતોને સોલાર પમ્પ વિતરિત કરવાનો નિર્ણય કર્યો છે જેથી સિંચાઈના સંકટ સામે ઝઝૂમી રહેલા ખેડૂતોને રાહત મળે.

દેશમાં 27 લાખ ખેડૂતોને સોલાર પમ્પ વિતરણ

સરકારે આ યોજના અંતર્ગત 17.5 લાખ પમ્પ ઓફ ગ્રીડ લગાવવાનું નક્કી કર્યું છે. એટલું જ નહીં પાણી સિંચાઈ પછી વધતા સોલાર પાવરને ખેડૂતો વિજળી કંપનીઓને વેચી શકે છે. જેનાથી તેમને વાર્ષિક રુ. 60000 પ્રતિ એકર કમાણી થઈ શકે છે. આ ઉપરાંત 10 લાખ પમ્પ એવા સ્થાને લગાવવામાં આવશે જ્યાં ગ્રીડ પહેલાથી ઉપલબ્ધ છે. તેમજ આવા વિસ્તારમાં રહેલા પમ્પનું સોલરાઇઝેશન પણ કરવામાં આવશે.

આ રીતે કરવાનું રહેશે એપ્લાય

ગ્રામીણ વિસ્તારોમાં ગ્રીડ કનેક્ટેડ સોલાર પાવર પ્લાન્ટ સ્થાપિત કરવામાં આવશે. તેની ક્ષમતા 2 મેગાવોટ રહેશે. આ યોજનામાં એપ્લાય કરવા માટે ખેડૂતે https://kusum-yojana.co.in/ અથવા https://www.onlinekusumyojana.co.in/ પર જઈને પોતાનું રજિસ્ટ્રેશન કરાવવાનું રહેશે. અહીં તમારે પોતાનું એડ્રેસ અને મેઈલ આઈડી આપવાની રહેશે. ત્યારબાદ સોલાર પાવર મેગાવોટ સિલેક્ટ કરવાનું રહેશે. ત્યારબાદ રાજ્ય અને જિલ્લો પસંદ કરવાનો રહેશે. આ તમામ જાણકારી આપ્યા બાદ તમને ડિપાર્ટમેન્ટ દ્વારા એક મેઇલ આવશે.

ક્યા ખેડૂત લઈ શકે લાભ

આ યોજના અતંર્ગત ખેડૂતો સોલાર પમ્પની કિંમતના ફક્ત 10 ટકા રકમ જ પોતાના તરફથી ખર્ચ કરવાની રહેશે. જ્યારે બાકીની 60 રકમનો ખર્ચ સરકાર વહન કરશે તો 30 ટકા રકમ બેંકમાંથી લોન તરીકે મળશે. આ યોજનાનો લાભ લેવા માટે ખેડૂતની પાસે પોતાનું આધારકાર્ડ અને પોતાનું બેંક એકાઉન્ટ હોવું જોઈએ.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.