Fri. Jul 10th, 2020

Bharat News Agency

The News Agency of India

103 વર્ષની વયે દાદાએ કોરોનાને આપી માત, સ્વસ્થ થઈ ઘરે પરત ફર્યા

1 min read

103 વર્ષના દાદાએ કોરોનાને હરાવ્યો

મુંબઈઃ દેશમાં કોરોના સંક્રમિત દર્દીઓની સંખ્યામાં સતત વધારો થઈ રહ્યો છે. તો બીજી તરફ એક સારો સંકેત એ પણ છે કે ખૂબ મોટી સંખ્યામાં લોકો સ્વસ્થ થઈને ઘરે જઈ રહ્યા છે. જોકે આ બધા વચ્ચે સૌથી વધુ વયોવૃદ્ધ દર્દીઓ કોરોનાનો ભોગ બની રહ્યા છે. ત્યારે 103 વર્ષના સૂખા સિંહ છાબરાએ કોરોનાને હરાવીને 24 દિવસ સુધી ICUમાં રહ્યા બાદ સૂખા સિંહ દેશમાં કોરોનાને હરાવનાર સૌથી મોટી ઉંમરના દર્દી બન્યા છે.
પરિવારના 6 સભ્યો એકસાથે કોરોના પોઝિટિવ

હકીકતમાં છાબરા પરિવારના એકસાથે 6 વ્યક્તિઓ કોરોનાની ચપેટમાં આવ્યા હતા. જેમાંથી 5 વ્યક્તિ તો સ્વસ્થ થઈને ઘરે પરત ફરી ચૂક્યા છે. સૂખા સિંહના એક સંબંધી 86 વર્ષીય તારા સિંહ છાબરાની હોસ્પિટલમાં સારવાર ચાલી રહી છે અને ડોક્ટર્સ મુજબ આગામી 2 દિવસમાં તેમને પણ જો રિપોર્ટ નેગેટિવ રહ્યા તો રજા આપી દેવામાં આવશે. તમને જણાવી દઈએ કે દેશમાં કોરોના સંક્રમિતોમાં સૌથી વધુ 50 વર્ષ કે તેનાથી વધુની ઉંમરના લોકો છે.

મજબૂત ઇચ્છાશક્તિથી કોરોનાને હરાવ્યો

કોરોના પોઝિટિવ હોવાના કારણે સૂખા સિંહને તાવ અને શ્વાસની સમસ્યાના લક્ષણો સાથે 2 જૂનના રોજ થાણેના કૌશલ્યા હોસ્પિટલમાં ભરતી કરવામાં આવ્યા હતા. અહીંના ડો. અમિત લાલા ખોમાને અનુસાર દર્દીની ઉંમર જોઈને તેમને ICUમાં દાખલ કરાયા હતા. સારવાર અને દર્દીની મજબૂત ઇચ્છાશક્તિના કારણે તેમની તબીયત ધીરે ધીરે સુધરવા લાગી. 14 દિવસ બાદ તેમણે વોર્ડમાં શિફ્ટ કરવામાં આવ્યા. પરંતુ ફરી એકવાર શ્વાસ લેવામાં તકલીફ પડતા ફરી ICUમાં દાખલ કરવામાં આવ્યા. આખરે 24 દિવસો બાદ તેમનો કોરોના રિપોર્ટ બે વાર નેગેટિવ આવ્યો. તો સોમવારે તેમને ઘરે મોકલી દેવામાં આવ્યા.

103 વર્ષે પણ શરીરમાં નથી કોઈ રોગ

મહત્વનું છે કે 1917માં જન્મેલા સૂખા સિંહને 103 વર્ષે પણ ડાયાબિટિઝ કે બીપી સહિત કોઈ જ બીમારી નથી. તેમની ઉંમર અને રોગ સામે લડવાના તેમના જુસ્સાને જોઈને હોસ્પિટલના ટ્રસ્ટી ડો. અમોલ ભાનુશાળી અને ડો. સમીપ સોહનીએ તેમની સારવાર બીલકુલ મફતમાં કરવાનો નિર્ણય લીધો હતો. હોસ્પિટલના ત્રણેય ડોક્ટરની ટીમ દર પાંચ મિનિટે તેમની તપાસ કરતી હતી. તેમના પરિવારના અન્ય સભ્યો નિરંજન સિંહ(61), ગુરજીત કૌર(55), દરવિંદર કૌર(56) અને રણજીત સિંહ પહેલાથી જ કોરોના સામે જંગ જીતીને ઘરે પહોંચી ચૂક્યા છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.