Wed. Jul 8th, 2020

Bharat News Agency

The News Agency of India

ભારત સામે પોતાનું જોર બતાવી રહેલા ચીનની હાલત થઈ પાતળી, ગભરામણ દેખાઈ

1 min read

ભારતે ભરેલા પગલાથી ચીન ફફડ્યું

ભારત-ચીન વચ્ચે સરહદ પર ઉભા થયેલા તણાવ બાદ સતત ચીન દ્વારા એવા પગલા ભરવામાં આવી રહ્યા છે કે જેના કારણે ભારતે પરેશાનીનો સામનો કરવો પડે. બીજી તરફ ભારત સામે લાલ આંખ કરી રહેલા ચીનની હાલત ત્યારે પાતળી થઈ ગઈ જ્યારે ભારત સરકારે ચીનની 59 એપ પર પ્રતિબંધ લગાવી દીધો છે. આ એપમાં TikTok, UC Browser, ShareIt જેવી જાણીતી એપનો પણ સમાવેશ થાય છે. આ એપને ગૂગલના પ્લે સ્ટોર અને એપ સ્ટોર પરથી હાટવવાનું શરુ કરી દેવામાં આવ્યું છે. આ સ્થિતિમાં ચીનને ગભરામણ થવા લાગી છે.

ભારતે લીધેલા એક્શન બાદ ચીની ચિંતા વધી

ભારતે એપ બેનના લીધેલા એક્શન બાદ ફફડી ગયેલા ચીનને પ્રતિક્રિયા આપવી પડી છે. ચીનના પ્રવક્તા ઝાઓ લિજિયાને ભારતે ભરેલા એપ બેનના પગલા અંગે પ્રતિક્રિયા આપીને કહ્યું, “ચીનને ઘણીં ચિંતા છે અને તે સ્થિતિની સમીક્ષા કરી રહ્યા છે.” જણાવી દઈએ કે બન્ને દેશો વચ્ચે લદ્દાખમાં એક મહિના કરતા વધુ સમયથી તણાવ ચાલી રહ્યો છે અને ગલવાન વેલીમાં ચીની સેના સાથે થયેલી લોહિયાળ ઝપાઝપીમાં ભારતે 20 જવાનો ગુમાવ્યા હતા.

હવે યાદ આવ્યો આંતરાષ્ટ્રીય કાયદો

આ સાથે તેમણે કહ્યું, “અમારું કહેવું છે કે, ચીનની સરકાર હંમેશાથી પોતાના વેપારીઓને આંતરાષ્ટ્રીય અને સ્થાનિક નિયમોનું પાલન કરવા માટે કહે છે. ભારત સરકારે ચીન સહિત તમામ આંતરાષ્ટ્રીય રોકાણકારોના કાયદાકીય અધિકારોની રક્ષા કરવાની જવાબદારી છે.”


ભારતે 59 એપ પર લગાવ્યો છે પ્રતિબંધ

જણાવી દઈએ કે ભારતે ગઈકાલે ચાઈનાની 59 એપ પર પ્રતિબંધ લગાવી દીધો છે. જેમાં TikTok સહિતની જાણી એપનો સમાવેશ થાય છે. આ એપ માત્ર ચાઈનીઝ હોવાનું નહીં પણ સુરક્ષાનો પણ મોટો સવાલ હોવાના કારણે આ એપ સામે પગલા ભરવા જરુરી હતી. લગભગ 59 એપ્સને એપ સ્ટોર અને પ્લે સ્ટોર પરથી દૂર કરવાની કામગીરી ચાલી રહી છે.

આજે પણ બન્ને દેશો વચ્ચે થશે વાતચીત

ચીનને ભારતે એપ પર પ્રતિબંધ લગાવ્યા બાદ મોટો ઝાટકો લાગ્યો છે. બીજી તરફ આજે બન્ને દેશોના સૈન્યના અધિકારીઓ વચ્ચે બેઠક થવાની છે. આ બેઠકમાં બન્ને દેશ વચ્ચે ઉભી થયેલી તણાવની સ્થિતિ બાદ ભારતે ભરેલા પગલાના કારણે નરમાશ પણ જોવા મળી શકે છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.