Fri. Jul 10th, 2020

Bharat News Agency

The News Agency of India

મૃત હાલતમાં મળી આવી ટિકટોક સ્ટાર યુવતી, 1 લાખ ફોલોઅર્સ હતા

1 min read

ચંદીગઢ: હરિયાણાના સોનીપતમાં શિવાની નામની ટિકટોક સ્ટાર યુવતીનું શબ બોક્સ બેડમાંથી મળી આવતા હડકંપ મચી ગયો છે. મૃતક યુવતી હરિયાણાના સોનીપતમાં સલૂન ચલાવતી હતી અને જ્યારે તેનું શબ મળી આવ્યું ત્યારે તેના ગળા પર નિશાન જોવા મળ્યા છે. પોલીસના જણાવ્યા મુજબ આ ટિકટોક સ્ટાર યુવતીની કથિતરીતે હત્યા થઈ છે. શિવાની નામની આ યુવતી ટિકટોક પર ખૂબ જ ફેમસ હતી અને તેના લગભગ 1 લાખ જેટલા ફોલોઅર્સ હતા.

શિવાની નામની આ યુવતી ટિકટોક પર ખૂબ જ ફેમસ હતી અને બ્યૂટી સલૂન ચલાવતી હતી. પોલીસે આ કેસમાં સોમવારના રોજ આરોપીની ધરપકડ કરી છે. પોલીસે આરિફ મોહમ્મદ નામના યુવકની હત્યા, પુરાવા સાથે છેડછાડ અને એસસી-એસટી એક્ટની ધારાઓ હેઠળ ધરપકડ કરી છે. પોલીસે જણાવ્યું કે આરોપીએ પોતાનો ગુનો કબૂલ્યો છે અને કોર્ટમાં રજૂ કરતા પહેલા તેનો કોવિડ ટેસ્ટ કરાવવામાં આવશે.

પોલીસે જણાવ્યું કે શિવાનીની હત્યા શુક્રવારે સાંજે થઈ હતી. આરોપીએ દુપટ્ટાથી શિવાનીનું ગળું દબાવીને હત્યા કરી અને તેનું શબ બેડ બોક્સમાં ભરી દીધુ. મૃતક શિવાનીના પરિવારના સભ્યોએ જણાવ્યું કે આરિફ નામનો યુવક ઘણાં દિવસોથી શિવાનીને પરેશાન કરી રહ્યો હતો.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.