Fri. Jul 10th, 2020

Bharat News Agency

The News Agency of India

કોન્ટ્રાક્ટ તોડીને ‘ડિટેક્ટિવ બ્યોમકેશ બક્ષી’ માટે યશરાજ ફિલ્મ્સે સુશાંતને આપી હતી આટલી ફી!

1 min read

સુશાંત સિંહ રાડજપૂતના આપઘાત મામલે તપાસ કરી રહેલી બાંદ્રા પોલીસ પાસે સુશાંત અને યશરાજ ફિલ્મ્સની વચ્ચે થયેલા કોન્ટ્રાક્ટની કોપી પહોંચી ગઈ છે. કોન્ટ્રાક્ટ પ્રમાણે, સુશાંત સિંહ અને યશરાજ ફિલ્મ્સ વચ્ચે ત્રણ ફિલ્મને લઈને કોન્ટ્રાક્ટ થયો હતો. સુશાંતને પહેલી ફિલ્મ માટે 30 લાખ રૂપિયા આપવામાં આવ્યા હતા.

કોન્ટ્રાક્ટ પ્રમાણે, જો પહેલી ફિલ્મ હિટ જાય છે, તો સુશાંતને બીજી ફિલ્મ માટે 60 લાખ રૂપિયા મળશે અને બીજી ફિલ્મ હિટ જશે તો ત્રીજી ફિલ્મ માટે એક કરોડ રૂપિયા ફી મળશે. જો કે, ફિલ્મ હિટ છે કે ફ્લોપ તે નક્કી કરવાનો અધિકાર યશરાજ ફિલ્મ્સ પાસે હતો.

યશરાજ ફિલ્મ્સની સાથે સુશાંતની પહેલી ફિલ્મ ‘શુદ્ધ દેશી રોમાન્સ’ હતી. જેમાં તેની ઓપોઝિટમાં પરિણીતિ ચોપરા અને વાણી કપૂર હતી. આ ફિલ્મ માટે સુશાંતને 60 લાખ રૂપિયા આપવામાં આવ્યા હતા. સુશાંતની બીજી ફિલ્મ ‘ડિટેક્ટિવ બ્યોમકેશ બક્ષી’ હતી અને તે દિબાકર બેનર્જીના ડાયરેક્શનમાં બની હતી. જેના માટે તેને એક કરોડ આપવામાં આવ્યા હતા. ફિલ્મમેકર્સે કોન્ટ્રાક્ટ તોડીને આટલી વધુ ફી કેમ આપી તેનો ખુલાસો થયો નથી.

યશરાજ ફિલ્મ્સની સાથે સુશાંતની ત્રીજી ફિલ્મ ‘પાની હતી’ અને તેને શેખર કપૂર ડાયરેક્ટ કરવાના હતા. પોલીસ સ્ટેશનમાં યશરાજ ફિલ્મ્સેના અધિકારીઓએ નોંધાવેલા નિવેદન પ્રમાણે, આદિત્ય ચોપરા અને શેખર કપૂરની વચ્ચે ક્રિએટિવ મતભેદ હોવાના કારણે ફિલ્મ બની શકી નહીં.

યશરાજ ફિલ્મ્સની કાસ્ટિંગ ડિરેક્ટર શાનૂ શર્માએ પણ પોલીસ પૂછપરછ દરમિયાન જણાવ્યું હતું કે, ‘સુશાંત યશરાજ સાથે પોતાની ત્રીજી ફિલ્મ ‘પાની’ને લઈને ઉત્સુક હતો. યશરાજ પણ તેને બિગ બજેટ ફિલ્મ બનાવવા માગતા હતા, અને આ માટે 4-5 કરોડનો પ્રી-પ્રોડક્શન ખર્ચ પણ કરવામાં આવ્યો હતો. પરંતુ શેખર કપૂર અને આદિત્ય અલગ-અલગ મત હોવાથી ફિલ્મ બની શકી નહીં. ફિલ્મ ન બનવાથી સુશાંત દુઃખી થયો હતો અને તેણે યશરાજ ફિલ્મ્સ છોડવાનો નિર્ણય લીધો હતો’.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.