Fri. Jul 10th, 2020

Bharat News Agency

The News Agency of India

હવે આમિર ખાનના ઘરે પહોંચ્યો કોરોના વાયરસ, સ્ટાફના કેટલાક સભ્યોનો રિપોર્ટ પોઝિટિવ

1 min read

બોલિવુડ એક્ટર આમિર ખાને પોતાના સ્ટાફના કેટલાક સભ્યોનો કોરોના વાયરસનો રિપોર્ટ પોઝિટિવ આવ્યો હોવાની જાણકારી આપી છે. એક્ટરે પોતે ટ્વિટર પર એક લેટર શેર કરીને આ વાતની જાણકારી આપી છે.

તેણે લખ્યું છે કે, ‘મારા સ્ટાફના કેટલાક સભ્યોનો કોરોના રિપોર્ટ પોઝિટિવ આવ્યો છે. તેમને તરત જ ક્વોરન્ટિન કરી દેવાયા છે. બીએમસીના અધિકારીઓએ પણ મેડિકલ સેવાઓ ઉપલબ્ધ કરાવી છે. હું બીએમસીનો આભાર માનવા માગુ છું. તેઓ મારા સ્ટાફની સારી રીતે દેખરેખ રાખી રહ્યા છે. સાથે જ આખી સોસાયટીને સેનિટાઈઝ અને ડિસઈન્ફેક્ટ કરી છે’.

‘અમારા બધાનો પણ કોરોના ટેસ્ટ થયો અને અમારો રિપોર્ટ નેગેટિવ આવ્યો છે. હવે હું મારી માતાનો ટેસ્ટ કરાવીશ. પરિવારમાં માત્ર તેઓ એક જ વ્યક્તિ એવા છે જેમનો રિપોર્ટ કરાવવાનો બાકી છે. પ્લીઝ પ્રાર્થના કરો કે મારી માતાનો ટેસ્ટ નેગેટિવ આવે. જે રીતે બીએમસીએ અમારી મદદ અને કેર કરી છે, તે માટે ફરી એકવાર હું તેમનો આભાર માનવા માગુ છું’.

આમિર ખાને ટ્વીટમાં કોકિલાબેન હોસ્પિટલના ડોક્ટરો, નર્સો અને સ્ટાફનો પણ આભાર માન્યો છે. તેણે લખ્યું છે કે, ‘તેઓ તમામ ટેસ્ટિંગ પ્રોસેસને કેર સાથે કરી રહ્યા છે’. આમિર ખાને આ સાથે તમામને સુરક્ષિત રહેવાની અપીલ કરી છે.

આ પહેલા બોની કપૂરના ઘરના સ્ટાફના સભ્યોનો રિપોર્ટ પોઝિટિવ આવ્યો હતો અને બાદમાં જાહ્નવી સહિત પરિવારના તમામ સભ્યોનો ટેસ્ટ થયો હતો જેનો રિપોર્ટ નેગેટિવ આવ્યો હતો.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.