Fri. Jul 10th, 2020

Bharat News Agency

The News Agency of India

મુંબઈની તાજ હોટેલને બોમ્બથી ઉડાવવાની ધમકી, પાકિસ્તાનથી આવ્યો કોલ

1 min read

તાજ હોટેલને બોમ્બથી ઉડાવવાની ધમકી

મુંબઈઃ મહારાષ્ટ્રના મુંબઈમાં સ્થિત હોટલ તાજને ફોન પર બોમ્બથી ઉડાવવાની ધમકી મળી છે. જેના બાદ હડકંપ મચી ગયો છે. કહેવામાં આવ્યું છે કે, આ કોલ કથિત રીતે પાકિસ્તાનથી આવ્યો છે. તેની તપાસમાં હાલ મુંબઈ પોલીસ લાગી ગઈ છે. પોલીસના સૂત્રોના જણાવ્યા અનુસાર, મુંબઈના તાજ હોટલ પર આતંકી હુમલાની ધમકી આવી છે. ફોન પર ધમકી મળ્યા બાદ પોલીસે તાજ હોટલની સુરક્ષા વધારી દીધી છે. સાથે જ હોટલમાં આવનારા ગેસ્ટ પર ચાંપતો બંદોબસ્ત ગોઠવી દીધો છે. હોટલ તાજની આસપાસ દક્ષિણ મુંબઈમાં પોલીસે નાકાબંધી વધારી દીધી છે. આ ઉપરાંત દરિયાઈ વિસ્તારમાં પણ પેટ્રોલિંગ વધારી દીધું છે.’

2008માં થયો હતો હીચકારો હુમલો

ઉલ્લેખનીય છે કે, આ પહેલા વર્ષ 2008માં 26 નવેમ્બરના રોજ મુંબઈમાં તાજ હોટલ પર આતંકી હુમલો થઈ ચૂક્યો છે. આ આતંકી હુમલામાં 166 તી વધુ લોકોના મોત થયા હતા અને 300થી વધુ લોકો ઘાયલ થયા હતા. હોટલ તાજ પર આ હુમલાએ ભારત અને પાકિસ્તાનને યુદ્ધ કરવા સુધીના કગાર પર ઉભા રાખી દીધા હતા.

2019માં પણ મળ્યા હતા ઇનપુટ

2019ના ઓક્ટોબર મહિનામાં પણ 26/11એ મુંબઇ મહાનગર પર થયેલા આતંકવાદી હુમલા જેવો મોટો આતંકવાદી હુમલો ભારતમાં કરવાની પાકિસ્તાનની યોજના હોવાની માહિતી ગુપ્તચર ખાતાને મળી હતી. પાકિસ્તાનની બદનામ ગુપ્તચર સંસ્થા આઇએસઆઇ અને જૈશ-એ-મુહમ્મદ પણ આ યોજનામાં સહભાગી હોવાનું આ સૂત્રે કહ્યું હતું. આતંકવાદી કાર્યોમાં નિષ્ણાત મનાતા ભટકલ બંધુઓને આ હુમલાની યોજના અને અમલ કરવાની જવાબદારી સોંપવામાં આવી હોવાનું ગુપ્તચર ખાતાના સંદેશામાં જણાવાયું હતું. ભટકલ બંધુઓ પાકિસ્તાન સ્થિત ઇન્ડિયન મુજાહિદના સ્થાપક સભ્યો છે. ગમે તેવા આતંકવાદી હુમલાને સાકાર કરવા આ બંને પંકાયેલા છે.

આતંકી કસાબને આપવામાં આવી હતી ફાંસી

મુંબઈ હુમલામાં આતંકી અજમલ કસાબે જીવતો પકડાવી લેવાયો હતો. જેના બાદ તપાસ એજન્સીઓએ પૂછપરથમાં માલૂમ પડ્યું હતું કે, હોટલ તાજ પર થયેલા આતંકી હુમલાની પાછળ પાકિસ્તાનથી ઓપરેટ થનાર આતંકી સંગઠનોનો હાથ હતો. જેના બાદ અજમલ કસાબને 21 સપ્ટેમ્બર, 2012ના રોજ ફાંસી લગાવાઈ હતી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.