Fri. Jul 10th, 2020

Bharat News Agency

The News Agency of India

પ્લે સ્ટોર, એપ સ્ટોર પરથી TikTok ગાયબ, ભારતીય યુઝર્સના ડેટા અંગે કંપનીનો મોટો દાવો

1 min read

નવી દિલ્હી: ગઈકાલે સરકારે પ્રતિબંધ મૂકી દીધા બાદ આજે TikTok સહિતની 59 એપ્સ પ્લે સ્ટોર અને એપ સ્ટોર પરથી ગાયબ થઈ ગઈ છે. આ દરમિયાન પ્રતિબંધિત કરાયેલી એપ્સમાં સૌથી ફેમસ એવી TikTokએ જણાવ્યું છે કે તે સરકારના આદેશ અનુસાર તમામ નિર્દેશોનું પાલન કરવાની પ્રક્રિયા શરુ કરી દીધી છે. કંપનીએ એવી પણ સ્પષ્ટતા કરી છે કે તે ભારતીય યુઝર્સનો ડેટા ચીન સહિતની દુનિયાની કોઈ સરકાર સાથે શેર નથી કરતી.

શોર્ટ વિડીયો શેરિંગ એપ TikTokએ એમ પણ જણાવ્યું છે કે તે આ મામલે સત્તાધીશો સાથે મુલાકાત કરશે, અને પોતાનું સ્પષ્ટિકરણ આપશે. ઉલ્લેખનીય છે કે, દેશની સુરક્ષા પર ખતરો ગણાવીને ભારત સરકારે ગઈકાલે રાત્રે TikTok અને UC Browser સહિતની ચાઈનીઝ એપ્સ પર પ્રતિબંધ મૂકી દીધો હતો.

TikTok આજ સવારથી ગુગલ પ્લે સ્ટોર અને એપલ એપ સ્ટોર પર નથી દેખાઈ રહી. જોકે, સૂત્રોનું માનીએ તો કંપનીએ જ TikTokને પોતે જ બંને પ્લેટફોર્મ પરથી હટાવી લીધી છે. TikTok ઈન્ડિયાના હેડ નિખિલ ગાંધીના જણાવ્યા અનુસાર સરકાર તરફથી કંપનીના પ્રતિનિધિઓને બોલાવી તેમને પોતાનો ખુલાસો તેમજ સ્પષ્ટિકરણ આપવા માટેની તક અપાઈ છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.